أنا المصري
انا الغلبان اللى طالع عين ابوه فى الشارع
انا الغلبان ومش قادر اقول الاه من الاخر
انا الحيران ومش عارف اكون سامع
كلامكوا خرصنى ومش قادر اقول ايوه
واقول ليه وكله مش عارف يقول لأ
يا ويلكم يقوم ما اقول لأ
واتصالح على نفسى واشوف بكره
انا الغلبان لكنى اليوم انا الثائر
انا امبارح انا بكره اللى مش ليكوا
بقولها بقوة الايام مش ليكوا
ده بكره لابنى ولعمرى اللى مش فيكوا
انا امبارح وكنت جبان
لكنى اليوم انا الثائر
انا اللى بقول تعيش الارض وانت تهون
لاننا هونا فى الاخر
انا اللى بايدى ازرع ارض بلادى نخل جديد
ينور شوارعها اللى عششها الغراب والليل
هخلى الليل ينام يهرب ولا عمره يجيلنا عويل
انا اللى بايدى راح اجنى ثمار النخل وادوقه
وادوق كل اولادى واقول خلاص
المر راح يرحل يغور عنا
انا اللى بايدى راح ازرع فى قلب بلادى وردايه
وراح ارويها بدمايه
واشم ريحتها فى عيونى اللى شيلاها
وبالمرمر وبالمسك وبالعنبر
ازين كل شوارعها اللى جوايا
انا الفلاح انا الجندى انا الدكتور
انا اللى كان ولا كان وهيكون
باذن المولى راح نبقى
انا اللى صراخى جوايا
كسر كل حواجزكم
انا اللى دمايه
راح تروى شوارعكم
وراح تجرى ورا جبانكم
انا ضميركم
انا اللى باعلى صوت
وبقول يغور الحقد فى قلوبكم
رويتوه وسقيتوه
وجيتوا اليوم لتجنوه
لالالالا لالالالا
روحوا اجنوا بعيد فى خيالكم
انا الحق اللى مستنى يكون سيف على رقابكم
انا التلميذ انا الطالب انا الاستاذ
وهعلم على قلوبكم
انا المصرى ولا عمرى هبقى جبان
دانا مينا وجمال وسادات
انــــــــــــــــــا المصرى
المفضلات