البنات لازم تدخل الجيش وشغلتها على المدفع برورم

**GhArOmA** · 01-07-2009, 08:49 PM

بصراحه اه هى دى الحقيقه
ولازم دى تبقى سياسه الدوله الجايه
بدل السنه الخدمه العامة اللى البنات بتقضيها واغلبنا بيتهرب منها
لازم يكون فى جيش للبنات
يتعملهم معسكرات لوحدهم بعيد عن الولاد
يتعلموا فيه اساليب الدفاع عن النفس والتنشين وضرب النار
وازاى يتصرفوا فى المواقف الصعبه
لان اولا لو حصل عدوان على البلد مش هيفرقوا بين البنت والولد
واذا دخل العدو بلد بيكون الجهاد فرض على الانثى والذكر والحر والعبد
يبقى ازاى هيبقى واجب عليها الجهاد وهى مابتعرفش حتى تضرب نبله
وكمان لما تخرج من الجيش هتجمد كده
وهنترحم من دلع البنات وسهوكتهم وده اكله وده ما اكلوش
ولو حد نفخ جنبها يغمى عليها
لو حد اتعرضلها فى الشارع تاخد حقها
وتكون اقل عرضه لحالات الاغتصاب اوالتحرش
وكمان بدال ما اغلبنا اول مابتتجوز بتبقى محتاسة ومش عارفة تعمل اى حاجة
لا هنتعمل الاعتماد على النفس وتحمل المسئولية وربط الحزام كمان ف الفترة الصعبة دى
هنقدر نقف جنب اجوازنا ونقويهم مش نتقل عليهم بطلباتنا من غير فعل
ولو بقى جوزها ضربها تعرف تاخد حقها ومتكنش مغلوبه على امرها
ويعملها الف حساب قبل ما يفكر يكلمها
ههههههههههههههههه
وكمان هنقدر ناخد حقوقنا السياسيه
بحق ربنا

ولا انتو ايه رايكو ف القصة دى

**AhMed FaWzY™** · 01-07-2009, 09:15 PM

جميل قوى الكلام دة

اهو يبقى ليكم لزمه فى الدنيا

**GhArOmA** · 02-07-2009, 02:27 PM

المشاركة الأصلية كتبت بواسطة ahmed fawzy™

جميل قوى الكلام دة

اهو يبقى ليكم لزمه فى الدنيا

دة على اساس اننا مالناش لازمة ولا ايه
مممممممم الظاهر ان المدام مش جنبك
ماشى ماشى
بكرة لما يطبقوا الفكرة هتعرف لينا لازمة ولا لا
بس متبقوش تعيطوووووا زى مابتعيطوا دلوقتى

**max_max** · 01-07-2009, 09:44 PM

ولو بقى جوزها ضربها تعرف تاخد حقها ومتكنش مغلوبه على امرها
ويعملها الف حساب قبل ما يفكر يكلمها
كلو الا دا

تقبلى مرورى

**HELAL ALI** · 01-07-2009, 09:50 PM

والله انا مدخلتش الجيش بس ممكن اطوع عادى يعنى كلوا فى خدمة الوطن
تسلمى اختى غرام وتقبلى مرورى

**مصطفي شهاب** · 01-07-2009, 10:00 PM

جيش !!!!!!!!!!!!!!!

ليه كده غرومه انا كنت بقول عليكي طيبه

وكمان بتشجعي البنات انهم يضربوا ازواجهم

اوكي انا هابلغ عنك

وهابلغ عن التنظيم البناتي اللي انت متزعماه وابقي خلي الجيش ينفعك بقي

ههههههههههههههههههههههههههههههههههههههه

**GhArOmA** · 02-07-2009, 02:31 PM

المشاركة الأصلية كتبت بواسطة mostafa303

جيش !!!!!!!!!!!!!!!

ليه كده غرومه انا كنت بقول عليكي طيبه

وكمان بتشجعي البنات انهم يضربوا ازواجهم

اوكي انا هابلغ عنك

وهابلغ عن التنظيم البناتي اللي انت متزعماه وابقي خلي الجيش ينفعك بقي

ههههههههههههههههههههههههههههههههههههههه

ولا تعرف تعمل حاجة اشاسا
هههههههههههه
وبعدين مين قال انى طيبة
دى بس الهدوء الذى يسبق العاصفة
وبعدين انا قولت ناخد حقنا لو اتهور علينا الزوج
لو طلع مجرم نعرف نظبطه
ههههههههههههههههههههههه