قائمة الاعضاء المشار اليهم
صفحة 1 من 17 1234511 ... الأخيرةالأخيرة
النتائج 1 إلى 10 من 167

الموضوع: مايك المنتدى النهاردة مع " السخاوى " يلا يا هركليز هههه

  1. #1
    VIP Member

    الحالة
    غير متواجد
    تاريخ التسجيل
    Jul 2007
    الدولة
    Egypt
    العمر
    29
    Phone
    NOKIA E66
    المشاركات
    5,588
    الشكر
    2,468
    شُكر 5,451 فى 1,749 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    170

    افتراضي مايك المنتدى النهاردة مع " السخاوى " يلا يا هركليز هههه

    السلام وعليكم ورحمة الله وبركاته



    ¸,.-~*مــــــآيــــك المــنــتــدى *·~-.¸¸






    لكــــــل عضو .. صوت .. لابد أن يـُـــــــــسمع ..




    ونحــــن كأخوة .. هنا ..




    من واجبنا .. أن نستمع لبعضنا ..!




    * ومن هذا المنطلـــق *




    " مايـــك المنتدى "..




    لذا .. سيحــق .. في كل يوم... لعضو واحـــــد فقط





    أن يتملك المايك .. ويفصح من خلاله .. عما يريد قوله ..!




    قواعـــــــد المايك ..




    1) للعضـــــــو * صاحب المايك* :




    لك أن تقول ما يحلو لك .. (.. اقتراح للمنتدى ..خاطرة .. قصيدة .. تعريف بذاتك ) ..




    ولك أن تجمعهم كلـــــــهم ..




    فشعارنا هنا .. ((مــن قــدك المايك بيدك ))



    2) للأعضــــــاء



    عـــــدم مقاطعة العضــــــو بالردود " يعني .. ممنوع أي أحــد يرد .. على الموضوع .. قبل مايقول



    العضو اللي معه المايك .. (( انتهيت ))



    ومن بعدة الكل يقول رايه



    وذلك لإعطاء حرية أكبر .. للعضو .. في قول مايريد وبدون بلبلة ..


    لأنه مدة استلامه للمايكيوم واحد فقط ...كما ذكرت سابقا ....






    مـــــــلاحظــــة:



    ســــوف اختــــــار



    كل يوم عضوو او مشرف او اداري ..


    والي بيعتذر عن الدعوة يعطيناا خبر .....





    المايك عند....
    زميلتنا واختنا العزيزه
    صاحبة البصمه المميزه.
    المشرفه ..(غرام )

    منوره والله
    ومن هذه اللحضه لكِ المايك
    وباشري ..
    تــ ح ــيتي..

    المهله المسموحه لكِ حتى يوم الخميس
    من بعدها يتم اختيار شخص ثاني



    التعديل الأخير تم بواسطة GhArOmA ; 29-05-2009 الساعة 12:53 AM سبب آخر: العنوان
    جيم فلاش = هوستينج العرب

  2. #2
    صديقة المنتدى
    الصورة الرمزية GhArOmA

    الحالة
    غير متواجد
    تاريخ التسجيل
    Mar 2008
    الدولة
    EgYpT
    العمر
    30
    Phone
    c3120
    المشاركات
    2,438
    الشكر
    442
    شُكر 1,074 فى 427 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    79

    افتراضي فضفضة


    فضفضة

    عاوزة اتكلم شوية بغض النظر عن أى حاجة تانية ممكن تعطلنى انى اقول الى جوايا مهما كان

    حاولت اكتب اكتر من مرة هنا وف مواضيع برة حاجات سعيدة وكل ما اجى اطلعهم وادوس اعتماد مشاركة اقوم مسحاهم مش عارفة ليه
    فقررت انى اكتب الى جوايا مهما كان ملخبط ومش مظبوط اهو طريقة كويسة للتغيير وكمان اطلع كمية اللخبطة الى جوايا دى

    هو أحنا ليه بقينا كده؟؟

    سؤال نفسى اساله لنفسى
    بجد ليه انا وانتى دلوقتى بقينا كده وليه انا بالذات اتحولت التحول ده كله
    اول شفتك حسيت بشريط بيرجع معاكى انتى وبس وحجات بيننا مش ممكن حد تانى يفهمها بس رجعت وقلت ده "كــــــــــان"حتى فى وقت انتى كنتى محتاجانى فيه مقولتيش ولما حطيت نفسى مكانك كنت هعمل زيك كده بالظبط كنت هقول اكيد هتحس بيا بس القضية الكبيرة اننا من قلة ما بقينا مع بعض مبقناش نحس ببعض
    حقيقة غبية اوى ووجعانى اوى انها حصلت معاكى انتى يانفسى

    الليـــــــــــــــــل


    مبيعديش الليل كل يوم الا ومقلبة كل حاجة يمين وشمال وفوق وتحت
    كل يوم فيلم يحصل ونتخانق انا ونفسى كل شوية يوم كويسين وبنتكلم بعقل ونقول كويس اوى الى حصل ده وانه كان لازم يحصل وانى كده احسن من اى وقت فات وانى لازم احسبها صح وافكر بعقل وانى وانى ...والاقى ابتسامة ملهاش غير مبرر واحد "انى بضحك على نفسى او بتقبل الواقع"
    حقيقة اغبى تانى ووجعانى اوى انها حصلت معاكى

    ذكريـــات

    طب لما احنا عندنا قدرة النسيان انا معنديش النقطة دى ليه!!!
    ليه اما بفتكر وقت عدى وكنت فيه كويسة وتمام
    وقت انا كنت فيه بضحكتى .بكل حاجة فيه حتى عصبيتى اد ايه الايام دى كانت حلوة
    مبقتش اطيق بس اسمع اى حاجة من الى فات او عدى مهما كان السبب
    والمرة الى فاتت لما اتنرفزت اوى ان الاغنية دى شغالة وقمت وسيتها واصحابى متنحين ايه الى انتى بتعمليه ده مش عارفة اسمه ايه بقى بس مبقتش حابة افتكر اى حاجة فاتت وانا لو عليا امسك استيكة وامسح حجات كتيرة اوى بس عارفة انى مينفعش اعمل كده لان في حجات لسه حلوة اوى موجودة وكفاية انها موجودة

    فيـــــــــروز ...

    عاوزة اقولك معلش لانى مبقتش احب اسمع اى اغنية مش عارفة ده اسمه ايه وانا بحبك اوى والله
    بسمع اى اغنية منك بتودينى فى حتت مينفعش اروحها لانى قررت عدم التجول تانى
    فيه "حظر تجول" على افكارى وخيالى وحتى احلامى

    حالة ايه الى انا فيها دى انا كويسة والحمد لله والامتحانات اهى ماشية كنت فاكراها هتعدى الفترة دى اصعب من كده بكتير بس مش عارفة ليه كل ما اشوفك بحس انى تعبانة ليكى والى انتى فيه زيادة كل حاجة اتقلبت معاكى فى وقت واحد
    هو وضاع منى من زمان ولسه بيضيع
    وانا رحت وسبتك
    وانتى فضلتى لوحدك متنحة ولا مش فاهمة مش عارفة اد ايه عشتى ايام صعبة اوى يا نفسى وانتى مبتنطقيش اخر مرة شفتك كده وصحابى شافوكى وحسوكى معايا كلنا عاوزين نخرجك من الى انتى فيه ده وخلاص وانتى تضحكى شوية وتعيطى شوية يانفسى مكنتش عارفة اعملك ايه

    كانت شهور قليلة معاه وانتى اديتى كتير بس الحمد لله على كل حال واديكى ارتاحتى من الاول
    كانت كلمة كلمة صحبتى


    ضحكتى اوى وقولتيلى محدش فاهم حاجة

    وانا وراكى اديت الضحكة التمام وقولتلك
    "
    فعلا محدش فاهم حاجة"


    ميرسى اوى يا عماد على الموضوع دة بجد بجد والله جه ف وقته معرفش جت كدة ازاى بس فعلا بقالى كتير نفسى افضفض واحكى كتييييييير
    ومعلش بقى اول حاجة كدة طلعت مذبذبة وتعبانة بس انت اللى اختارتنى وليك الاجر والثواب عند الله يا اخى
    هههههههه
    عموما ليا عودة مرة اخرى لان لسه جوايا كلام كتير اوى ونفسى ارتاح


    التعديل الأخير تم بواسطة GhArOmA ; 21-05-2009 الساعة 01:42 AM
    http://www.mlfat4arab.com/i/00000/q3ohhabe2oc8.JPGhttp://dc04.arabsh.com/i/00671/o7f7sp6zbsj6.JPG
    **
    اوعى تندم يوم اوعى تبكى ليالى دمعك غالى اوعى يهون
    ارضى بالمقسوم دة اللى مكتوب لينا بكرة يجينا مهما يكون
    انسى جرحك وانسى الاه
    تبكى ليه سيبها على الله
    لو يطول الليل هيجى اكيد نهار بعديه
    مهما كان الحظ قليل خلى صبرك صبر جميل
    دنيا مش بتدوم وجايلك يوم هتفرح فيه
    **
    تفرح ليالى تحزن ليالى
    حتى ف دموعك حب الحياة

  3. #3
    صديقة المنتدى
    الصورة الرمزية GhArOmA

    الحالة
    غير متواجد
    تاريخ التسجيل
    Mar 2008
    الدولة
    EgYpT
    العمر
    30
    Phone
    c3120
    المشاركات
    2,438
    الشكر
    442
    شُكر 1,074 فى 427 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    79

    افتراضي اسود وابيض

    عارفة انه كتييييييير جدا ف الفترة الاخيرة ناس كتير سألونى مالك وليه دايما مغمقاها كدة وتعليقات كتير من اصحابى بتعترض على اللون الإسود

    ولأسباب كتيرة .. فى اللى قال ده كئيب اوى ومتشائم وسودوي

    وفى اللى قال انى كترت منه كدة وان بيفتكروا ان عندى حالة وفاة لا قدر الله

    وفى وفى وفى

    بس انا مكنتش بسمع لكل ده بصراحة وكنت بقول دة مجرد لون عشان فورمال وكدة عشان الشغل

    لكنى حاسة ومتأكدة ولازال عندى الإحساس ده إن الاسود لون مختلف

    له مذاق خاص

    سحر آخاذ

    حالة سكونية غامضة

    كل ده لسة حساه لحد دلوقتى

    بس اللى اختلف انى عايزة اغير حاجات كتير جوايا

    او حتى اغير نظرتى للحياة

    او اغير طريقتى فى التفكير او التعامل

    اهو المهم انى اتغير وخلاص وإلى الأحسن بإذن الله

    فغيرت حاجة بسيطة اوى فى حياتى

    مجرد نقيض الأسود .. الأبيض

    الأبيض اللى فيه راحة

    وسكينة

    وآمان

    وسلام

    مش عارفة ليه حسيت انى مستريحة لما بشوف نفسى كدة

    اه غيرت و بلبس الوان وكدة بحكم الصيف بس الابيض ليه احساس تانى خالص

    حاسة كأن انا ونفسى خدنا دش من كل شوائب نفسنها وبلاويها

    نفسى بجد اتغير

    نفسى ابقى احسن

    نفسى ابقى أنقى

    يا بختها هدومى بقت بيضة ف يوم واحد

    لكن الإنسان للأسف مش ف يوم وليلة يقدر يتغير و مالوش زراير يغير بيها نفسه

    نفسى ابقى ابيض من جوا

    نفسى ثوبى يبقى ابيض من نقط المعاصى السودا

    نفسى يبقى ابيض من اى حقد او شر او حسد او ضجر

    نفسى اعيش فى الأبيض واموت فى الأبيض

    نفسى عينى تشوف الأبيض لما اموت

    نفسى قبرى يبقى منور

    نفسى فى عز الظلمة ابقى مطمنة فيه ومش خايفة

    اخاف من ايه وانا مع ربنا

    نفسى بجد لما اموت يلبسوا ابيض

    نفسى ابقى زهرة بيضة فى حياة كل اللى يعرفنى او يتعامل معايا او يخش بيتى

    نفسى زى ما هلبس ابيض فى يوم زفافى زى كل العرايس

    وانا فرحانة واللى حواليا فرحانين

    نفسى بردو البس ابيض من جوايا ومن برا يوم رحيلى

    وابقى فرحانة انى أديت رسالتى وربنا وفقنى فيها

    وربنا وسيدنا محمد وان شاء الله زوجى واولادى واهلى واصدقائى راضين عليا

    نفسى مزعلش حد منى

    نفسى اروحلك يارب وانا صفحتى خالية من الذنوب

    بيضا .. كلها حسنات

    نفسى قبل ما اموت البس الأبيض واحج بيتك

    نفسى ادخل جنة الدنيا قبل جنة الآخرة

    جنة حبك والقرب منك يارب العالمين


    امين يارب العالمين امين يارب
    التعديل الأخير تم بواسطة GhArOmA ; 21-05-2009 الساعة 01:41 AM
    http://www.mlfat4arab.com/i/00000/q3ohhabe2oc8.JPGhttp://dc04.arabsh.com/i/00671/o7f7sp6zbsj6.JPG
    **
    اوعى تندم يوم اوعى تبكى ليالى دمعك غالى اوعى يهون
    ارضى بالمقسوم دة اللى مكتوب لينا بكرة يجينا مهما يكون
    انسى جرحك وانسى الاه
    تبكى ليه سيبها على الله
    لو يطول الليل هيجى اكيد نهار بعديه
    مهما كان الحظ قليل خلى صبرك صبر جميل
    دنيا مش بتدوم وجايلك يوم هتفرح فيه
    **
    تفرح ليالى تحزن ليالى
    حتى ف دموعك حب الحياة

  4. #4
    صديقة المنتدى
    الصورة الرمزية GhArOmA

    الحالة
    غير متواجد
    تاريخ التسجيل
    Mar 2008
    الدولة
    EgYpT
    العمر
    30
    Phone
    c3120
    المشاركات
    2,438
    الشكر
    442
    شُكر 1,074 فى 427 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    79

    افتراضي شنطة حمزة "شنطتى"

    ممكن جدا تكون ماشى فى الشارع وشايف واحدة ع الرصيف التانى ماسكة شنطتها

    ومدخلة راسها جواها وعمالة تحاول تتطلع حاجة معينة ومش عارفة

    وطبيعى جدا بردو تكون فى اى محل وتلاقى بنت فاتحة شنطتها

    وبتحاول تطلع لصاحب المحل اى حاجة وبردو مش عارفة

    ويترسم على وشها كل علامات الدهشة والإستغراب

    اللى تخليك على طول تفتكر جملة عبلة كامل الشهيرة فى مسرحية وجهة نظر

    ( كانت معايا ! .. كانت معايا فى الشنطة .. ثم تنخرط فى بكاء عميق ليسارع بالرد محمد صبحى مسائلاً:

    هيا شنطة عربية ولا ايه؟؟؟)


    مش عارفة كل البنات شنطهم زى شنطتى ولا لأ

    بس ده حالى عموما

    وحالى مع شنطتى حبيبتى الملقبة دائما وفى كل المحافل بشنطة حمزة

    شنطة حمزة موجود فيها كل شئ

    كلللللل شئ

    مناديل

    أقلام

    أوراق

    صور

    مقلمة

    محفظة

    أدوات مكياج

    كتب

    مصحف

    كتاب أذكار

    دبابيس

    أزايز مياه

    كوباية

    سبح

    ( يعنى اكتر من سبحة عشان لو ماعرفتش اوصل لواحدة آخد اللى قدامى على طول )

    ريدار

    فلاشة

    إم بى فور

    سبراي وبرفان

    موبايل

    مفاتيح

    شيكولاتات وبومبونى

    لبان

    بسكويت

    مصاصة

    تفاح

    زبادى

    جزر

    خيار

    شاحن الموبايل

    شاحن الإم بى فور

    شراب

    جوانتى

    اكسسوارات

    المفكرة بتاعتى

    مبرد

    قصافة

    مقص

    مشط

    توك شعر

    فرشة سنان

    معجون السنان

    صابونة

    فوطة

    أدوية

    مراهم

    بلستر للجروح

    الساعة

    كروت

    سماعات

    وما خفى كان أعظم


    ده طبعا غير الزبالة اللى المفروض تترمى بس مش بلاقى باسكت قدامى

    فبقوم حطاها فى الشنطة بدل ما اوسخ مصر اكتر ماهى متوسخة

    شوفتوا الطيبة ؟؟؟؟؟؟؟؟؟؟؟؟

    طبيعى جدا ان شنطة حمزة تكون تقيلة جدا

    ولو اديتها لحد يشلهالى يصوت

    ولو حد ماشى معايا وحاول يرصد تصرفاتى مع الشنطة يركبه الإزبهلااااال

    وطبيعى اوى بردو اكون فى موقف محتاجة فلوس وادور واقلب الشنطة

    وملاقيش حاجة واول مااروح البيت وابص فى النور الاقى الفلوس ع الوش !

    وطبيعى اقلب الدنيا ع البطاقة ومالقيهاش غير فين وفين

    وطبيعى يبقى اسمها شنطة حمزة ... مش كدة؟؟؟

    حاولوا كتير معايا يعرفوا سبب الكراكيب دى كلها اللى جوا الشنطة

    بجد مش عارفة سبب واضح

    وليه اصلا ممكن واحد يمشى من غير شنطة اساسا

    والبنت يجرالها حاجة لو نزلت من غير شنطتها

    والله ماعرف بردو

    يمكن لان احتياجاتنا كتير؟؟؟

    ممكن

    بس اللى اعرفه انى مقدرش انزل من غير حاجة واحدة من الحاجات دى

    ولو حصل ابقى حاسة ان فى حاجة نقصانى وانى ححتاجها

    وفعلا سبحان الله بحتاجها فى اليوم اللى نسيتها فيها

    بس بردو .. ماتستغربوش لو لاقتونى ماشية فى الشارع بالموبايل بس

    خصوصا لو نازلة اعمل شوبينج

    يعنى حشترى

    يعنى حشيل تقيل

    والشنطة لوحدها تقلة .. تيجى كام كيلو كدة

    يبقى حشيل الحاجات ولا اشيل الشنطة؟؟؟

    لدرجة انى مرة كنت مع ماما واشترينا كتير وبقت ياعينى مش قادرة تشيل

    ولا انا كمان من تقل الشنطة

    قمت مدياها شنطتى بس تشيلها وشلت انا الباقى عشان اعرف اكمل المشوار

    ورجعنا هلكانين ومن يومها بقيت اتسوق بالموبايل بس

    وطبعا حبيبة قلبى ماستغناش عنها

    شنطة حمزة

    شنطة كل الاوقات

    وكل المشاوير

    وكل المسافات

    وكل السفريات

    بس بجد ياجماعة

    سؤال زهقنى من كتر ما سألته ومافيش رد

    مين حمزة ده اللى انا شايلة شنطته ؟؟؟؟؟؟


    احلى حاجة ف موضوعك يا عماد انى حاسة انى قادرة اتكلم ف اى حاجة تيجى ف بالى وقادرة اطلع واشيل من على قلبى كتير ف اى حاجة عايزة اقولها
    بس معلش استحملونى شوية بقى
    http://www.mlfat4arab.com/i/00000/q3ohhabe2oc8.JPGhttp://dc04.arabsh.com/i/00671/o7f7sp6zbsj6.JPG
    **
    اوعى تندم يوم اوعى تبكى ليالى دمعك غالى اوعى يهون
    ارضى بالمقسوم دة اللى مكتوب لينا بكرة يجينا مهما يكون
    انسى جرحك وانسى الاه
    تبكى ليه سيبها على الله
    لو يطول الليل هيجى اكيد نهار بعديه
    مهما كان الحظ قليل خلى صبرك صبر جميل
    دنيا مش بتدوم وجايلك يوم هتفرح فيه
    **
    تفرح ليالى تحزن ليالى
    حتى ف دموعك حب الحياة

  5. #5
    صديقة المنتدى
    الصورة الرمزية GhArOmA

    الحالة
    غير متواجد
    تاريخ التسجيل
    Mar 2008
    الدولة
    EgYpT
    العمر
    30
    Phone
    c3120
    المشاركات
    2,438
    الشكر
    442
    شُكر 1,074 فى 427 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    79

    افتراضي هل من الطبيعى ؟؟

    هل من الطبيعى ان تجد نفسك ساقطا فى دوامة سحيقة مظلمة لا تقوى على مواجهتها ولا تجد أى أمل للخروج منها.؟
    هل من الطبيعى ان تجد الوحدة هى الأنيس والرفيق الوحيد والدائم والطبيعى والأساسى لكل يوم رغم كل من تراهم وتشاركهم يومك؟
    هل من الطبيعى ان تجد الدمعة تحاول الهروب منك عن طريق عيناك فلا تسمح لها بذلك لكثرة من سبقوها فى الخروج؟
    هل من الطبيعى ان تحاول النجاة من واقعك عن طريق أحلامك فتجد أحلامك مظلمة تماما من فرط إعيائك النفسى والذهنى ؟






    هل من الطبيعى ان تجد الأيام كلها واحدة ، الليل مثل النهار ، نفس الألوان ، نفس الأصوات ، نفس الأفكار، نفس الحواجز ، نفس الإحباطات ، نفس الصمت والدموع والألم؟
    هل من الطبيعى أن تفكر فى التفكير فتجد التفكير ذاته فى ممر طويل ضيق يقف عديم الحيلة وحيداً حزيناً باكياً كئيباً؟
    هل من الطبيعى بعد محاولات طويلة وكثيرة لإخراج الدموع فتجدها تأبى الظهور او الخروج من عيناك لأنها سئمتك وكرهتك وكرهت اليوم اللى دخلت فيه عينك من الأساس؟!




    هل من الطبيعى بعد ان يقدم لقلبك صفحات طويلة من المواساة والحث على الصبر والتحمل والجلد من كل من يسمع قصتك ان تشعر انهم كلهم يتحدثون عن شخص آخر غيرك ، مثير للشفقة والتأثر والألم؟!
    هل من الطبيعى ان تتساقط المصائب عليك فجأة كهطول الأمطار سيولاً كثيفة فتجد نفسك وحيداً حائراً ضئيلاً مجروحاً متألماً مريضاً ضعيفاً لا تقوى حتى على شئ سوى قول:
    الحمد لله الذى لا يحمد على مكروه سواه ؟!!!

    الحمد لله الحمد لله الحمد لله
    http://www.mlfat4arab.com/i/00000/q3ohhabe2oc8.JPGhttp://dc04.arabsh.com/i/00671/o7f7sp6zbsj6.JPG
    **
    اوعى تندم يوم اوعى تبكى ليالى دمعك غالى اوعى يهون
    ارضى بالمقسوم دة اللى مكتوب لينا بكرة يجينا مهما يكون
    انسى جرحك وانسى الاه
    تبكى ليه سيبها على الله
    لو يطول الليل هيجى اكيد نهار بعديه
    مهما كان الحظ قليل خلى صبرك صبر جميل
    دنيا مش بتدوم وجايلك يوم هتفرح فيه
    **
    تفرح ليالى تحزن ليالى
    حتى ف دموعك حب الحياة

  6. #6
    صديقة المنتدى
    الصورة الرمزية GhArOmA

    الحالة
    غير متواجد
    تاريخ التسجيل
    Mar 2008
    الدولة
    EgYpT
    العمر
    30
    Phone
    c3120
    المشاركات
    2,438
    الشكر
    442
    شُكر 1,074 فى 427 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    79

    افتراضي نقطة و من اول السطر

    أن تنظر فى عينيى إنسان يحتضر للمرة الاخيرة لتخبرة بأنه مايزال بخير ولا تعود لتذكرة الا عند هطول أمطار ليوم صحو النهار
    و أن يكتفى الاخرين بإخبارك بإننا لانملك شيئاً فى انفسنا وأن كل ما علينا هو الدعاء السهل

    أن تكتشف للمرة المائة بأنك مجرد دمية ملونة و أن جميع خيوطك فى يديه (هو) وكل ماعليك الرقص بجد و همة مع يقينك بإنك سترمى بعيداً عند انقطاع خيطك الأخير

    أن تمارس طقوس حزنك مختبىء باحد المطاعم الراقيه مقتسم حيرتك مع شخص يستمع لموسيقى مصحوبة بكلمات للغة تجهلها لكنك على يقين بإنها تحكى عن من عاد ذات ليل بارد لقريته النائمة بعد ان رحل غاضب و مشتاق لمعرفة ماذا يكمن هناك خلف الحدود الضيقة

    وأن تكتشف ان كل ما تستطيع فعله فى حياتك هو الكتابة بقلم ردىء على ورقه صفراء لخواطرك غير المرتبة



    كدة مدتى خلصت يا عماد ولا ايه
    ممكن احجز مدة تانيه ولا بيتهيالى كفاية عليكو كدة تنكيد بقى وكفاية تطليع ف بلاويا عليكو
    نفسويتكو تعبت اكيد يا ولداه
    ههههههههههههه
    معلش اختكو الصغيورة بقى لازمن تستحملونى
    ولا فيه اعتراض ولا حاجة
    ااااااه بحسب يعنى

    بس بجد كان احلى وقت قضيه من فترة طوووووويلة مش قادرة اقعد مع نفسى خالص

    ((انتهيت))
    http://www.mlfat4arab.com/i/00000/q3ohhabe2oc8.JPGhttp://dc04.arabsh.com/i/00671/o7f7sp6zbsj6.JPG
    **
    اوعى تندم يوم اوعى تبكى ليالى دمعك غالى اوعى يهون
    ارضى بالمقسوم دة اللى مكتوب لينا بكرة يجينا مهما يكون
    انسى جرحك وانسى الاه
    تبكى ليه سيبها على الله
    لو يطول الليل هيجى اكيد نهار بعديه
    مهما كان الحظ قليل خلى صبرك صبر جميل
    دنيا مش بتدوم وجايلك يوم هتفرح فيه
    **
    تفرح ليالى تحزن ليالى
    حتى ف دموعك حب الحياة

  7. #7
    VIP Member

    الحالة
    غير متواجد
    تاريخ التسجيل
    Jul 2007
    الدولة
    Egypt
    العمر
    29
    Phone
    NOKIA E66
    المشاركات
    5,588
    الشكر
    2,468
    شُكر 5,451 فى 1,749 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    170

    افتراضي

    بصى يا غرام تشخيص حالتك بالنسبة لى هو الياس ولكى 3 نصايح لابد وضعها فى الحسبان
    النصيحة الأولى:

    لا تلتفت لباب مغلق
    ولا تأبه لملامح متجهمة
    ولا تكترث إلا لمن يصافح حزنك قبل فرحك
    ولا تصدق أن الحزن نهاية
    واليأس حكاية...




    النصيحة الثانية:

    أشهر في وجه القلق اطمئنانك
    وكن حراً, حتى وان كانت الأسوار تخنق خطواك
    فأنت حر منذ بدء الخليقة ولنهايتها
    أول الحرية حرية
    وآخر العالم سجن مقيت يدعى سجن الروح..







    النصيحة الثالثة والاخيرة:


    أعلن رفضك للذين يحبون أوهامك
    وشاور من يدعي احترامك
    وكن أنت دون ادعاء أو حتى صمت يخسرك شيئاً من حريتك
    واجه بفأس من بهجة أمل وغيمة واعدة بالمطر
    وأرض ذات واحات خضراء
    وبشر أحبوك لذاتك.

    :
    أهم شيء هي العزيمة و الصبر و التحدي
    :

    والنصيحة الاهم والتي تختصر فيما سبق وتحوي جميع النصائح هي

    عليك بتقوى الله وآداء الفريضة وكثّر من الدعاء وعليك
    بالمصحف الشريف فيه من دواء النفوس الذي اعجز العلماء


    لديك صراع بين أين أنت الآن وبين ما تعتقد أنك يجب أن تكون , تنشأ مشاعر اليأس عندما تعتقد أنك لن تكون قادرا أبدا على الوصول إلى حيث تريد أن تكون , أو أن تفعل ما تريد أن تفعله , لقد أصطدمت بالحائط ولم تعد قادرا على التحرك بعد ذلك , يتضاعف هذا الشعور عندما تكون مجبرا على القيام بأشياء لا تريد القيام بها , إن قضاء وقتك على أشياء تشعر أنك مجبر عليها هو شئ منهك , لذا فأنت لست فقط لا تستطيع فعل ما تريده ولكنك مجبر على فعل أشياء لا تريد القيام بها ,


    هذه هي الصيغة الخاصة باليأس , فبدون الأمل بأي شئ أفضل , وبقضاء وقتك في أشياء لا تريد فعلها , عندئذ لا يكون الآكتئاب بعيدا جدا , هل لا حظت يوما كم هو صعب أن تحاول التظاهر وكأنك تقضي وقتا ممتعا عندما تكون في حالة نفسية سيئة ؟


    إنك تشعر بالإرهاق ذهنيا وبدنيا ,أو عندما يتصل شخص لا تريد التحدث معه , فإنك تشعر أن طاقتك قد نضبت , تخيل كم هو مرهق أن تعيش حياة تفضل عليها الموت .


    إنك تعيش في الفجوة بين أين تريد أن تكون وأين تعتقد أنك يجب أن تكون , ويبدو أن حافزك للعمل والأنجاز لم يعد موجودا ,


    ومع إستمرار هذا الشعور فقد تبدأ بالأمتلاء بالغضب على نفسك عندما تدرك أنك الوحيد الذي كنت تؤخر نفسك , وعندما تكون خائفا من صنع تغيير أو من المخاطرة, فإنك ستجد إنه من الصعب أكثر وأكثر أن تبرر سلوكك لنفسك .


    وللتخلص من مشاعرك السلبية اليك هذه الخطوات البسيطة:



    1- إختر شيئا بسيطا تريد فعلا القيام به ونفذه , قم باختيار شئ في العمل أو هواية أو رحلة , أي شئ كان , وتأكد من أنه سيمنحك متعة , وكن مدركا بأنك عندما تضع هدفا وتتخذ إجراء , فإنك قد أخذت أول خطوة بعيدا عن اليأس ونحو الحياة المفعمة بالنشاط , درب نفسك باستمرار على وضع أهداف صغيرة وحققها ,
    فهذا سيعطيك شعورا بالأستمرارية في الإنجاز وإحساسا بالسيطرة على مسار حياتك .



    2- انتق حلما لديك تريده حقا وتشعر إنه يمكنك تحقيقه , ثم ضع خطة عمل محددة ومعقولة , وخط زمني لأنجاز هذا الحلم .

    خذ الخطوة الأولى في خطة عملك خلال أربع وعشرين ساعة من وضعك لخطتك, إن اليأس هو نتيجة ثانوية لعدم القيام بأي عمل , والعكس صحيح ,
    لا تقم بعمل شئ مهم فقط , بل قم بعمل أي شئ ! والعكس صحيح , لا تقم بعمل شئ مهم فقط , بل قم بعمل أي شئ ! الشعور بأنك لن تصل أبدا إلى حيث تريد أن تكون , يمكن أن ينمحي بلحظة , هل لاحظت يوما أنك عندما تأخذ خطوة نحو تحقيق شئ ما تريده حقا , فإنك تشعر بأنك على قمة العالم ؟

    سواء أكان الأنضمام إلى مركز رياضي أو توزيع ملخصك , أو مجرد التحرك نحو هدفك , كل ذلك يخلق إحساسا بالقوة والسلطة , إنه يرسل إلى دماغك رسالة بأنك في الواقع متحكم في حياتك وفي سعادتك , ببساطة , تحرك في الأتجاه الذي تريد أن تسير فيه , وستبتعد بشكل طبيعي عن الحالة اتي أنت فيها .



    3- كجزء من خطة عملك , ضمَن الكثير من المكافآت طوال تنفيذك لها , إنك لا تريد الأنتظار لحين الوصول إلى حلمك كي تمنح نفسك الأذن بالشعور بالسعادة ! عندما تصل إلى مرحلة هامة أو إلى موعد نهائي , إفعل شيئا لتحتفل , وكلما شعرت أفضل بشكل كتواصل , تقهقرت مشاعرك القديمة باليأس أكثر , وفي النهاية تتلاشى أثناء حصولك على خبرات أكثر وأكثر في تكوين أحلامك .

    واخيرا اختى فى الله غرام
    عاوز اعرف حاجة فى شنطة حمزة
    الخيار والجزر ؟؟؟
    فى شنطة فيها خيار وجزر كولو مقبول ماعدا الحاجتين دول
    ههههههههههههههه
    الحمد الله على كل شىء
    جيم فلاش = هوستينج العرب

  8. #8
    VIP Member

    الحالة
    غير متواجد
    تاريخ التسجيل
    Jul 2007
    الدولة
    Egypt
    العمر
    29
    Phone
    NOKIA E66
    المشاركات
    5,588
    الشكر
    2,468
    شُكر 5,451 فى 1,749 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    170

    افتراضي

    عـــــدم مقاطعة العضــــــو بالردود " يعني .. ممنوع أي أحــد يرد .. على الموضوع .. قبل مايقول

    العضو اللي معه المايك .. (( انتهيت ))

    الان التعليقات مفتوحة على ما قالتة الاخت غرام فمن لدية تعليق او سؤال فليتفضل مشكورا علما ان اخر ميعاد للتعليقات اليوم مساءا ومن ثم سوف يستضاف عضو جديد او ضيف جديد تقبلوا تحياتى
    جيم فلاش = هوستينج العرب

  9. #9
    .: جيماوي محترف :.
    الصورة الرمزية التجانى

    الحالة
    غير متواجد
    تاريخ التسجيل
    Mar 2008
    الدولة
    ((((gem-flash ))))
    Phone
    Sony Ericsson w880i
    المشاركات
    2,315
    الشكر
    1,148
    شُكر 1,325 فى 579 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    52

    افتراضي

    استمتع جدا بالقراءه اختى غرام وعن جدا كلام جميل ولا استطيع القول اكثر من ذلك
    اعتذر لقلة التواجد والمشاركه
    لظروف ضغط العمل

  10. #10
    .: جيماوي محترف :.
    الصورة الرمزية Abu Ahmed*GEM

    الحالة
    غير متواجد
    تاريخ التسجيل
    Sep 2007
    الدولة
    تركيا - اسطنبول
    Sonork
    100.1589366
    Phone
    s3 Neo
    المشاركات
    2,913
    الشكر
    9,414
    شُكر 3,099 فى 1,615 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    186

    افتراضي

    تعليقي هو:-

    أن الأخت غرومة لما اتكلمت اللي في داخلها ارتاحت

    وإن شاء الله تستفيد من نصايحك عماد باشا

    وأنا من عندي حابب أقولك أختي غرومة أنو ربنا سبحانه وتعالى قال في القرآن الكريم:

    ان الله لا يغير ما بقوم حتى يغيروا ما بأنفسهم صدق الله العظيم

    انت بس حضرتك انوي انو تغيري اللي في نفسك وان شاء الله ربنا هيعينك ويساعدك انو تتغيري ان شاء الله
    وانما الأعمال بالنيات طول ما انو تفكيرك ونيتك انو تتغيري حتتغيري بأذن الله
    (أنا كدا قصدي في الآية الكريمة)

    وكل انسان بتحصل معاه حالات صعبة وان شاء الله يتخطاها

    تقبلي مروري

    تحياتي لك
    التعديل الأخير تم بواسطة ELMASRY.7000 ; 21-05-2009 الساعة 01:45 PM سبب آخر: تصحيح الأية الكريمة

صفحة 1 من 17 1234511 ... الأخيرةالأخيرة

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •