يشرفني اختيارك ليا يا علام
اولا انا بقوم من النوم قبل الضهر بنص ساعه
ادخل الحمام و اتوضي و اصلي و اروح المحل
ادخل للكمبيوتر بتاعي افتح النت و ادخل علي المنتدي و اشوف الردود اللي علي مواضيعي
اشوف الشغل اللي استلمه الغبي و انا مش موجود و اثناء ما انا بعمله بتابع اخر المشاركات
افطر بسندوتش متين كده
و يبدأ الكفاح مع الزباين
كنت امبارح شايل شويه خطوط كده علي جمب ارقام مميزة
جيت لقيت الغبي بايعهم جمله وحاطط مكانهم خطوط تانيه
دخل زبون اتفقت معاه علي سعر حلو للخط و قلتله بقي عندي ارقام محصلتش
رحت اجيب الخطوط لقيت ارقام تانيه خالص
قلت يمكن انا لسه نايم
ادور شمال يمين مفيش
سألت الغبي قالي انا بعتهم
الخط ب2 جنيه
و كانت الصدمه الكبري
قلت حسبي الله و نعم الوكيل
المهم
بكمل شغلي بقي
خط
كارت
سوفت
هارد
شاشه
و اللي يقولي يا معلم
وكأني في وكاله
و اللي يقولي يا ريس
وكأني رئيس عمال او خولي
و اللي يقولي يا برنس
و كأني مطرب شعبي
و اللي يقولي يا اسطي وكأني راكب توك توك
المهم
المشكله اني معايا كليه اعلام
انا مش ببخس من الشغلانه
لا و الله الحمد لله
بس اهي فضفضه
المغرب يأذن
اروح اتغدي و ارجع تاني
فالبيت
علي فكرة الحمد لله
انا مش بسيب فرض
ارجع اصلي العشا و اكمل شغلي
مع متابعه دائمه للمنتدي طوال اليوم
اشتغل بقي للساعه 12
و اروح اسهر
تحت البطانيه و الاب توب قدامي مع موضوع المليون حيث اجمل و احلي اصدقاء عرفتهم في عمري
الي ان يأتي النوم
بس بصلي الفجر قبل ما انام
لا انسي اني بروح لخطيبتي اسكندريه يوم في الاسبوع
بس مش من اوله
و عموما هي لو ساعه
بتكون احلي ساعه
ارجو الا اكون قد اطلت عليكم والف شكر لاحلي اعضاء
و يأتي من بعدي
محمد صلاح
المفضلات