بصو بقي الامثال دي عشان محدش يغلط بس قدام حد وهو بيتكلم معاه ويقول الامثال القديمه اللي هو عارفها دي
واهي حاجه تتعلموها بس افتكرو الجمايل دي بس
اللى بيته من إزاز ميغيرش هدومه فى الصالون
فاقد الشىء يدور عليه
اقلب القدره على فومها الفول يقع منها
تأتى الرياح محمله بالأتربة
ياخبرالنهارده بفلوس بكره ينزل عليه أوكازيون
اللى معاه قرش محيره يجيب حمام ويحمره
قال يامحشحشين يكفيكوا شر الكمين
اللى ياكل لوحده يشبع
لاتبكى على اللبن فى البسكوت
اقطع عرق و حته بتلو
اطبخى ياجاريه الأنبوبه فاضيه يا سيدى
لو حبيبك عسل ما تحطلوش طحينة
اللى يتلسع من الشوربه يتصل بالمطافى
وبكره ترجع ريما من عند خلتها فى مارينا
ياداخل بين البصله وقشرتها حط قطرة علشان هادمع من ريحتها
القرش الأبيض بيعوم فى البحر الأحمر
المضطر يركب التاكسى
رب صدفة خير من ألف ليلة و ليلة
اللى يخاف من العفريت يعمل عبيط
اللى خدتوا الأرعه تخدو ام الخلول
شيل ده من ده ترتاح شاهنده
اللي علي راسه بطحه مايحطوش جيل
جالك الفيروس يا تارك الكاسبر سكاي
جت الحزينه تفرح شغلت شريط حكيم وقعدت ترقص
قالو للحرامي احلف .. قال والله ما انا
من طلب العلا يتفضل فى كابينه (4)
يا بخت من وفق راسين عند الحلاق
من خاف جري
اللى ميشفش من الغربال يروح يكشف نظر
من خرج من داره مينساش يأخد المفتاح معاه
الباب اللى يجيجلك منه الريح شيله وركب قبنورى
المركب اللى فيها رايسين يلعبوا طاولة
أكل العيش يحب الطعميه
العين عليها lenses
مسير الحي يتسفلت
الكحكة فى ايد اليتيم سخنة
اجرى جرى الوحوش اتوبيس 710 ماتلحقوش
المفضلات