السلام عليكم
لو سمحت فى ميعاد مع السيد اوباما
اسمك ايه
ابو انجى
اه فعلا .. اقلع الجزمه والشراب والحزام والبنطلون واتفضل قابلو
السيد اوباما واحشنى جدا والله ومن زمان نفسى اشوفك
اهلا يا ابو انجى اتفضل اقعد
هما لو سمحت يعنى ليه خلونى قلعت الجزمه
لا حبيبى دا قانون جديد فى البيت الأبيض بمنع اصطحاب الصحفيين للمحمول والأحذية فى المؤتمرات الصحفية
اه قانون اكيد من ايام حادثه الزيدى
فعلا والحادث ده خلى حاله بوش النفسيه تحتاج لطبيب
طبيب الف سلامه وقالولو ايه
أطباء بوش ينصحونه بتعاطى "منقوع صرم" لتفادى مضاعفات الحادث
بس اكيد سيادتك مسبتوش الموضوع يعدى كدا وخلاص ازاى يعنى ينضرب بجزمه
طبعا اكيد دا حتى البنتاجون استعان بـ "صراماتى" لتتبع أثر مخططى العملية
سيدى هل ضرب الصحفى بوش بفردتين "شمال". كما يشاع
لا طبعا احنا جعلنا فريق من الـ cia يطير للعراق لبحث كل "جوارب القضية".
وايه اللى تم يا باشا التقرير استخلص ايه
لا التقرير وضح حاجات كتير منها
1 - الصحفى العراقى كان يسمع أغنية "جوز ولا فرد" قبل الحادث
2- يجب فحص الصندوق الأسود لحذاء الزيدى مره اخرى
بس الحمد لله المالكى دافع عن بوش الراجل متاخرش
فعلا واحنا هنكافئو بعد محاولة صد الضربة عن بوش احنا رشحناه لحراسة مرمى المنتخب العراقى
انا سمعت ساعتها ان جماعة كعب وفصائل أبو وردة يعلنان تضامنهما مع الزيدى.
سيبك من الجزم دول وميهمكش انا مشغول حاليا ولينا لقاء تانى بعد المؤتمر

بانتظار اللقاء الثانى بعد المؤتمر