فى عيد الأم - للشاعر / اكرم حسن احمد
عشان معاييش
هبوس ايدك
وسمحينى
ظروف بتمر
بطعم المر
مش بيدى
رغيف العيّش
مافيش تمنه
وخيرك ليا
قولى لى منين .. اجيب تمنه
وداقت بيا ..ع الأخر
دا حتى الشعر
بقيت ف كتابته .. مش شاعر
كأنى ف بحر
بدون ميا ولاّمركب ولاّ صياد
بقيت مفعول
ويمكن اكون.. انا الفاعل
هتفرج يامه والله
وجيب لك شئ بتتمنيه
وجيب لحمه.. ونعمل شرب زى الناس
دا رغم الديق
لسّانى برده متفاقل
المفضلات