البيـــه المشــــــرف

**السخاوى** · 22-08-2009, 02:33 PM

البية المشــــــــــــــــرف

البيه المشرف

..... بيحذف زي ما هو عايز ويحرر مشاركات برااحته خاااااااالص......مفكر انه مبيغلطش...ومستحيل حد يمسك عليه غلطة واحدة...

البيه المشرف ..فاكر انه علي راسي ريشة ...وعمر ما بيتمسحله مواضيع ولا يتحررله مشاركة...طبعا ما هو البيه المشرف

سعادة البيه المشرف..يلف في كل حتة في المنتدي...ويشيل اللي ميعجبهوش ويخلي اللي بيعجبه....وان حطّ عضو في دماغي....يبقي يا ويله......

ديكتاتور ودا طبعه...واللي مش عاجبه يبقي يدوق من غضبه

السلام عليكم يا أخوننا...طبعا عنوان الموضوع يخض...والكلام اللي فوق يخض اكتر

بس بصراحة كدة وبدوووووووون مجاملة؟

عمرك انت او انتى قلت / ي الكلام ده عن مشرف/مشرفة ولو في سرك حتي؟

والله يا جماعة الحكاية مش كدة خاااااالص...ده كلنا زي بعض...عضو ولا مشرف...تفرق ايه؟

ما المشرف اللي بتقول عليه كدة كان في يوم من الايام عضو جديد ..وبدأ زي ما بدأت بمشاركة واحدة ...

يعني زيه زيك

بس هو يفرق عنّك في حاجة واحدة...انه شايل مسئولية انت مش شايلها

موضوع عايز تنسيق بينسقه...موضوع علمي أو اسلامي عايز مصدر موثوق فيه...يا بيطلب من صاحب الموضوع يجيببه يا اما بيدور هو عليه..وكل ده عشان المعلومة في الأخر توصلك جاهزة وصح وموثوق فيها

حتي يا عم لو نقلك موضوع لقسم تاني...فيها ايه يعني...ما كدة أحسن برضه...بينظم الأقسام عشان تقدر توصل للي انت عاوزه بسهولة

ولو يا سيدي حذفلك موضوع...وماله..أكيد هو شايف حاجة انت مش شايفها....مفيهاش حاجة يعني

حتقوللي اشمعني المشرف مش بيتحذفله...

لا المشرف بينحذفله برده لانه بيغلط زى ما قولت ذيه ذينا

وأخييييييييييييرا

المشرفين يا جماعة ناس زيهم... زينا يعني...وشايلين علي راسهم مسئولية والله هو المستعان

وخلي الموضوع ده فرصة اللي شايل من مشرف يقول وبصراحة

وانا عارف اننا هنا محدش بيشيل من حد

لانن هنا كلنا اخوااااااات بجد

( مع الاتزام بأداب الحوار الراقي)

تحياتى

**الساحر الصغير** · 22-08-2009, 02:47 PM

علم وجارى التنفيذ
والف مبروك على الاشراف

**~~Hnen Tel~~** · 22-08-2009, 02:48 PM

شكرا عزيزي.......(البيـــه)

**أحمد السيوفي** · 22-08-2009, 02:53 PM

انا قولت السخاوي اتجنن ولا ايه ههههههههههههههههههههههه

**EXplORer_70** · 22-08-2009, 02:57 PM

هههههههههههههه
اية دا ياود قصدى (يابية )

الحمد لله كلنا هنا اخوة يد واحدة

**HELAL ALI** · 22-08-2009, 03:09 PM

انا حبيت ادخل واقول احم احم
الف مبروك يا ولاد على الاشراف وربنا يكون فى عونكم وعلى راى المثل ال ميعرفش يقول ؟؟؟
الناس مفكرة الاشراف دة حاجة حلوة والله انا حاسس بالمشرفين والتعب ال بيتعبوه لان دايما العيون عليهم وفية ناس كدا مش صافية
واقفين ليهم على الواحدة فعلشان كدا بقولهم ربنا يعينكم
ونرجوا من الله ان تكونوا فى عون اخوانكم
وكل عام وانتم بالف خير

**sami2007** · 22-08-2009, 05:00 PM

المشرف قدوة ويحاسب أكثر من الأعضاء في برامجه وردوده ومناقشاته

**aiman_refat** · 22-08-2009, 09:15 PM

بصراحة تامة ولو اني عارف ان الصراحة بتزعل
95% من مشرفين الجيم رجالة بجد وجدعان كمان
ومبيتاخروش في الرد
ولو عوزت منهم حاجة بيسعدوك علي قد ما يقدرو
5% الباقين مش لازم نتكلم عنهم

اوعي حد يزعل مني