0900
ترررن تررن
الوووووووووووو
ايوه الو
ردو علينا يا خلق يا هو
اهلا بيك فى اللعبه معانا
مين ويانا؟
انا اسمى الواهم ابن الحالم
قول لنا اسم العيله ده لازم
اسم عيلتنا المخدوع
ممكن ادخل فى الموضوع؟
صبرك بس علينا شويه
اسمع كدهه الغنوه دهيه
وادى الغنوه سمعنا ابوها
كل الناس زيك حبوها
ممكن بقى تسألنى سؤال
طول بالك حبه امال
ايه عنوانك بالتفصيل
خمسه شارع درب المهابيل
ممكن اجاوب؟
اه لو حابب
ياللا ادينى اجابه فى التو
حاجه بتخربش وتقول نو؟
وبنربيها معانا فى الدار؟
ايوه كمان وبتاكل الفار
صعبه دى... ممكن اختيارات
قطه وبسه وهره و كات
تبقى القطه
شاطره برافو عليكى يابطه
هايل ادى انت كسبت معانا
زغردى يامه السعد اهو جانا
امتى حتدونى المطلوب؟
صبرك صبرك يا حبوب
لازم قبله تخش القرعه
ادى بقى الحركات القرعه
بعد القرعه حتدخل سحب
دى باينلها عمليه نصب
حاول كتر اتصالاتك
واحناحنغتنى من هبالاتك
المفضلات