بسم الله الرحمن الرحيم

انا هحاول الخص الموضوع شويه لان الموضوع يحتاج لجهد كبير جدا و دراسات كبيره جدا

بس هحاول اقتصر فى الموضوع للتبسيط ... و من يريد الاستفسار يمكنه ان يكتب استفساره بنفس الموضوع .. او يقوم بمراسلتى و ساقوم بالرد عليه لمساعدته





بالنسبه لكتابه الموضوع او شكل الموضوع

فكرت اكتب الموضوع دا لانى لقيت هنا كلمات مش مفيده تماما بتتكتب فى عنوان الموضوع

و بالتالى مش هتكون

كلمات دليليه للموضوع عشان تسهل عمليه الارشفه من عناكب جوجل


نقاط بسيطه ناخد بالنا منها وهيبقى لينكات موقعنا دايما فى اول محركات البحث


اولا : لا تستعمل الرموز و الزخارف في عناوين المواضيع مثل

`·._.)·._.·°..:™®

انا معاك ان بيبقى شكلها جميله و بتفصل بين الجمل و بعضها

ولكن محركات البحث لا تستحمل هذا و المنتديات ثم الصفحات التي تحتوي على مثل هذه الرموز

لا تظهر ابداً في نتائج البحث لأنه يتم اقصائها


ثانيا : الكلمات اللى بتتضاف للمواضيع اللى مش بتفيد زى اكتر من سيرفر ... انفراد تام ...

بمساحه كام ميجا و الكلام ده كله غير مفيد تماما

يا ريت ننسى كلمه انفراد لان خلاص طبيعى ان الموقع يتميز بالحصرى دائما

و كل الزوار تعلم هذا تماما


اكتر من سيرفر اكيد اللى هيدخل الموضوع او هيحمل هيشوف سيرفرات كتير

مش محتاج تقوله الا لو كنت شاكك انه اعمى

فى الحاله دى ممكن تقوله اكتر من سيرفر


بالنسبه للفلاشات يا ريت يتكتب اسم الفلاشه الصح فى عنوان الموضوع

وفى وسط الموضوع نفسه يعنى مثلا

فلاشه :: 1200 :: RH-99 :: V5.80

انما العنوان الغلط بيبقى

حصريا - احدث فلاشه لنوكيا 1200


وبالنسبه للافلام والاغانى والالبوم - غير ضرورى بالمره تكتب مكساحه الالبوم او الفيلم فى العنوان

ممن تكتها فى وسط الموضوع انما العنوان مش مفيده بالمره


حاول تقلل عنوان الموضوع لان متفتكرش كل ما الموضوع عنوانه كبير هيفيدك

بالعكس هيضر بالموضوع بتاعك جدا


باختصار

حط نفسك فى وضع الزائر لو انت اللى بتدور على اغنيه مثلا او فيلم

اول ما هتكتب فى السيرش هتكتب زى ما انت كاتب الموضوع كده

يعنى مثلا لو انت بتدور على اغنيه جديده

هتكتب فى بحث جوجل

( حصريا اغنيه كذا كذا )

و لا هتكتب ( اغنيه كذا ) علطول

فبلاش نصعبها على نفسنا و على الزوار

عشان نتائج الموقع بدات تتاخر فى السيرش عشان كده مبيبقاش فى زوار فى الموضوع بتاعك بعد ما يرجع فى صفحات المجله

لانه مش موجود فى السيرش غير فى صفحات متاخره جدا مش هيلحق الزوار يوصلوا ليها اساسا

لان اغلب الزوار بيدخل على اول نتائج فى الصفحه و خلاص محدش هيدور و يوصل لصفحه 5 او 6 فى السيرش


انا حاولت الخص على قد ما اقدر و فى افكار كتير جدا بس مقدرتش ارتبها و قولت ابدا بالبدايه دى و يا رب تتنفذ لمصلحه الموقع

و اللى مش فاهم حاجه معينه يستفسر و انا اوضحها ليه او يراسلنى و انا مش همانع فى مساعدته اكيد

ياريت بلاش نغلق الموضوع هنا و نسيب مساحه للاعضاء يعرضوا افكارهم او تساؤلاتهم


اخيرا ...

الموضوع مش مبتكر .. انما هو منقول لتعم الفائده على الموقع