مقـــــــــابلتـــــى مـــــع الـــرئيــــس ؟؟؟

**السخاوى** · 02-06-2009, 02:58 PM

السلام عليكم ورحمة الله وبركاته

الموضوع بعنوان مقابله مع الرئيس

السلام عليكم يا سيادة الرئيس انا عندى شوية اسئله لحضرتك وارجوا ان تجاوبنى عليها

الرئيس تفضل اسئل

اييه اللى بيحصل ده ياسيادة الرئيس حرب على الارهاب وحرب على افغانستان وحرب على العراق وحرب على لبنان وحرب فى الصومال وحرب فى السودان واجتياحات فى فلسطين ووجود عسكرى امريكى فى الدول العربيه كل ده ليه يا سيادة الرئيس

الرئيس ياابنى انتوا مش فاهمين حاجه
طيب فهمنى ياريس
الحرب على الارهاب ده ظهربعد تفجيرات 11 سبتمبر علشان يقضوا على اسامه بن لادن
طيب ياريس ماهما هجموا عليه ولم يقضوا عليه حتى الان
ياابنى متقاطعنيش
اسف ياريس تفضل
اصله هو هرب قبل ما يمسكوه
طيب تفتكر ياريس ان ممكن يكونوا سايبينه لغرض تانى
الريس ممكن كل شىءجائز
افادكم الله( وفى سرى متغاظ)
طيب وحرب العراق ياريس
ياابنى حرب العراق دى حكايه ملخبطه مره قالوا سلاح كيماوى ومره ارهاب والاخر طلع معندهمش حاجه واتارى الرئيس بتاعهم دكتاتور علشان كده همه دخلوا يخلصواالشعب منه
طيب ياريس لما دخلوا ناس كتير بتموت والبلد خربت والريس بتعهم لا دكتاتور ولا حاجه
الريس ياابنى انت ها تفهم احسن منهم
لا طبعا ( وسكت وعملت نفسى عبيط)
طيب ياريس حرب لبنان تقول اييه عليها بقى
الريس شوف ياابنى حرب لبنان دى بدأت لما اتخطف عسكريين اسرائيلين منعلى الحدود
ايوه ياريس انا عارف لاكن كل الدمار ده علشان اثنين
طبعا ياابنى انت فاكر اييه النفر عندهم غالى علشان هما قليلين
طيب ياريس اهو مات منهم كتير فى الحرب ايه لزمته الحرب بقى
يابنى انت ها تفهم اكتر منهم
لا طبعا( سكت وانا محروق دمى)
طيب ياريس ايه رأيك فى الوجود العسكرى الامريكى فى الدول العربيه
الريس شوف ياابنى العراق لما هجمت على الكويت طلبوا مساعدات وحمايه من الدول الصديقه وامريكا صديقه لكل الدول جريت بسرعه وحمت البلد وحمت السعوديه كمان
طيب ياريس اهيه العراق بقت مش تشكل خطر عليهم اييه اللى مخليهم لحد دلوقتى
ياابنى انت هاتفهم احسن منهم
لا ياريس( بدأت اجز على اسنانى) طيب ياريس الصومال والسودان
الريس لا دى مسائل بسيطه جدا ان شاء الله تتحل قريبا احنا مش ساكتين
طيب ياريس والاجتياحات فى الاراضى المحتله اييه رأيك فيها
الريس ياابنى ده كل يوم اجتيحات ويرجعوا تانى يجتاحوا ويرجعوا تانى
لاكن احنا مش بنسكت بنشجب وندين ونستنكر ونحتج
عظيم ياريس وده كفايه ولا تسيبوا الناس تروح تجاهد
ياابنى تجاهد اييه بس انتوا مش فهمين حاجه
طيب فهمنا ياريس
وقتك انتهى ياابنى ان شاءالله فرصه تانيه اجوبك على كل اللى انت عاوز تعرفه
شكرا لك ياريس على وقتك الثمين
خرجت وانا متغاظ وعامل نفسى مش فاهم حاجه انا فاهم بس بستعبط
آ ل مش فهمين حاجه آ ل ده احنا فاهمين كل حاجه بس مش عرفين نتحرك مكبلين ومربوطين ومكممين ومعصوبين الاعين

اللهم فك كربنا واعز الاسلام والمسلمين وانصرنا على القوم الكافرين اللهم لا تأخذنا بما فعله السفهاء منا

**marouan-mafia** · 02-06-2009, 11:18 PM

هههههههههههههههه
مشكور حبيبي
الريس ماشي بقاعده خير الكلام ما قل ولم يدل

**akbam1974** · 03-06-2009, 10:14 AM

انت فين من زمان ؟ تعالي ياحبيبي

EQD51158

مين بقا وزك ولعب فى دماغك وقلك تنشر اللقاء ده
fEP51158

قول يا حبيبى متخفش
قلى على اسمو بس وانا مش هكلمك وهجبلك عصير من بتاع اختك مرموره
Kh251158

ياض اتكلم احسنلك مين معاك مين قلك انشر اللقاء ده
مش عاوز تتكلم
طيب كدا لحد بكره
رد يا بابا مين وزك ( وزك مفرد وز ابن عم بط)
لا كدا انا عملت اللى على واكتر كمان بس اللى زيك مينفعش معاه غير
يا كتكوووووووووووووووووووووووووووووووووووت خد الواد ده
العب بيه شويه

2FA51176

لما تخلص هاتهولى تانى
مستنيك يا سخاوى

**sayed_fone** · 05-06-2009, 06:02 AM

المشاركة الأصلية كتبت بواسطة akbam1974

انت فين من زمان ؟ تعالي ياحبيبي

مين بقا وزك ولعب فى دماغك وقلك تنشر اللقاء ده
fEP51158

قول يا حبيبى متخفش
قلى على اسمو بس وانا مش هكلمك وهجبلك عصير من بتاع اختك مرموره
Kh251158

ياض اتكلم احسنلك مين معاك مين قلك انشر اللقاء ده
مش عاوز تتكلم
طيب كدا لحد بكره
رد يا بابا مين وزك ( وزك مفرد وز ابن عم بط)
لا كدا انا عملت اللى على واكتر كمان بس اللى زيك مينفعش معاه غير
يا كتكوووووووووووووووووووووووووووووووووووت خد الواد ده
العب بيه شويه

لما تخلص هاتهولى تانى

مستنيك يا سخاوى

مشكوووووووووووووووووووووووووووووور