مايك المنتدى النهاردة مع " السخاوى " يلا يا هركليز هههه

**السخاوى** · 29-05-2009, 09:45 PM

بصراحه يا جماعه انا مش عارف ابتدى منين ولا منين

اقولكم هابتدى من عند اول ما دخلت المنتدى ده ......... الجيم .........

معرفتى بالمنتدى كانت عن طريق الاخ الفاضل الاستاز ............... ابو أصاله .................

اول ما دخلت المنتدى لقيت الناس كتير والحوارات والمواضيع اكتر والناس كلها تقريبا عارفين بعضهم وبيتابعوا مواضيع بعض

قولت لنفسى ياااااااااه ... انت لسه هاتقعد تعمل مواضيع ومشاركات وتتعرف على ناس جديده

يابنى دا انت لسه محدش يعرفك واكيد محدش هايتابعك

اشطه ياسخاوى انت ممكن تدخل من وقت للتانى تشوف لو عندك مشكله او عطل او عاوز فلاشه معينه مثلا ....

تبقى تدخل تشوف اللى انت عاوزه وتحل مشكلتك وخلاص

وفعلا بقيت ادخل من وقت للتانى واحط مواضيع فيها العطل اللى اعندى وبصراحه الناس كانت بتتفانى فى المشاركه وعرض الحلول

وبصراحه ساعدونى كتير جدا

المهم بعد شويه كده لقيت نفسى اتعرفت على ناس جديده .... ناس مثقفه جدا وواعيه جدا... وبصراحه ... كلهم عندهم عقول متفتحه ومبتكره

وفجـــــــــــــــــــــــأه

لقيتنى لا أراديا لازم ادخل كل يوم المنتدى .... بقى نوع من انواع الادمان ....

وكل ده طبعا وانا بتعرف على ناس جديده وبعمل علاقات جديده

اخدنى الغــــــــــــــــــــــرور طبعا وقلت لنفسى ......."انت لازم تبقى مشرف يا سخاوى".........

انت مش اقل من المشرفين اللى هنا

طبعا دا كلام فى البطيخ اتارينى طلعت مش فاهم اى حاجه

المهم عملت ايه ............ بيان رقم 1 ............

دخلت وعملت موضوع برشح فيه نفسى للاشراف فى قسم صيانة النوكيا ههههههههههههه

وبصراحه لقيت الناس داخله بتقولى كلام وكويس وترحيب وكله ماشى تمام

قولت اه طبعا هوه ده الكلام همه يعنى هيلاقوا زيى فين دا انا لهلوبه دا انا لوقطه ههههههههههههههه

وجه تانى يوم................

ولقيت الاستاز طارق اون دخل الموضوع وقالى ...... وياريته ما قال هههههه

اعملى صوره توضيحيه لخط ال bsi لجهاز 6300

يانهار ملوش ملامح .....اقعدت بقى ادور على مواضيع يكون فيها شرح لكيفية التعامل مع المخططات وخلافه

وهبه على قد اللى فهمته روحت عامل الصوره ورافعها ...........

طبعا الصوره طلعت بتوضح خريطه الاتحاد السوفيتى قبل ما يتفكك ههههههههههه

ورفضونى بس انا طلعت كسبان

ادونى لقب عضو نشيط .... يعنى حاجه كده علشان ما يكسروش بخاطرى

وعدى يوم ورا يوم والدنيا كويسه وانا مبسوط بموضوع العضو النشيط ده هههه

لحد لما عملت الحادثه

اوعى وشك

كفايه كده هاكمل بعد شويه يارجاله تعبت

**السخاوى** · 29-05-2009, 09:52 PM

جينا بقى للحادثه

اااااااااااااااااااااااااه

كنت قاعد انا واتنين صحابى وقلتا يوم بقى نرجع لايام زمان والعزوبيه ونهلس شويتين كده ونعيش

وفعلا خرجناا

وقضينا يوم جامد والدنيا حلوه ومهيسين اخر حاجه

وهبه واحنا راجعين عملنا الحادثه .. ازاى بقى

عربيه شروكى جايه بسرعه وفجاه لقيت اتوبيس هيئه قدامها ولما حاول السواق انه يقادى اتوبيس الهيئه راح بوووووووووووووووووووووم

خبطنا احنا ابن المجنونه

والدنيا ضلمت

**السخاوى** · 29-05-2009, 10:03 PM

ولما فوقت لقيت نفسى فى المستشفى والناس ملمومه حوليا وبصراحه مكنتش حاسس اى حاجه

وعملولى عمليه واتنين

المهم صلحونى انا واصحابى لكن طبعا مرجعناش فبريقه

رشين بره وجوه طبعا وخلاص حالتنا بقت نص عمر ههههه

وعرفنا ان الحادثه دى فيه ناس ماتت وناس عملت بتر لاعضاء وحاجات كده تعمل حالة فزع

الحمد لله انها جت على قد كده وربنا سترها معانا

والحمد لله قومت بالسلامه ورجعت للمنتدى ولقيت ان الموضوع اتسرب للمنتدى هه

وبصراحه لقيت الاعضاء كلها بعتالى رسايل خاصه وخلافه وبيطمنوا عليا باستمرار ووقفوا جنبى وقفه رجاله بجد

ورجعت ريما لعادتها القديمه ولكن لقيت نفسى ميال للاقسام العامه اكتر بما انى تعبان وقاعد فى البيت ومعنديش شغل على شان ادخل على اقسام الصيانه

وبقيت بقضى كل يومى فى المنتدى

وبقيت عضو مميز واهه اترشحت مؤخؤا للاشراف والدنيا زايطه معايا ههههههههههههههههه

**aladin02002** · 29-05-2009, 10:04 PM

على فكرة يا واد يا سخاوى

إنت كلامك نابع من القلب

والله مش بهزر

عارف ليه

.........

.......

..

لأن الكلام اللى نابع من القلب

بيخش علطول جوة القلب

----------------------------------

أكمل

كلى آذان صاغية

**السخاوى** · 29-05-2009, 10:20 PM

اما بقى عن الناس الجميله اللى فى الجيم فهما كتير جدا
والحمد لله علاقتى بيهم كويسه جدا وبنتكلم باستمرار فى التليفون وعلى الماسنجر

وانهارده بس اتصل بيا واحد جامد جدا على شان يباركلى على الترشيح وقالى

الو

معاك عمار الشريعى من مباحث امن الدوله هههههههه

ال يعنى هخاف .... المهم بعد ما حور عليا طلع مين بقى يامعلميييييييييييييييييييييينن

طلع حبيب قلبى احمد تهامى الجامد جدا

واللى بصراحه يا استاز عماد نفسى تخليه ياخد الميك بعد منى

انتهت فقرة الميك مع السخاوى

وننتظر العضو صاحب الميك غدا ان شاء الله

**aladin02002** · 29-05-2009, 11:13 PM

لااااااااااااااااااااااااااااا

لسه يا معلم

أنا قلتلك

أنا معاك طول الليل

يعنى

مفيش مرواح النهارده

يالا

إمسك المايك من تانى

لحسن أخلى الواد إبنى يضرب البت بنــتك

هههههههههههههههههههههههههه

**EXplORer_70** · 30-05-2009, 10:51 AM

لالالالالالالالا
ياسخاوى كمل لسة
بعد اذن عماد عايزينك كمان يومين
احكى لسة

**SALIHMOB** · 30-05-2009, 11:08 AM

كنت منتظر السخاوي من ما بدات مشاركات مايك المنتدئ
الف شكر ليك يا عمدة
والشكر كله للسخاوي
تقبل مروري

**السخاوى** · 30-05-2009, 01:10 PM

الشكر ليكم انتوا يارجاله ربنا يخليكوا ليا ودايما يكون الحب متبادل

الشكر للجميع

اما انت ياض يا اسطوره فانا مش هخليك تتريق عليا زى منا ببهدلك

ههههههههههههههههههه

بعنيك يابوب