مالك يا مصر يا اختى

**GHOST** · 28-09-2009, 02:44 PM

مالك يا مصر يا اختي مش عاجبني حالك ليه..
كل يوم بتنهد علي حالك وبقول يا تري فيكي ايه...
يا تري العيب فيكي ولا فينا ولا هي الحكايه بالظبط ايه...
اكيد العيب مش فيكي ده حتي ربنا قال عليكي
(ادخلوها بسلام امنين)
بس برضه يا تري العيب في مين محتار انا
وبقول ده كله عشان ايه بس انا مش عارفه ليه....
حالك طالع نازل بقوله انت حيران ليه حتي هو بيقولي انا مش عارف فيه ايه؟؟؟؟؟؟
احترت كتير دورت كتير حاولت كتير بس عجزت اكتر ادور وادور اكتر بس حيرتي بتزيد ليه
فمش تسالوني ليه عشان انا مش عارف ليه ؟؟؟؟؟؟

بقيت مكسوف يا اهليه من اللي بيحصل حوليه ومش عارفه اقول انا المصري ولا اقول انا العربي
ولا اقول انا اللي هسيب ارضيه من اللي بيحصل حواليه.......

ندخل بقي ونرغى شويه
يمكن نوصل لسبب
بس النتيجه بيتهيالي مشوارها بعيد اوي
وبرضه مش تسالوني ليه
لان انا مش عارف برضه ليه ........
علي فكره ده مش اكتئاب ابدا اوعوا تفتكروا تسليط الضوء يبقي اكتئاب ولا تشاؤم بالعكس
انا بصرخ بس مش في دنيتي حاولت اطلعها في ورقتي يمكن هي اللي تسمعني وتسمع اللي حواليه شكوتي
وصدق اللي قال
عجبيييييييي!!!!!!!!!!

......ليه بقينا وحشين اوي واكيد فيه الاوحش بس ليه نكون اصلا وحشين

....ليه بقينا بنجرح بعض وبالقوي معدش فيه حاجه اسمها قلب او ضمير او او او
(اااااه منك يا دمعه بقيتي شمعه عمرها مبتنور غير علي القوي)

.....ليه بقينا سلبيين ولا يا تري السلب بقي هو احنا قولولي انتو بس ليه

.....ليه عدواتنا ومصايبنا ونهشنا في لحم بعض ولا حتي لحم الغير كتر اوي

....ليه وصلت ان الاخ يقتل اخوه
ولا الاخت تفرط في اختها
ولا الاب يدبح الام
ياااااااااه بقت الحياه صعبه اوي
للدرجه دي يمكن عشان حبه مال
ميغور المال ولا شويه جاه مش عيزينوا
ولا يمكن خيانه الله يلعنها
ولا يمكن خوف من اللي جاي بلاش اللي جاي
ولا اني اعيش ولا كانى في جهنم

.....ليه العمي بقي فينا(لا مؤاخده يعني)
من تقليدنا للغرب وعمايله
واااااااه من عمايله
وياحسره قلبي علي اللي بينشاف
(ربنا يهدي من عنده)

....ليه دايما نقول اللي راح احلي مينكش اللي جاي ليه ؟
طب ليه زمان كان بيخاف علي بكره
بس بكره للاسف رماه بالجزمه
(لا مؤاخذه برضه)
وكانت جذمه صعبه اوي اودت بحياته يا حبه عيني
وسبهاله مخضره

كان زمان اسمه الراجل
هو الراجل يمشي يقول يا ارض انهدي ما عليكي ادي
والنبي لو ماشيه قدامه ملكه جمال العالم
والنبي ولا تهز شعره من شنبه
يقول ربنا يحميكي يا بنتي
تحس كده ان كان في امان وخوف واحترام

اما دلوقتي يقول يا مزه انهدي ما عليكي قدي
معتش فيه احترام
وارجع واقول مهو العيب في البنت اللي سمحتله بكده
ولا زمان كانت الست هي الست باحترامها وحيائها وبجمالها المتصلان في ايمانها
دلوقتي يا لهوييييي الحلو بقي قليل عشان كده مبنقولش عالتعمميم
والوحش بقي اكتر يا حوستييييييي ياني والنبي انا مش عارف اقول ايه ولا ايه؟؟؟؟؟؟؟؟؟

ما تضحكوا علي بعض اكتر من كده
وتقولو الحياه بمبي
لالالالا انسوا دي بقت فحلقي
الصراحه من بعد ما بقراء الاحداث الجاريه
بقت فحلقي في بطيخ خالص
لا بمبي ولا فوشيا
حتي بس انا ممكن يكون قلت شويه اسباب
والمعني في بطن الشاعر
وعارفه ان الاجابه بعيده
يا تري انتو رايكو ايه؟؟؟؟؟؟؟؟؟؟؟

وترجع دمعتي تنادي وتقول
برضه العيب فينا مش فيكي يا مصر يا حبيبيتي
حسره علينا يا حسره علينيا حسره علينا
سبنا ايه لغيرنا عشان يبقي ده كله فينا
وبرضه حسره علينا يا حسره علينا
وبرضه حالك مش عاجبيني ليه؟؟؟؟؟؟؟؟؟؟؟؟

الموضوع منقول

**EXplORer_70** · 28-09-2009, 03:02 PM

وترجع دمعتي تنادي وتقول
برضه العيب فينا مش فيكي يا مصر يا حبيبيتي
/
\

ياحبيبتى يامصر
تسلم ايديك ياسمعة مصر طول عمرها بخير

**السخاوى** · 28-09-2009, 03:32 PM

الله على موضوعك وفكرته اخى اسماعيل

بس انا ليا رأى مش بعيد كتير عن كلامك

وهو ان شعبنا انجرف فى طريق الانفلات والانبهار بالمشاهير وبيحالوا يقلدوهم برغم انه مينفعش

مينفعش واحد على قد حاله يقلد واحد من الطبقه اللى فووووق قوى

مينفعش لعيب كوره فى مركز شباب يقلد تسريحة شعر بيكهام

مينفعش امين شرطه يبقى ماشى فى الشارع ولا كأنه رئيس مباحث

بس منقدرش نلوم على دول

لانهم عاوزين يعيشوا ويتمتعوا ويبقو مستورين .. ودا طبعا صعب فى ظل حكومه طبعا لا غبار عليها " قمه فى الفساد العلنى " ومحدش يقدر يتكلم

تقدر تقولى لو حد فينا موظف او مدرس مثلا .... ومرتبه بالكتير 450 جنيه دا طبعا بعد ما اخد نسبة كادر المعلمين اللى اتطبق من كام شهر

تقدر تقولى يعيش ازاى يتجوز؟؟ ويفتح بيت منين ؟؟

اقولك انا

هوه اصلا مش هايقدر يفتح بيت .... لان الجواز عاوز فلوس كتير " خد عندك مثلا" عاوز شقه يتجوز فيها . وعاوز يفرش شقته . وعاوز يجيب شبكه اللى دلوقتى بتوصل لارقام فلكيه وعاوز وعاوز وعاوز

لأ وايه خد عندك بقى استفزاز اهل العروسه وخلافه

بلاش دى وهات دى وروح وتعالى .. كأنهم اشتروه

******************************

مصر فعلا ام الدنيا

وخيرها على ناس كتير .. بس للاسف احنا مش منهم لاننا لا نملك سلطه

اعترف ان العيب فينا احنا بس للاسف مينفش نقاوم ولازم نبقى كلنا عيوب علشان نقدر نواجه متطلبات حياتنا الصعبه

اختصار للكلام

عاوزين قياده مظبوطه تعدل الاوضاع ... والا فنحن من اسوأ لاسوأ

ولا اييييييه ؟؟؟

**FAYCAL*GEM** · 28-09-2009, 03:33 PM

فنان يابوب تسلم ايدك

**HELAL ALI** · 28-09-2009, 05:27 PM

ما تضحكوا علي بعض اكتر من كده
وتقولو الحياه بمبي
لالالالا انسوا دي بقت فحلقي
الصراحه من بعد ما بقراء الاحداث الجاريه
بقت فحلقي في بطيخ خالص
لا بمبي ولا فوشيا
حتي بس انا ممكن يكون قلت شويه اسباب
والمعني في بطن الشاعر
وعارفه ان الاجابه بعيده
يا تري انتو رايكو ايه؟؟؟؟؟؟؟؟؟؟؟

تسلم حبيبي اسماعيل على الموضوع
كلمات فى غاية الروعة

**ELMASRY.7000** · 28-09-2009, 06:30 PM

تمام إسماعيل
موضوع رائع
بس لى تعليق بسيط
المشكلة عامة فى كل الشعوب وليس الشعب المصرى فقط
شوف حواليك هات لى دولة أو شعب ليس به نفس الكلام
أو نفس المشاكل
كل الشعوب والأمم وبالذات العربية
تعانى من نفس المشاكل ونفس الأسباب
وأخيرا
إذا فسد الرأس فسد الجسد كله
وإذا صلح الرأس صلح الجسد كله
إبحث عن الرأس ؟؟؟
يا ترى حد فاهم حاجة
سلام