و بــــــــــــدات الهلوســـــــــــــــــــه
موسيقي هادية في البداية
و انت ماشي في الشوارع
هتلاقي طوابير العيش
واخدة الطريق بالطول
و قدام شوية القهاوي
سدت الطريق بالعرض
تركب مواصلات تضرب
تنزل منها تتفـــــــــــرم
و صويت من هنــــــاك
ام محمد اكلت ودان ابو العيال
وابنهم محمد عامل دماغ طحن
عشان ينسي البت شفيقة
اللي قلبتة مع الواد ابو شفرولية
و عجـــــــــــــبي
وقفة و من اول السطر
ولو تقعد تقرا الجرنال
هتلاقي اللي قتل اخوة
عشان عطس في وشة
و اللي اغتصب بنت
عشان ماتش كورة
و اللي سرق بنـــــــــك
عشان يشحن الموبايل
و المدرس مش لاقي ياكل
و الرقاصة فتحت مدرسة
و الظابط طايح في الكل
و المواطن مشاكلة ملهاش حل
و زود الريتم
و اااااااااااية دنيا
و مبيدات سرطنوهــا
و فراخ عطسوهـــــا
و مية لوثـــوهــــــــا
و اللحمة غلوهــــــــا
و العملة غطسوهـــا
و البنوك و نهبوهـــا
و البلد باعوهــــــــا
و الشوارع نضفوها
ومواصلات فضوها
و التعليم ضربوة
و يقولك الواد طالع غبي لابوة
ارجع للريتم الهادي تاني
و لو تفتح التلفزيون
هتلاقي رئيس احتل دولة
عشان ابوة كان بيضربة
و ناس عمالة ترقص
عشان تخس شوية
و شعب بيموت كل يوم
لانهم كتير مش بيخلصوا
و يارب يخلي لينا الكورة
و تبقي طول السنة البطولة
و ساعتها محدش هيقول حقي يا ناس
مخلاص غلبنا و اخدنا الكاس
و تصريحات عمال علي بطال
و عضو مجلس الشعب مولعها نار
لانة زهق و مل من الاستهتار
قام الصبح ملقاش في دماغة اي قرار
و غيرة
و غيرة
و غيرة
وقف الموسيقي ....
و بصوت عالي ......
كل دة و عايشين
كل دة و صابرين
بس احيانا بتطلع مننا
شوية
هلـــــــــــــــــوســـــــــــــة ........
كبسه
the:end
المفضلات