قائمة الاعضاء المشار اليهم
النتائج 1 إلى 5 من 5

الموضوع: )()( حوار بين الجد وحفيدته سنة 2050 )()(

  1. #1
    صديق المنتدى
    الصورة الرمزية نـاصـر الشـافـعي

    الحالة
    غير متواجد
    تاريخ التسجيل
    Jul 2007
    الدولة
    Mansoura
    العمر
    35
    Phone
    Iphone 4G
    المشاركات
    5,574
    الشكر
    5,424
    شُكر 8,326 فى 2,739 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    260

    افتراضي )()( حوار بين الجد وحفيدته سنة 2050 )()(




    الحفيدة : جدو تامر إزيك .. حلو البدي اللي انت لابسه ده .. بس ده موضة قديمة قوي يا جدو

    الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا

    الحفيدة : أيوه بس مش حاسس إنك مخنوق وانت لابسه؟

    الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدي اللي مبين البطن والظهر مع البنطلون السترتش الجلد والجوانتي الجلد كانت حاجة آخر روشنة


    الحفيدة : ياه يا جدو .. ده انتوا كان ليكم تقاليد غريبة خالص

    الجد : وهو انتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام سنة 2000 م، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق

    الحفيدة : معقول يا جدو؟ للدرجة دي!!؟؟

    الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولهاعن شبر ونص .. وكانوا الستات يلبسوا فوقيها بلوزة باستمرار مش زي دلوقتي

    الحفيدة : يا خبر .. وإيه كمان ياجدو

    الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن

    الحفيدة : وبعدين

    الجد : وبعدين كنا نسمع على حاجة اسمها اسطوانات ليزر ، ودي صحيح تعتبر متأخرة دلوقتي بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة

    الحفيدة : حكاويك ممتعة قوييا جدو .. ثانية واحدة بس لما أصحي سوسو صاحبي لأنه بايت معايا في الأودة من امبارح .. (بعد عدة دقائق) هيه يا جدو .. وبعدين

    الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟

    الحفيدة : 70 مليون بس؟

    الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه ، وكان أتخن جوز جزمة ب 250 جنيه ، وكان الواحد يقدر يشتري شقة تمليك بـ 150 الف جنيه بس .. وكان الدولار بخمسة جنيه بس تخيلي بقى؟

    الحفيدة : ما هوعلشان كده كان الجواز على أيامكم كان سهل خالص

    الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندناالأفكار الغريبة اللي بتعملوها دلوقتي زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها

    الحفيدة : ده انتوا كنتوا متزمتين خالص ياجدو

    الجد : يا بنتي إحنا اتربيناعلى الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير يروح مصبح عليه ، ومش بعيد كان يسأله عن أحواله .. وكانوا أهل الفن محتشمين جداً ، والمذيعات كانوا يقعدوا جنب الضيف مش على ركبته زي .. هيـ يـ يـ يـ ـه الله يرحم دي أيام

    الحفيدة : رايح فين يا جدو

    الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ .. تشاو .. سي يو


    tweety ngibingtweety ngibingtweety ngibingtweety ngibingtweety ngibing

    يا تري من فينا هيبقي جدو تامر ههههههههههههه




    .


    http://img692.imageshack.us/img692/3555/01010.jpg


    آسف لقلة تواجدي .. لظروف خاصه


    للشكر استعمل http://www.gem-flash.com/vb/ALGENERA...ost_thanks.gif

  2. #2
    .: جيماوي فعال :.
    الصورة الرمزية ashraf voda

    الحالة
    غير متواجد
    تاريخ التسجيل
    May 2007
    المشاركات
    184
    الشكر
    21
    شُكر 46 فى 34 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    21

    افتراضي

    هههههههههههههههههههههههههههههه
    جامده ياجدو ناصر

  3. #3
    صديق المنتدى
    الصورة الرمزية &MR.SemSem&

    الحالة
    غير متواجد
    تاريخ التسجيل
    Apr 2009
    الدولة
    ..::مصـــEGYPTـــــر::..
    Sonork
    100.1589337
    Phone
    N96
    المشاركات
    3,664
    الشكر
    5,191
    شُكر 6,425 فى 1,968 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    366

    افتراضي

    هههههههههههههههههههههههه
    رائع تسلم ايديك

  4. #4
    .: مراقب اقسام عامه و سوفت صينى :.
    الصورة الرمزية SALIHMOB

    الحالة
    غير متواجد
    تاريخ التسجيل
    Sep 2008
    الدولة
    Sudan
    Sonork
    100.1596596
    Phone
    noon
    المشاركات
    14,240
    الشكر
    22,503
    شُكر 28,880 فى 9,424 مشاركة
    تم تذكيره فى
    3 مشاركة
    تمت الاشارة اليه فى
    95 مواضيع
    معدل تقييم المستوى
    978

    افتراضي

    بتين نبقي جدود زي جدو تامر
    ليست مشكلــتي إن لم يفــهم البعض ما أعنـيه
    فهذه قنـاعاتي .. وهذه أفكـاري .. وهـذه كتاباتي بين يديكم
    أكتب ما اشعـر به .. وأقول ما أنا مـؤمن به .. أنقـل همـوم غيري بطرح مختلف
    ليس بالضـرورة ما أكتبه يعكـس حياتي الشخصية
    هي في النـهاية .. مجـرد رؤى لأفكـاري
    مـع كل الحـب والتـقدير لمن يمـتلك وعيـاً كـافياً
    يجبر قلـمي على أن يحترمــه



  5. #5
    صديق المنتدى
    الصورة الرمزية HELAL ALI

    الحالة
    غير متواجد
    تاريخ التسجيل
    Mar 2008
    الدولة
    مصـــــــ بحب ــــــــــــــر
    العمر
    36
    Phone
    3310XpressMusic
    المشاركات
    3,585
    الشكر
    6,928
    شُكر 5,706 فى 1,785 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    215

    افتراضي

    جميلة يا ناصر تسلم ايدك حبيبى

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •