هنا جميع تجارب متخصصين GeM-FLaSH

[عالم الديجيتال]

أهلا بكم أعضاء الجيم فلاش العريق
اليوم الموضوع من وجهة نظرى غاية فى الأهمية
وحبيت ان يكون الحكم للأعضاء وكل مسؤلى الجيم فلاش
هيكون الموضوع بتاعنا عن

جميع التجارب العملية التى قام بها المتخصصون

والمشكلات المهمة التى واجهتهم لأجهزة الموبايل الصينى
التى لم يلم أكبر متخصص فينا عن 60% من مشكلاتها
سواء Software & Hardware

حتى تعم الفائدة بين الجميع
فهذه لغة العالم المتحضر

وياريت يا جماعة وبكرر :
1- محدش يدخل يسأل عن حاجة فى الموضوع ده
2- عدم الرد على الأسئلة فى هذا الموضوع
لا من أعضاء ولا مسؤلين
3- اكثر حاجة ممكن تعملها اضغط على كلمة شكرا
لصاحب المشاركة

ع شان يكون شكل الموضوع جميل
ومرجع لأى حد يحتاجة فى يوم من الأيام

مع تحياتى وتقديرى للجميع
وبالتوفيق إن شاء الله
المرجو التثبيت إن كان الموضوع مهم

[عالم الديجيتال]

وأنا بإذن الله
هحط تجارب شخصية لهارد وير الصينى
علشان لسة مبتدىء فى السوفت
تحياتى

[عالم الديجيتال]

المشاركة الأولى
أستكشاف
(شاشات الموبايلات الصينى)
من خلال شغلى أكتشفت أن اى شاشة صينى تركب على أى موبايل صينى أخر
بمعنى لو كانت نفس الرجول اللى فى الشاشة تقابل رجول البوردة
ركبها علطول وهتشتغل
بس ممكن تقابلنا مشكلة ان الشاشة مقلوبة او شاشة بيضة
احتمال 80% تنحل بالسوفت و20% تركب شاشة اصلية نفس شاشة الجهاز
ولكن بالنسبة لـ n 82 الوضع يختلف كليا مع هذا الجهاز المحير
نظرا لكثرة اصداراته وتداول جميع انواعه واشكاله
لازم تركب شاشة الجهاز نفسة ولا يقبل شاشة أختها
حتى لا يتحير الأعضاء
دى بداية والقادم أجمل وأهم
تحياتى

[عالم الديجيتال]

المشاركة الثانية
رسالة خطأ
فى بوكس سبايدر مان
خاص بأجهزة النوع Spread
البوكس تعرف ع الجهاز
ويقبل سحبت الفلاشة
ويقبل بوووت
وكل حاجة
ولكن لما اجى انزله فلاشة جديدة
واضغط Start Flash
كما بالصورة
بتظهر رسالة خطأ
ويقول fIELD فى برنامج السبايدر
ولا يقبل الفلاش الجديد

الحل
قم باختيار الهارد وير المناسب من اعلى اليمين فى خانة
Choose Hardware Type
فى البرنامج
وسيعمل 1000%
تحياتى

[عالم الديجيتال]

المشاركة الثالثة
ملحوظة هامة
(مشكلة الشاشة البيضاء)
تواجهنا فى الأونة الأخيرة
مشكلة نعجز عن حلها بالرغم من سهولتها
جهاز كذا او كذا شاشة بيضاء
1- اذا كان الجهاز شغال تمام وبعدين جاب شاشة بيضاء
او بعد تنزيل سوفتوير او بعد الفورمات شاشة بيضاء ده بيبقى Software نزل فلاشة كويسة
2- اما اذا كان الجهاز وقع او اتخبط او جابت شاشة بيضاء بسبب ما
ده بيبقى Hardware تغير الشاشة
وهيشتغل على طول
تحياتى

[عالم الديجيتال]

المشاركة الرابعة
ملحوظة هامة
(مشكلة المكالمة بتفصل)
تواجهنا فى الأونة الأخيرة
مشكلة العدة بتفصل فى المكالمة
وخاصة فى اجهزة MTK ومنهم N82y & N95y بانواعهم
ده بيبقى Software نزل فلاشة كويسة
وهيشتغل على طول
تحياتى

[عالم الديجيتال]

المشاركة الخامسة
ملحوظة هامة
(مشكلة علامة الهاند فرى)
تواجهنا فى الأونة الأخيرة
مشكلة نعجز عن حلها بالرغم من سهولتها
جهاز صينى يظهر فيه علامة الهاند فرى
1- ده بيبقى سبب سوكت الشحن قم بتنظيفة او تغييره
2- اما لو سوكت الشحن سليم توجد مقاومة مكتوب عليها رقم 0
قم بتغييرها
وهييشتغل على طول
تحياتى

[Ahmed Fone]

المشاركة الثالثة

ملحوظة هامة
(مشكلة المكالمة بتفصل)
تواجهنا فى الأونة الأخيرة
مشكلة العدة بتفصل فى المكالمة
وخاصة فى اجهزة mtk ومنهم n82y & n95y بانواعهم
ده بيبقى software نزل فلاشة كويسة
وهيشتغل على طول

تحياتى

الاختلاف فى الرأى لايفسد
للود قضية
المشكلة دى كانت مجننانى
لكن للاسف دى هارد وير 95%
وعن تجربة 100%

[عالم الديجيتال]

الاختلاف فى الرأى لايفسد
للود قضية
المشكلة دى كانت مجننانى
لكن للاسف دى هارد وير 95%
وعن تجربة 100%

يا غالى انا بقول الموضوع ده للتجارب
وانا مجربه على اربع عدد
دى حاجة
ونجح 100000%
انا بتكلم لو بيفصل فى المكالمة
انما لو بيفصل فى المكالمة وبيفصل على طول
ده بيبقى تسخين على البروسيسور
نرجو التفهم
تقبل مرورى حبيبى

[سيد العربى]

[QUOTE=عالم الديجيتال;458033]

وأنا بإذن الله

هحط تجارب شخصية لهارد وير الصينى
علشان لسة مبتدىء فى السوفت

تحياتى
وان من تجاربى
n95y
من غير الشريحه شغال كويس تحط الشريحه يهنج جربت كل انواع الفلاشات ونفس العيب
الحل
سخنت عل الarm
بدون تحريك الجهاز ذى الفل