أفتح البرطمان وطلع وقول كنت بتعمل أيه فى رمضان ..

**KaTy 3G** · 19-08-2009, 07:16 PM

فى البداية كل سنة وانتم طيبين بمناسبة رمضان .

كتير مننا له طقوس معينة بيعملها فى رمضان ..

قد ايه الحاجات دى كانت بتبقى جميلة وليها فرحة تانية

سواء إن كانت عزومة مع أهلنا على الفطار أو سهرة فى خيمة رمضانية مع أصحابنا

أو خروجه واحنا صايمين والمغرب يأذن علينا

ونمشى بسرعة علشان نروح نشرب بسرعة ولا يا سلام على

والمخلل والعصير والقطايف والكنافة والسودانى اللى بنجيبه قبل الفطار

والتمر باللبن االلى بنجهزه مع قمر الدين وأهلك يندهوا عليك شوف

المغرب أذن ولا لسه علشان مش سامعينه وساعات اقلب القناة دى وهات القناة

الأولى علشان لما الأدان ييجى نسمعه .....

والشكلة بتاعت بعد الفطار على مين هيمسك الريموت وهنتفرج على أيه

أينعم أنا مفيش حد اتشاكل معايا لأنى عايش لواحدى وماسك الريموت 24 ساعة

بس كنت بسمع جيرانا بيتشاكلوا !

وحاجات تانية كتيرة ..

مستخبية جوانا محتاجه اننا نفحر و ندور جوا نفسنا عليها

عايزين كلنا هنا نفتكر كنا بنعمل أيه فى رمضان وأيه أكتر حاجه معلقة معاك

ونشارك بعضنا اللحظات الحلوة دى ونقول ونحكى

**السخاوى** · 19-08-2009, 07:22 PM

يابن الايه ياواد ياكاتى

طيب بالله عليك هانقول ايه ولا ايه ولا ايه

يابنى رمضان له حوارات كتير

ولو فتحنا البرطمان مش هاتعرف نقفله تانى يابوب

عموما يابوب انت فعلا واضح ان الرحله جابت معاك تأثير ايجاببى جامد جدا

كل يوم موضوع جديد وقنبله جديده

وبرطمــــــــان جديد ههههههههه

اقولك انت لازم تيجى معانا هنا فى الترفيههى يامعلمى

وكل سنه وانت طيب ياغالى

واسرة الجيم كلها بالف خير وسلامه

**KaTy 3G** · 19-08-2009, 07:41 PM

و انت طيب حبيبى السخاوى و ردك يا بوب شرف ليا والله

و انا مبسوط جدا انى قابلتك فى يوم الرحله و اتعرفت

على شخص محترم زيك و عايزين نروح ناكل جمبرى تانى

**EXplORer_70** · 19-08-2009, 08:09 PM

البرطمان فى ايام رمضان
موضوع رائع ياكاتى
بس احنا لو جينا نكلم على الى بيحصل فى رمضان هتقول اية ولا اية ولا اية
تكون قاعد منتظر المغرب علشان تفططر وتكون قاعد وسط اهلك

وتنتزل لصلى المغرب قبل ماتفطر
يااااااااااااااااااة
ومش قادر اقولك على السغادة الى فى قلبى
بحلول الشــــــــــهر المبــــــــــــــــــــــارك
وكل عــــــــام وانت بخيـــــــــــــــــــــــر
اخوكــــــــــــــــــم :وحيــــــــــــــــــــــــــد

**السخاوى** · 19-08-2009, 08:15 PM

المشاركة الأصلية كتبت بواسطة katy 3g

و انت طيب حبيبى السخاوى و ردك يا بوب شرف ليا والله

و انا مبسوط جدا انى قابلتك فى يوم الرحله و اتعرفت

على شخص محترم زيك و عايزين نروح ناكل جمبرى تانى