الموضوع بتاع النهاردة
مفهوش اى حاجة غريبه
ومفهوش اى حاجة مختلفه
اسبكمـ معاة وربنا معانـا
(-( البنت لما ترتبط بالولد )-)
- لو جه هوة اللى كلمها يبقى مدلوق عليها
لو هى اللى كلمته يبقى مغرور وشايف نفسهClick this bar to view the full image.
- لو قالها نعرف بعض شوية يبقى بيتسلى و بيلعب بيها
ولو قالها نرتبط يبقى لازم يجيب كل اللى الأهل عايزينه ( طبعا مش بقى صعب انما بقى مستحيل )Click this bar to view the full image.
- لو بقى معاها علطول يبقى فاضى وصايع ومش وراه حاجة
ولو سابها مرة تروح لوحدها مبقاش مهتم بيهاClick this bar to view the full image.
- لو مكلمهاش كل يوم 30 مرة يبقى مش بيحبها
ولو كلمها لحد ما يفلس يبقى مش بيفكر صح للمستقبلClick this bar to view the full image.
- لو جبلها هدية فى كل مناسبة يبقى بيضيع فلوسه وكمان ممكن الهدية متعجبهاش
لو مجبلهاش ولو فى مرة واحدة يبقى انانى ومش بيفكر فيهاClick this bar to view the full image.
- لو حبها وفيها عيوب وحاول يصلحها يبقى بيتحكم فيها
ولو محاولش يصلحها يبقى مش بيحبها ويطلع عينه وتقوله انة لازم يحبها زى ما هىClick this bar to view the full image.
- لو فيه حاجة مدايقاه وقالها يبقى بيتلكك
ولو مقلهاش يبقى قلبه اسود وبيحوشClick this bar to view the full image.
- لو هى بتغير عليه يبقى عشان بتحبه
ولو هو بيغير عليها يبقى بيخنوقهاClick this bar to view the full image.
- لو قالها متكلميش فلان يبقى عايز يقطع علاقتها بكل أصحابها
ولو هى قلتلوا متكلمش فلانة يبقى عشان أكيد هوة اللى عينوه زايغةClick this bar to view the full image.
- لو خرجوا مع بعض وقالها تروحى فين يبقى مش عارف يتصرف
ولو مسألهاش يبقى عايز يخرج على مزاجهClick this bar to view the full image.
- لو حب يخرج مع أصحابة يبقى أنانى ومش بيفكر فيها وهى قاعدة لوحدها
ولو هى حبت تخرج مع أصحابها يبقى شئ طبيعى عشان همة بناتClick this bar to view the full image.
- لما يطلع عمرو دياب ولا كاظم فى التليفزيون تبقى هتموت عليه وده شئ طبيعى عشان مين اللى ميحبش عمرو ؟
ولو هوة بص لأى واحدة فى التليفزيون يبقى عشان رمرام وعينه زايغةClick this bar to view the full image.
- لو حاول يبوسها يبقى سافل وصايع
ولو ما حاولش يبقى بارد ومعندوش مشاعرClick this bar to view the full image.
- لو مسك ايدها يبقى عشان عايز حاجة مش كويسة
ولو هية اللى مسكتها طبعا عشان بتحبةClick this bar to view the full image.
- لو هية قعدت فترة متكلمهوش يبقى أكيد عشان مش عايزة تعطله
ولو هوة مكلمهاش عشان امتحانات ولا حاجة يبقى عشان عايز يطنشهاClick this bar to view the full image.
- لو سأل عليها كل شوية يبقى ده طبيعى
ولو مرة واحدة مسألش يبقى أكيد مبقاش يحبهاClick this bar to view the full image.
- لو هوة خارج من علاقة يبقى بتاع بنات
ولو هية خارجة من علاقة يبقى أكيد مظلومة وانضحك عليهاClick this bar to view the full image.
- لو قالها نعرف الناس كلها اننا بنحب بعض يبقى عايز يشردلها
ولو قالها نستنى شوية يبقى أكيد ناوى يفلسعClick this bar to view the full image.
- لو مشتغلش يبقى مش بيفكر فى المستقبل ومش عارف يكفى طلباتها هى أو أهلها
ولو اشتغل أى حاجة يبقى مش عايز يحافظ على المظهر والبرستيج بتاعها أدام الناسClick this bar to view the full image.
- لو حصله مشكلة واتخنق شوية يبقى كئيب ومقرف
ولو هية اللى مخنوقة يبقى أكيد عشان حساسةClick this bar to view the full image.
- لو سقط بسببها يبقى عشان ملوش هدف
ولو هية سقطط يبقى عشان بتموت فية وبتفكر فية ليل ونهارClick this bar to view the full image.
- لو كدب عليها يبقى غشاش ومخادع
ولو هية كدبت علية يبقى عشان مش عايزة تزعلهClick this bar to view the full image.
- لو مبقاش 24 ساعة رومانسى يبقى أكيد بيفكر فى حد تانى
ولو بقى علطول رومانسى هتقوله استرجل شوية دانا أرجل منكClick this bar to view the full image.
- لو فى مرة جبلها هدية أو خرجها من غير مناسبة يبقى عشان عمل غلطة وعايز يداريها
ولو هى اللى عملت كدة يبقى عشان الحبClick this bar to view the full image.
- لو حصل خناقة بينهم وخللى حد يحكم يبقى عايز يفضحها ويطلعها غلطانة علطول
ولو هى اللى دخلت حد بينهم يبقى طبعا عشان هوة ظالم ولازم حد ينصفهاClick this bar to view the full image.
- لو حصل موقف مؤثر وعيط يبقى تافه ومش راجل
ولو متأثرش بيه يبقى قاسى وقلبه حجر
البنت محتاجة الحب والرومانسية والدفء والأمان ... محتاجة لإنسان يحتويها ويفهمها ... بس أكيد دايما كل حاجة بتاخد وقتها مفيش حاجة بتيجى بسرعة غير وبتضيع بسرعة ... عشان الحب ده زى النبات مش أول ما نزرعه يبقى نقعد مستنين الحصاد ... لازم نصبر ونرويه بهدوء ونستنى الزرع لما يبقى ليه جذور تحميه من أى عواصف ممكن تموته ويبقى قوى عشان نعرضه للمشاكل اللى بتحصل ... انما محدش عنده صبر الناس كلها عصبية ... كله شايف التانى غلطان ... محدش عايز يعترف بغلطه ... كله بيرمى على كله والحياة كل يوم بتبقى أسوأ ... ومفهوم الحب ضاع بين التفاهة اللى فى الأفلام ... لو كان الممثلين اللى بيعملوا أقوى الأفلام الرومانسية فى الدنيا بيطبقوا اللى همة بيعملوه فى حياتهم مكنش فيه ممثل طلق ممثلة ... انما أغلب وأشهر حالات الطلاق بينهم ... المشكلة إن الحب الحقيقى أروع من الى بنشوفه ... بس محدش قادر يصبر ... وكله بيجرى ورا الوهم الى فى الأفلام وطبعا النتيجة ان الكل بيتعقدو ومشاكل وحوارات مش بتنتهى ... وطبعا أكيد السبب الطرف التانى من قبل ما حتى حد يعرف اية المشكلة !!
ياريت نبعد عن دماغنا المفهوم الملوث بتاع حب الأفلام وندور على الحب الحقيقى اللى من غير مشاكل ... وعلى فكرة موجود واللى بيوصله مش بيسيبه أبدا وناس كتير مبتتكلمش عنه عشان خايفة الباقى يحسدهم عليه ...
والله موجود واللى يفكر شوية هيلاقيه ... والحدق يفهم ...
طبعا اللى فوق ده نموذج ممكن يحصل أو لأ بس فى الأغلب بيحصل وده ناتج عن حاجات وقعناها من حسابتنا ... كل واحد يشوف ضاع أد اية منه من وقت بيقرا
ويشوف بردو ضاع منو اد اية فى حوارات وافلام على البنات ... ويشوف بقة باقى اد اية من العمر عشان يضيعة ؟؟
المفضلات