حمله لمقاطعه كروت الشحن

[AhMEd TOhAMY]

كل عام والجميع بالف خير

طبعا كلنا عارفين ازمه كروت الشحن اللى احنا فيها بقالنا فتره

وللاسف محدش بيتوجع دماغه غيرنا احنا مع الزبون ومع الحكومه كمان

ده غير قله القيمه والبهدله اللى اى حد مننا ممكن يشوفها زى مثلا

10000 جنيه غرامه وتروح النيابه

بيجو على الناس الغلابه اللى مش باديها حاجه

طيب شوفو الناس والحيتان الكبيره اللى مولعه الدنيا وطبق عليها الكلام ده

باختصار انا شايف ان احنا لازم نوقف بيع كروت الشحن وتحويل الرصيد

ودفع الفواتير والكلام ده لحين نزول سعر رسمى من الدوله معترف بيه

غير كدا احنا ممتنعين عن بيع الكروت

اللى عاوز يبيع برحته بس صدقنى علشان كام جنيه تلمهم ممكن تتبهدل يحصلك مشاكل انت فى غنى عنها

وياريت اللى هيقاطع يكتب على الفيس بوك انها مقاطع لازم صوتنا يوصلهم ويعرفو فعلا ان فى ازمه

تحياتى للجميع

[mohamed allam]

انا موقف والله
سايبين الكبير وبيفرمو فى الصغير

[MR.HaNy]

المحل عندى مقاطع الكروت بس شغال تحويل ولسه حالا بيفكر انه يلغى التحويل لحد اما نعرف راسنا من رجلينا
ومحل جنبى اتاخد بس الصراحه لانه كان جشع بيبع الكارت ب 13 جنيه فاتاخد ب 3 كروت

[EXplORer_70]

المشكله مش مع الحكومه المشكله فى الشعب

أزمه جديده ومفيش فيها اى جديد زى الدهب والدولار والغاز وووووووو.......!

وياترى الازمات الى قبل كدا اتحلت ابدا وتقبلنا الوضع وهنتقبل وضع الكروووت وكل ازمه هنتقبلها

يبقى مشكله شعب ولا مشكله حكومه ؟

[ابوكنزى]

عندك حق يا تهامي

انا مش شغال من يوم الوقفه

[HosaaM HasheM]

انا مقااااااااااااطع

[عمرو ألسويفى]

انا الحمد لله مش شغال كروت من اكتر من سنتين صيانه وبيع داخلى فقط والحمد لله

[ahmed el masry]

العيب على الجشع اللى احنا بقينا فيه الجوع علمنا ناكل بعض وللاسف فكرينها شطاره ومكسب وتجاره

اللعبه لعبه كبار واللى معاه فلوس هوه المسيطر الوحيد فى السوق


انا بشحن مصارى بنفس الاسعار عادى جدا

وبطلع بنفس الاسعار هوه نص جنيه

[محمد فهمى]

انا مقاطع من يومين

[ghost_0]

العيب فى الناس و جشعهم كله بقى بياكل فى كله الكبير بياكل فى الصغير و الصغير بياكل فى اللى اصغر منه و اللى بيجيله فرصه يمص فى دم التانى عشان يكسب مش بيتردد لحظه يعنى الكبير لما يرفع جنيه اللى اصغر منه بيرفع اتنين يعنى الحكومه تزود 10 % تلاقى التاجر بيزود 12% مع انه لو زود ال 10% بس ما فيش حاجه هتزيد لانه اصلا مزود 10 % من الاول لكن الطمع و الجشع هوه اللى بيعمل كدة العيب فينا قبل ما يبقى فى الحكومه و دة مش دفاع عن الحكمه انما دة اتهام للشعب يا ريت نفهم و نحس