ماهو التورنيدو؟؟ وما هي مميزاته شرح بالصور
هو بوكس مخصص لاجراء عمليه البرمجه للهاتف المحمول وفك الشفرات والتعريب وتحديث فيرجن المحمول لتلافي العيوب في الفيرجنات السابقه وعلاج بعض عيوب الهاتف الناتجه عن خلل في البرمجه ومعرفه بعض عيوب الصناعه
وهو من انتاج شرجه ساراس سوفت مثل التويستر والباور فلاشر
ومن اهم مزاياه انه من ارخص انواع البوكسات بالنسبه لامكانياته
فهو يدعم كل انواع النوكيا والسامسونج والاريكسون والسوني اريكسون واغلب انواع السيمنز وبعض موديلات الموتورولا بالاضافه انه عند شرائك قطعه الهارد وير كي او شرائك البوكس بقطعه الهارد وير كي ستتمكن من اعاده تفليش الجيل الجديد من نوكيا bb5
وموديلات سامسونج وسوني اريكسون الجديده
وبعض موديلات شارب وال جي
----------------------------------------------------------------------------------
كيفيه استخدام البوكس
عند شرائك للبوكس بتأخذ مع يوزر نيم وباسسوورد للموقع الرسمي لكي تتمكن من تنزيل التحديثات والفلاشات الجديده
بالاضافه الى الكابلات المستخدمه في توصيل الهاتف بالبوكس
---------------------------------------------
اولا / نقوم بتوصيل البوكس بجهاز الكمبيوتر من خلال مخرج اليو اس بي
بعد التوصيل سيتعرف الحاسب على منتج جديد وسيطلب منك تعريف المنتج الموجود على سطوانه تأتي مع البوكس ...وسأرفق التعريف في نهايه الموضوع
وعمليه التعريف موضحه من خلال الصوره التاليه
كده احنا خلصنا من موضوع تعريف البوكس
طيب
نخش بقا في تسطيب البرامج اللي هنشتغل بيها
كل موديل وليه برنامج
النوكيا برنامج
السامسونج برنامج
السوني والسوني اريكسون القديم برنامج
السوني اريكسون والشارب والال جي الجديد برنامج
الموتورولا برنامج
السيمنز برنامج
طبعا طريقه تسطيب البرامج عاديه جدا زي اي برنامج كمبيوتر
خلاص كده....عملنا سيت اب للبرامج دي
تــــــــــــــــــــــــــمـــــــــــــــــــــــــام
عايزين نشتغل بقا....خلاص زهقنا
طيب طيب
هنوصل الكابل بالتليفون....هنتكلم الاول عن النوكيا وبرنامجه..
اول حاجه هنشيل الطاريه من الجهاز عشان نحط مكانها الكابل
والكابل بيكون في بنات لازم تدخل جوه مكانها اسفل البطاريه بتاعت الجهاز وتلمس فس البورده
ونخلي بالنا ان النوكيا كذا كبل اعتقد ان الكل عندهم برنامج الكابلات
كده تمام!! عرفنا ازاي نعرف البوكس ونعمل سيت اب للبرنامج!!!
طيب ندخل بقا في المهم....ازاي نستخدم البرامج دي؟؟؟؟
اوك....هنبدأ مع بعض في كذا حلقه ...ودي الحلقه الاولى
0 - رقم اصداره البرنامج
1 - لتشغيل البرنامج
2 - بعد توصيل الكابل بالبوكس وتوصيل الكابل من الجهه الاخرى بالهاتف نضغط على هذا الزر لكي يقوم بعمل اتصال مع الهاتف
3 - لبيان معلومات عن الهاتف ...واذا كان الهاتف به مشكله اساسا او فاصل باور لن تظهر اي معلومات
4 - عند الضغط على هذا الامر تبدأ عمليه التفليش
5 - الامر الخاص بعمل ظبط المصنع ..وسنتاول شرح تعليماته يما بعد في الاوامر 21/22/23/24/25/26
6 - لتحويل وضع الجهاز الي التيست مود او الوضع العادي
7 - لعمل ريستارت للهاتف وهو موصل بالكابل
8 - عند وضع علامه صح اما هذا الاختيار ..يقوم البرنامج بالتعامل مع الاوامر المحفوظه قبل ذلك من قبل المستخدم وسنقوم بتوضيح ذلك في الامر 32
9 - من خلالها يمكننا تنفيذ التعليمات المعلم امامها ب علامه صح ..او ايقاف تنفيذها
10 - قايمه الموديلات الخاصه ب دستي ثري مثل 3310 وخلافه..وعند الضغط على الامر نرى امامنا هذه الموديلات لنختار الموديل المطلوب التعامل معه
11 - قايمه ال ديستي ال مثل 9210
12 - قايمه الديستي فور مثل الاجهزه 8310/6610 6620/9500/3220/3100 وغيرهم
13 - قايمه اجهزه دبليو دي تو مثل 6600/7610 وغيرهم
14 - قايمه جيل البي بي فايف مثل 6630/6680 وموديلات ال ان
15 - معلومات عن البوكس والتحديث
16 - لاختيار موديل الجهاز
17 - لاختيار الفلاشه الرئيسيه
18 - اختيار فلاشه اللغه
19 - اختيار ملف الايبروم او فلاشه كامله لو توافرت ...ومن خلال الامر 29و 30 سنعرف كيفيه عمل الفلاش الكامل وتحويله لملف ايبروم
20 - لتنزيل فلاشه للهاتف من غير ان يقوم البوكس بمسح الفلاشه القديمه..وفي بعض الاحيان يرفض البوكس مسح الفلاشه لوجود خلل ..فنستخدم هذه الخاصيه
21 - لاسترجاع بيانات المستخدم بعد عمليه الفلاش
22 - اعاده ضبط مصنع للجهاز
23 - فك الشفره واعاده قبول الجهاز للشريحه
24 - لاعاده عمليه معادله الشبكه وتظبيطها بعد عمليه الفلاش
25 - اعاده رمز الهاتف الي الرقم الاساسي (1 2 3 4 5 )
26 - عمل ريستارت للهاتف وادخاله للوضع العادي
27 - للتعديل في كونتراست الشاشه من تفتيح وتغميق
28 - اعاده كتابه السيريال للهاتف او تغييره
29 - لقراءه فلاشه كامله من جهاز
30 - لعمل تحويل الفلاشه المقروئه الي ملف ايبروم لكي يتعامل معه البوكس
31 - لعمل مسح كامل للفلاشه القديمه وازاله اي عيوب ..وطبعا الفجوات من بينها
32 - لعمل ملف حفظ للاعدادات المكتوبه ...مثلا ولو احنا اختارنا الفلاشات زي اللي في الاوامر 17/18/19..مش كل مره هنفتح البرنامج وندور على مكان الفلاشات من الاول...لا بعد ما نختارهم هندوس الامر ده ..وبكده كل مره هنلاقي الاعدادات محفوظه
33 - لبيان معلومات عن موديل الجهاز وتردده ومساحه الفلاشه والادريسات ومعرفه لغه رقم الفلاشه
34 - فيرجن البوكس وتعريفه والسيريال الخاص به واذا كان يوجد هارد وير كي ام لا
الحلقه الثانيه
تفليش موديلات dct3
في الصوره رقم 1
عملنا كونيكت للبوكس
وعملنا شيك(فحص حاله) للهاتف..والبوكس اتعرف عليه تمام
حددنا نوع الموبايل...تمام
هنختار الفلاشات المطلوبه
رقم الفلاشه الرئيسيه بينتهي دايما ب صفر
رقم فلاشه اللغه بينتهي بحروف
وبنعرف حروف اللغه من خلال الامر رقم 33 في الحلقه الاولى
وعموما في 3310 بيبقا العربي بينتهي ب i او j
والاختيار التالي pmm
ده مش ضروري
ده عباره عن ملف ايبروم لعلاج بعض حالات الشبكه والتهنيج والتصفير..وهنشرحه بالتفصيل فيما بعد
كده نخش في الصوره رقم 2
بندوس على الامر 4
لتبدأ عمليه الفلاش
وزي ما احنا شايفين..البوكس بيمسح الفلاشه القديمه عشان ينزل بعدها فلاشه جديده زي الليفي الصوره رقم 3
الصوره رقم 4 بتوضح انتهاء عمليه الفلاش بنجاح
الصوره رقم 5 ...بنعمل على اختيارات ظبط المصنع..وندوس الامر رقم 5 لتنفيذ العمليه
الصوره رقم 6 مهمه قوي
بنغير منها السيريال بتاع الجهاز..او بنكتبه من جديد لو بايظ
بعد ما بندوس على الامر رقم 28...بتتطلع لنا خانه فيها ارقام او علامات استفهام
بنكتب فيها السيريال بتاع الجهاز وندوس اوك
كده كله تمام في الموديلات دي ستي ثري
الحلقه الثالثه
dct4
طبعا احنا اتكلمنا عن معظم الاوامر قبل كده
هنتكلم دلوقت في الباقي
3 - ملف الكونتنت باكج...وده ملف تكميلي مسؤل عن النغمات والصور والالعاب الاساسيه للموبايل
4 - الباتش.... طبعا كلنا واجهتنا مشاكل كتير مع اجهزه ال dct4
اهمها الكونتاكت سيرفيس والسيريال ؟؟؟؟؟؟؟؟؟؟؟؟؟؟؟؟؟؟؟؟
طبعا اغلب الحالات كان يو ام والبعض سوفت
وده كان بسبب ان السيريال مقسم على جزئين
اليو ام و اي سي الفلاش
في حاله السيريال لما يحصل له فقدان او عطب من على اليو ام
يبقا لازم يو ام يتغير اغلب الاحيان
ولو جزء السيريال المخزن على اي سي الفلاش حدث له خطأ بيكون غالبا حلها سوفت
بس السوفت كان محتاج زمان ملفات ask and rpl من سيرفر الجريفين
وكان بيتكلف حوالي 6دولار للوج
دلوقتي الحل اصبح متوافر بشكل ما لمعظم الاجهزه
ومجاني
عن طريق اصدارات الهارد وير كي الحديثه
يوجد خاصيه كتابه ملف باتش
والملف ده بيكون متوافر في اصدارات برنامج البوكس الجديده ومهمته قرائه السيريال المخزن على اليو ام
واعاده كتابته على اي سي الفلاش من جديد
5 - بنعمل من خلال هذا الامر قراء لليو ام للحصول على ملف ask
في حاله فقدان السيريال.. للحصول بعد ذلك على ملف ار بي ال
6 - لكتابه ملف rpl للهاتف لتعديل السيريال..مثلا بعد تغيير اليو ام بنكتب ملف ار بي ال للسيريال
الحلقه الرابعه
wd2
1 - لتحديد اذا ما كنا عايزين ننزل سوفت وير لقطعه البلوتوث ام لا
وفي اغلب الاحيان عندما يكون هناك عطل في البلوتوث..لا نستطيع تفليش الهاتف ولا تكتمل عمليه التفليش..فنقوم بالغاء هذا الامر ونفلش بدونه
2 - لعمل فورمات وتهيئه للهاتف..وعلاج مشاكل الهاتف غير قادر على التشغيل واذهب للبائع
وازاله الفيروسات واي شي من الهاتف
5 - عمل قرائه لملف البي ام كامل للجهاز
تحسبا لحدوث عطل او خلل في السيريال بعد عمليه الفلاش لكتابته الملف بعد ذلك
6 - كتابه ملف بي ام للهاتف لعلاج بعض مشاكل التهنيج والشبكه والشحن والصوت وغيره
7 - لعمل اصلاح للبلوتوث عندما يكون العطل سوفت وير
نضغط على هذا الامر لعلاج المشكله
8 - امر مهم جدا
من خلاله نستطيع تعديل رمز الحمايه وكتابه ملف بي ام وعلاج بعض الاخطاء وتعديل السيريال ل 6230 عندما يكون اصفار
ودي صوره لعمليه تفليش جهاز 6600
bb5
طبعا نفس الكلام السابق ونفس الخطوات
هنا بس بتتغير اسامي الفلاشه ورقمها
اسم الفلاشه الرئيسيه بينتهي ب cor
وفلاشه اللغه العربي بتنتهي ب الرقم 30
ودلوقت نعرف بعض العيوب اللي بتقابلنا مع عمليه التفليش
شايفين هنا ايه اللي بيحصل؟؟
البوكس مش قادر يتعامل مع اي سي الفلاش الاول والتاني والتالت!!لانه مش قادر يحدد نوعهم اساسا!!
طيب ايه الحل؟؟
شايفين فوق جنب الملفات الفيا
الاصدار قديم وهي دي المشكله اللي مخليا البوكس مش قادر يقرا الفلاشات والمعالج بتاعها
عشان كده مش قادر يتعامل معاها
لازم ننزل ملفات فيا فيرجن جديد
طيب ايه هي ملفات الفيا؟؟
ملفات الفيا تعتبر زي التعريفات بتاعت هارد وير الكمبيوتر
لازم تكون موجوده عشان البوكس يقدر يعرف هو بيتعامل مع ايه
طيب فيه ناس هتقولي انه بيقر فلاشات جهاز تاني نفس النوع بدون مشاكله..يعني الملفات دي مالهاش دعوه
هقوله لا...الموضوع انه في لنفس الموديلات اي سيهات فلاش بتختلف في النوع ونوع المعالج كمان
وفيه اي سيهات بتنزل جديده
عشان كده لازم ننزل تعريفاتها اللي هي الفيا
طيب وهنا نفهم ايه؟
البوكس قدر يقرا اي سي الفلاش
بس عند عمليه المسح..بيقف !!!طب ليه
هو وقف في اخر مرحله مسح للفلاشه
بس برده فيرجن الفيا قديم
لازم نحدث الملفات الاول...ولو لسه المشكله زي ماهي بيكون احتمال 90% العيب ic flash fl 2
طيب وهنا بعد ما تم تحديث ملفات الفيا؟؟
العيب لسه موجود مع اختلاف بسيط لو نلاحظه
انه كتب وقت لعمليه المسح الاخيره
معنى كده انه اتعرف على الاي سي وكتب له وقت وهمي كمان لعمليه المسح
وكده بيكون العيب بنسبه كبيره اي سي الفلاش التالت fl2
طيب نبص كده في الصورتين دول كويس
الصوره الاولى البوت الاولاني تمام ..والتاني مافيش؟؟
بنسبه 80 % بروسيسور
ونفس الكلام في الصوره التانيه ..ما قدرش يمسح الفلاشه من على اول اي سي ..بيكون 70 % بروسيسور و 25 % بلوتوث و5% البرنامج
طيب ينفع برده نركز شويه في الصوه دي!!!
شوفنا اللوج ده كويس قوي؟؟؟
العيب ده بنسبه 99% بلوتوث
نسخن على اي سي البلوتوث او نغيره
او نفلش الجهاز من غير فلاشه بلوتوث زي ما حصل هنا
طيب نشوف العيب ده في الجيل bb5
بيعمل مسح للفلاشه ..بس مسح وهمي...وما بيكملش تنزيل السوفت!!!!!!
العيب ده من حاجه واحد بس
قطعه الهارد وير كي تقليد
لازم اصلي
المفضلات