لو بتعرف انو ريدك كيف بيسوي فينا وبيعمل
مما بتفكر يوم تسيبنا وما بتحاول مررة تزعل
لو بتعرف انو ريدك شلناه مما انت دابك
لسه في حضن الطفولة قبل ما تعرف شبابك
الا يوم كترو الاحبة الغرور طبعا اصابك
وابتديت اشعر عتابك بادي في اسلوب خطابك
وابتديت في نفسي اسال
حقو تعرف وين مكانك قبل ما تصدق ظنونك
ياما سبنا الناس عشانك وعشنا افراح في عيونك
قلبا اخضر بحنانك كيف تكون دنياه دونك
اصلو بان اخلاصو ليك ومستحيل في الريد يخونك
وكيف تصدق انو يحصل
ياما نجم الليل بشهد نكتب الاحرف اغاني
كنت لي عيوني السعاده وكنت لي قلبي الاماني
ما زمان علمتك انو كل دنيا الحب تفاني
ولما احكمت الرماية كنت اول زول رماني
المفضلات