اتنين مصريين سمعهم تقيل جداً واقفين على محطة الاتوبيس ودار بينهم الحوار التالي
الأول : الاتوبيس ده بيروح مــصر الجديدة؟
التاني : على الحديدة !!... ليه انت طالب احسان ؟
الأول : بذرة الكتان !! لا ..دي تلاقيها عند العطار
التاني : جزار!! اه ..قوللي كده .. عايز تشتري لحمة
الأول : معاك حق.. الدنيا زحمة ..علشان ده ميعاد خروج الموظفين
التاني : نور الدين !! لا والله .. ماعرفوش
الأول : ما بتشربوش!! ليه ..كفا الله الشر
التاني : رأس البر !!! ..ده مــصيف هادي
الأول .: عايز تركب للمعادي... دي منطقة جميلة
التاني : بليلة !! انت شكلك كده جعان
الأول : عيان!!! أي والله .انت باين عليك عيان ..طيب ما تروح للدكتور
التاني: الحنطور!! ده احسن من الأتوبيس ، وبيوصلني لحد الباب
الأول : هبــــاب !!! وانا اللي كنت فاكرك محترم
التاني : اتخـرم !! هو مين ؟؟ هههههههههههههههه
الأول : عاوز اسـبرين ! ليه انت عندك صداع ؟
التاني : قراع !!! ينهار اسود . ده مرض خطير
الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي
التاني: خالي !!! انت تعرف خالي ؟ ده راجل كبير في السن
الأول : الجن !!! نهارك مش فايت ..انت عليك عفريت .!؟
التاني : لا والله ..ممعاييش.. انت عايز الكبريت ليه ؟ عايز تولع؟
الأول : أدلع !!! أدلع عليك انت!؟ انت ما تملاش عينيا
التاني : يقبضوا عليا !! ليه !؟
الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش
التاني : خيش !!! والله ده صوف انجليزي
الأول: بنتك زيزي !!! ربنا يخلي...
التاني : أنتاج محلي !!!! ده مستورد ههههههههههههههههههه
يمر شاويش ... يلفت انتباهه الحوار،!
الشاويش : : بتعمل ايه يا جدع منك له!!
الاتنين: ايوة يا شاويش ...احنا مستنين الأتوبيس
الشاويش :جواسيس !!!! نهاركم مش فايت ....قدامي على القسم بسرعة
..::..
المفضلات