مــــــــــرور أيـــــــــــــام
تمر أيامي زي لحظات
بدون ما أدري أمشيها
وألاقي سعادة الحبان
وأشوف الشوق يزيد فيها
واعيش معاك بالساعات
بدون ما أحس اماسيها
وألقى النار في قلبي
مع قلبك بطفيها
وأعيش الحب من نظرات
برمشة عين بناديها
طلبت رافع يدي
حروف لو تقوليها
حرف الباء أولها
وأيضاً ثالث فيها
حرف الحاء ثانيها
فبذكرالكاف تممتيها
سهرت ليالي للحبان
زي ساري الليل أسير بيها
وقفت كتير وبتأمل
وصبرت عشان ألاقيها
بغير من ضل ماشي معاك
بغير من نسمة شهقتيها
وبكتب ليك وبرسل ليك
اجمل كلمة قريتها
وبهدي ليك كلمة حب
حروف للعلة ما فيها
سلامي وحبي ليك ياقلب
ولهيب الشوق يهنيها