][ موضوع للمناقشه ][ جـــــواز صـــــالونات

[HerR.Mahdy]

مساء / صباح ... الفل والورد

جواز صالوانات دى الطريقه اللى كانت اجددنا بتتجوز بيها
واحد شاف واحده عجبته مبدئيا .. سال مجموعه من الاشخاص عن خلاقها العامه
عرف انها محترمه وبنت ناس ... قرر انه يتقدم لها وفعلا اخد اهله وراح اتقدم لها
واتقبل من اهلها لانهم سالوا عنه ولقيوا انه شاب محترم وابن ناس .. وهما مش عايزين لبنتهم غير كدا

بعد المقدمه دى
يا ترى انت تفضل/تفضلى الجواز بالطريقه دى ؟؟

يا ترى لو اتقدمت/ اتقدملك شاب(ه) وعملتوا خطوبه اثناء الخوطبه هتتكلم فى الماضى
ولا هتقول هيا مسؤله عن اى تصرف تعمله من يوم ما عرفتنى بس

وكمان يا ترى لو اثناء الخطوبه حبتوا تتصرحوا
وعرف واحد فيكم من التانى انه كان له ماضى ... وندم عليه هل يا ترى هتقبل بالوضع الحالى
ولا مش هتقدر تكمل معاها المشوار ...

منتظر ردكم واراكم علشان نتناقش فيها
- ملحوظه -
الموضوع مكتوب للمناقشه الجاده ... مش علشان حد يرد برد بعيد عن الواقع او رد سطحى
ومنتظر الردود الفعليه

[EL3OMDA]

السلام عليكم
ههههههههههه حبيبى انت بتحب وناوى وعاوز تشوف الردود ولا اية عشن تبقى فى الامان هههههههههه
خبيبى انا هاتكلم معك بصراحة شديدة وحسب شخصيتى فقط

يا ترى انت تفضل/تفضلى الجواز بالطريقه دى ؟؟

نعم حبببى والطريقة ماشية حتى الان وهى انسب طريقة والكل بيعملها حتى الان واديك مثال للسيناريو اللى بيحصل دايما مثلا اى شخص فى الكلية مثلا وهو قاعد مع اصحابة شاف اى بنت ماشية اتشد ليهها ممكن من تصرف عملته عجبه ممكن الجمال ممكن الاخلاق بس بالنسبة لى اهم شىء اهم شىء الاخلاق فبدا يسال عليها وجدت انها محترمة اخلاقها عالية وهتناسبة فى حياتة وهتصونة وهتصون اولادة فياخد القرار فورا فيتقدم لها وتتم الموافقة ..... ودة اجابة السؤال الاول بالنسبة لوجه نظرى الشخصية ....

[HerR.Mahdy]

ايه دا انت هتجرى فين
جاوب على باقى الموضوع


يا ترى لو اتقدمت/ اتقدملك شاب(ه) وعملتوا خطوبه اثناء الخوطبه هتتكلم فى الماضى
ولا هتقول هيا مسؤله عن اى تصرف تعمله من يوم ما عرفتنى بس

وكمان يا ترى لو اثناء الخطوبه حبتوا تتصرحوا
وعرف واحد فيكم من التانى انه كان له ماضى ... وندم عليه هل يا ترى هتقبل بالوضع الحالى
ولا مش هتقدر تكمل معاها المشوار ...

[EL3OMDA]

اتكلم بقى فى المرحلة التانية وهى الخطوبة

يا ترى لو اتقدمت/ اتقدملك شاب(ه) وعملتوا خطوبه اثناء الخوطبه هتتكلم فى الماضى
ولا هتقول هيا مسؤله عن اى تصرف تعمله من يوم ما عرفتنى بس

طبعا والمفروض اى شاب ميتكلمش فى الجزئية دى ولاكن بعدة عوامل ...اولا بدال انا واثق من البنت اللى هرتبط بيها وعارف ومتاكد تمام ان اخلاقها عالية جدا فاكيد مش هاتكلم معاها فى الجزئية دى ولا هسالها هل عندك ماضى ام لا لان الكلام فى الموضوع دة هياثر بالمستقبل بمعنى هتتمسك جزئية الماضى دى على الاخر لما يحصل زعل فاكيد االاموور دى هاتفتح وهايحصل عائق كبير .....
بس ارجع وانتقد دة يشترط على اخلاقها ومدى الثقة التى تثقها بيها ولاكن اكيد هقولها انا مش هتكلم على الماضى المهم انا انك تراعينى وتصونينى .....

[EL3OMDA]

المرحلة الثالثة وهى
وكمان يا ترى لو اثناء الخطوبه حبتوا تتصرحوا
وعرف واحد فيكم من التانى انه كان له ماضى ... وندم عليه هل يا ترى هتقبل بالوضع الحالى
ولا مش هتقدر تكمل معاها المشوار ...
بالطبع على حسب الماضى اللى اتعمل بمعنى وبكل صراحة لو نفرض انها لها ماضى مع شاب فى حدود الاحترام اكيد هاقبل الماضى دة فى حالة الندم علية بس طبعا انا قولت بالسابق انى مش هاسئل على الجزئية دى لاكن اذا كان الماضى يخل صورتها قدامى ويسىء سمعتى فى المستقبل فاكيد هانفصل بكل احترام

[HerR.Mahdy]

اها عجبتنى اجاباتك جدا يا عماد
واقعيه وصريحه جدا .. ومنتقيه
منتظر باقى الاراء