يعني من الآخر يا نعيش عيشه فل يا نموت احنا الكل
السلام عليكم و رحمة الله و بركاته
أولا مش عاوز حد يزعل منى ولو كنت بأتكلم غلط حد يوضحلى
ومش عوز حد يقول عليا حاسد أو ناقم أو حاقد
ولو كنت كدة ربنا يدينى على قد نيتى ( اللهم آمين يا رب العالمين)
في البدايه أحب أوضح ان انا مواطن عربي عادي مليش أي انتماء او توجه سياسي يعني انا لا متشدد لفكر معين و لا بدافع عن جماعه معينهو لا اتجاه سياسي معين
و حابب اني أسأل سؤال واضح و محدد
هو ايه إلي مانع ان الدول العربيه تتحد ؟
مع ان الشعب العربي كله زي ما بيقولو في الأزمات الأخيره على قلب رجل واحد و موقف واحد
يعني أنا من يوم ماوعيت على الدنيا و انا بسمع الرؤساء العرب بيتكلمو عن سوق عربي مشتركه طيب ايه إلي مانعها
ايه إلي مانع ان يكون لينا عمله واحده و جيش واحد اتفاقية دفاع مشترك على شاكلة حلف الناتو في أوروبا مثلا
برغم ان مواردنا العربيه ضخمه سواء موارد ماديه أو بشريه
هل المشكله في الزعماء العرب طيب ايه مشكلتهم هل كل واحد منهم عايز يعملي فيها زعيم و شوية خلافات شخصيه بيحولوها بقدرة قادر لموقف بين دولتين شقيقتين
يعني انا مستغرب جدا ان الناس بتموت في غزه و لسه الزعماء بيتكلمو هو مين إلي كان السبب في الحرب و عمالين يرمو تهم على بعض طيب ما بدل ما تقطعو في بعض و كل واحد يطلع عامل فيها بارم ديله طيب ما تقطعو في عدونا
حيطلع واحد يقولي الإقتصاد أقوله طيب ماذا يمنع ان المستثمرين العرب بدل ما هما مشغلين فلوسهم في أمريكا او أوروبا ما نشغلها في بلادنا
ده طبعا بدل ما هما مضيعين فلوسهم على إنهم يردموا أجزاء من المحيط ويعملوا سيارات من الذهب الخالص وخلافه وخلافه
وطبعا الكل عارف أنا بأتكلم على مين
و لو على حتة الزعامه ما في واحد اسمه األمين العام لجامعة الدول العربيه و يتعمل زي اوروبا كل كام شهر تبقى بلد من البلدان الدوره دي تحت قيادتها
بسمع أصوات بتقول مصر و اتفاقية كامب ديفيد طيب و اشمعنى مصر و لا سوريا و لا غيرها هي المعنيه بالحرب ما هو يا نحارب سوا يا بلاش و إلي يغيظك ان بلدان من إلي بتتكلم دي عندها قواعد امريكيه على أراضيها طيب ما تمشو الأمريكان و يحل محلهم في القواعد دي كتائب من الجيش العربي إلي مش موجود أساسا
و سيبكم من النغمه إلي بتقول تدخل ايراني و كلام فاضي من ده ما هو احنا لو بقينا ايد واحده و بفكر واحد محدش حيعرف بتدخل في شؤوننا انما لما كل واحد في حته أمركيا حتشوف مين حبايبها و تدخل من خلالهم و ايران نفس الفكره و غيرهم و غيرهم
فيها ايه لما موارد مصر تتحط على موارد المغرب العربي و موارد الخليج تتحط مع بعضها و تتلغى الجمارك و تبقى الحدود ما بينا حاجه شكليه مش أكتر و برضو إلي بيحرسها الجيش العربي و يدعم من كل حكومات الدول العربيه
منذ حرب لبنان و الإعتداءات عليها و فلسطين و إلي بيحصل فيها و العراق و دلوقتي فلسطين تاني و السودان في السكه إلي رئيسها مطلوب دوليا دلوقتي بتهمة جرائم حرب طيب ما هي اسرائيل بتعمل جرائم حرب
أهه
اشمعنى بقى كل ده و الزعماء ا العرب ما تفهمشي هما بيحكموا بلاد تانيه و لا مش واخدين بالهم و لا ايه ما تتحدو ايه إلي مانعكم
التجربه أثبتت ان مجلس الأمن إلي بيقولوا عليه هو امن لأمريكا و اسرائيل بس و مش أي حد تاني يعني من الآخر ما حدش حيحل مشاكلنا غيرنا و اسرائيل ما تعرفشي غير لغة القوه و سيبك من الكلام الفاضي العبيط إلي بيقولك السلام خيار استراتيجي اه هو خيار حلو لما انت تكون قادر انك تدافع عنه انما كلام و فرقعة بق و بس يبقى اسمه استسلام علطوووووووووول
يعني من الآخر يا نعيش عيشه فل يا نموت احنا الكل
مش ناس نايمة فى قصور وناس تانيىة بتنام تحت القبور
أنا من يوم ما بدأ الحرب مش عارف موقف محدد لأي دوله عربيه و لا موقف واضح ما تفهمشي ليه بينددو على استحياء
طيب لو انتو مع اسرائيل اعملو قمه عربيه و اطلعو قولو للشعب العربي انكم بتدعمو و تأيدو اسرائيل علشان بس نبقى عارفين لكم موقف بدل ما انتو ساكتين أو بتشجبوا وتنددوا كده و حتى من باب الشفافيه
و بردو عايز جواب انتو يا عرب ما بتتحدوش ليـــــــــــــــه ؟ ممكن حد يجاوبنى ؟
اقراء ايضا المواضيع التالية
أعظم شخصية فى أوربا للقرن العشرون
دعوة عامة لكل الناس لمكافحة التدخين و المُدخنين
أقـتـل هؤلاء الخمسة تعيش في سعادة !!!
للــمتـصـفـحـــيـــن فقط بلا ردود
قصة شجرة التفاح
رد مع اقتباس
.gif)
المفضلات