.:مشرف بقسم السوفت الصينى:.
الحالة
غير متواجد
راسم خيوط العنكبوت
راسم خيوط العنكبوت
فوق سكتى ولخطوتى
ضامم بيوت
بس السكوت مش اعلى صوت
فى دنيتى
اصلى بحب محبتى
وبحب اسمع صرختى
وبحب امشى سكتى
وسط الهدوء
فين الهدوء
للمرسومين وسط البشر
للملمومين جوه الحجر
للمشدودين وسط السهر
وطيور وواقفين ع السجر
يادى الخبر
هو القمر شاف القمر
ولا الكلام مبقاش خلاص
قد المقام
لما بننده منلاقيه رد السلام
من غير كلام
اه على كان واللى جرى
محد شاف ولا قرا
ولا حد قال مين جه ورا
كلو ف نفسو وسكته
سكته كتير مع خطوته
وخطوته تايهه ف قلب سكتو
ياغربتى
امتى تهونى بلوتى
وترجعينى سكتى
وتوجهينى لنظرتى
وتطمنينى ف دنيتى
وتكونى لمه ف البيوت
جوه خيوط العنكبوت
اغزل خيوط فوق الخيوط
واصرخ ونادى باعلى صوت
قول يا بشر ليه القلوب
صبحت حجر
هو الكلام طارح شجر
ولاخيوطنا تتقطع
مع كل حبايه مطر
ليه الضجر
مع ان كان انتى وانا
احلى خبر
والليل يفوت
والناس تموت
وانتى بتفضلى يا خيوط
العنكبوت اجمد خيوط
- سبحان الله العظيم وبحمده
- حسبنا الله ونعم الوكيل
- استغفر الله العظيم الذي لا اله الا هو الحي القيوم واتوب اليك
- لا اله الا انت سبحانك اني كنت من الظالمين
المفضلات