شرح مصور للبحث عن الـ Pinouts يدوياً (tx&rx). طريقة مجربة ومضمونه 100%.
كلنا مر علينا اجهزة صيني من فئة MTK وحاولنا التعامل معاها من خلال السوكت والعمليه فشلت بسبب ان نقاط التوصيل اساسا في بعض الموديلات دي بتكون على البورده مش في السوكيت.
ومن اكبر الأمثله على الموضوع ده الموديل N95-8G اللي مكتوب على ضهره RM-159 ودي صورته
وده اللي بيكون شبيه جدا لـ N95-8G الأصلي الي حد كبير جدا. بصرف النظر عن المكتوب على ضهره .
لذلك كان من الطبيعي اننا نلاقي طريقة نعتمد عليها في موضوع السيرش على البين اوت وفي نفس الوقت تكون فعالة في التعامل اثناء القراءة او الكتابه من والي التليفون .
وكانت بداية الموضوع ده بإننا كنا بندور على النقط في الصور على النت . وبعض الناس قالت احنا نجيب الموضوع ده بالقياس ومنهم اللي قال النقطة الفلانية بتجيب قياس 2.7 ومنهم قال لا دي بتجيب قياس 1.8 على الآفوميتر .
المهم انا هاشرح طريقة سهله انا عن نفسي بستخدمها وكتير من اللي اعرفهم بيستخدموها وشغاله مليون في المية. بدون أي مشاكل . وفي نفس الوقت سريعة ومريحة .
أولاً : من ملحقات بوكس السبايدر مان كابل اسمه UNIVERSAL CABLE او SPIDERMAN CABLEفي الإصدارات الجديدة من البوكس .
وده شكل الكابل :
وطبعا هو بيكون جاي مع البوكس اطرافه عبارة عن سلوك فقط .
ثانياً : احنا هانعمل تعديل بسيط جدا على الكابل بحيث اننا نستخدمه في البحث عن نقاط التوصيل (PIN OUTS) والقراءة والكتايه من والي التليفون .
وده عن طريق اننا هانطول السلوك شوية على حسب الرغبه . ونختار أي سلكين ونركب فيهم ابرتين ودول اللي هانستخدمهم في البحث . وسلكين تانين هانستخدمهم في اللحام على البورده اثناء التفليش او القراءة او أي اجراء هانعمله. وسلك احتياطي علشان الأرضي .... (ولو ان السلك ده مش بستخدمه ).
ودي صورة تبين شكل الكابل بعد التعديل الصغير اللي تم عليه . واللي ارجو من السادة مستوردي البوكس انهم يطالبوا بتعديله في المصنع قبل ما ييجي لينا . توفيراً في الوقت والمجهود . (ولو ان الموضوع مش بياخد وقت كبير يعني ).
ودي اطرافه بعد لحام الإبرتين فيهم علشان تعمل عن طريقهم البحث عن النقط .
بسم الله نبدأ العمل
مرحلة البحث عن نقاط التوصيل
اولا : المفروض اننا نكون فتحنا برنامج السبايدرمان وحددنا فئة MTK وضغطنا على SEARCH PHONE .
ثانيا : يتم توصيل سلكين الباور من البوكس في التليفون السالب في السالب والموجب في الموجب زي ما بنعمل كل مرة مع أي تليفون تاني
ثالثاً : طريقة توصيل الكابل في التليفون هايكون عن طريق الإبرتين وهايتم اختيار نقطتين نقطتين بالترتيب . لحد ما يلقط مع اتنين من الموجودين على البورده . وطبعا لازم نكون ضاغطين على زرار الباور في التليفون واحنا بنعمل السيرش (البحث) والمرحلة دي هي اللي هاتاخد وقت شوية . بس مضمونه 100%.
رابعاً : في حالة ان البوكس اتعرف على PINOUTS او (نقط الإرسال والإستقبال على البوردة) واتعرفنا على النقط واماكنها على البورده تمام . يتم لحام السلكين على البورده . والتعامل مع الجهاز سواء بالقراءة او بالتفليش او بالفورمات . (وطبعا احنا عاملين حسابنا وعندنا سلوك اضافيه علشان اللحام على البوردة) .
رد مع اقتباس
.gif)
المفضلات