يوميات رمضان الموسم الخامس (يوم لكل عضو)

[SALIHMOB]

بسم الله الرحمن الرحيم

كل سنه والامه الاسلاميه جميعا بخير

الموضوع باين من عنوانه ومن المواسم السابقه

يوميات رمضان (يوم لكل عضو ) الجزء الرابع

•·.·´¯`·.·• يوميات رمضان (يوم لكل عضو ) الجزء الثالث•·.·´¯`·.·•

•·.·´¯`·.·• يوميات رمضان (يوم لكل عضو ) الجزء الثاني •·.·´¯`·.·•

يوميات رمضان (يوم لكل عضو)

اصل اللعبة:-
التعرف اكثر علي عادات وتقاليد الاعضاء في رمضان من اكل وشرب وعادات وتقاليد ...الخ
الشروط:-
كل يوم نستضيف عضو يجاوب علي الاسئله ويختار العضو اللي بعده
الفائدة التي تعود علي الجميع من هذه الفضفضة هي معرفه الاشخاص الذين تتعامل معهم وكانك بالقرب منهم تعرف ما ياكلون ويشربون ....الخ هل توجد احلي من كده فائدة



علي الضيف ان يجاوب علي جميع الاسئله ويضيف اللي عاوزو

واهم حاجه يختار الضيف اللي بعدو بعد مراجعه اليوميات السابقه
لعدم اختيار الضيف مره ثانية

الاسئله

هذه الاسئله مجرد بداية لهذا الموضوع اليوم
وغير مقيدين بها فمن اراد اضافه اشياء اخري فاليفعل
نبدأ



* استعداداتك (ماذا فعلت كي تقابل هذا الشهر الكريم)؟

*أين أفطرت أول يوم في رمضان ؟

* لكل شخص طبق مفضل لديه ما هو طبقك المفضل.؟

*مشروبك المفضل.؟

*ماذا تفعل بشكل اساسي ويومي في شهر رمضان.؟

*هل تحافظ على صلاة التروايح والقيام ؟

*شي لا يجب الاستغناء عنه خلال شهر رمضان.؟

* شي تركته ولم تعد تفعله في رمضان ؟

*عند تثبيت شهر رمضان واعلان ان يوم غد اول ايام رمضان ماذا يكون احساسك؟.

*اشخاص تتمني ان تتناول معهم افطار رمضان.

* شخص افتقدته هذه السنه في رمضان ؟

* من اول شخص باركت له قدوم رمضان ؟

* مالجديد لديك في رمضان هذا العام ؟

* ما هي اضافتك لمائدة الافطار بالمنزل.

* ماذا تفضل (الافطار بالمنزل او مع الاصدقاء).

* تمت دعوتك الي مائدة الجيم فلاش الرمضانية ماذ ستحضر معك.

* ما هي عادات وتقاليد اهل المنطقة في رمضان والاكلات المفضله..

* سحور تحب يكون ثقيل او خفيف ؟ وماهو سحورك المفضل؟

* مواقف جميله مرت بك وانت صائم.

* ماذا تتمني في شهر رمضان المعظم.

* بماذا تبداء فطورك؟

* اتي اليك اعز صديق في رمضان ماذا تقدم له عند الافطار؟

* احساسك والعيد

* متضايق من حدي في المنتدي اعمل ليك معاه احلي واجب؟

شخص بالمنتدي تتمني ان تراه

ما هي اضافاتك للمنتدي هذا العام

مواقف طريفه مرت بك في المنتدي؟

موقف اتضايقت منه في المنتدي ؟


*نصيحة رمضانيه لرواد الموضوع وللمنتدي


*كلمة اخيرة في حق هذا الشهر العظيم



اقولك حاجه


انسي اللي فات كلو وقول اللي نفسك فيه


* تدبس مين بعدك

[SALIHMOB]

اول ضيوف رمضان معانا

said.kheirallah+



شرف يا بوب في انتظارك
ويا ريت تختار العضو اللي بعدك بعد مراجعه المواسم السابقه لعدم تكرار الضيوف

[SaiD_KHeirallaH]

ماشي يا ريس (صالح) تدبيسه وش يا معلم
رمضان كريم اخي وكل عام وانتم بخير


اجاباتي عن الاسئله حتكون بصراحه وصدق والدنيا رمضان

استعداداتك (ماذا فعلت كي تقابل هذا الشهر الكريم)؟
(اشتريت 50 كيلو مكرونه مشكل /100بيضه/ 50علبه زبادي
جردلين جبنه اسطمبولي/20علبه جبنه مشكل/شوالين دقيق/50كيلو سكر
غير التموين)
ههههههههههههههههههههههههههههههههههههههههه
بيت عيله يا جدعان والله وانا الكبير
ده انا االلي عملته بس غير اخواتي اصل انا علي السحور



أين أفطرت أول يوم في رمضان ؟
افطرت في البيت مينفعش غير كده وعموما العزومات بتكون في
النص التاني من الشهر الكريم (سلو بلدنا كده)
لكل شخص طبق مفضل لديه ما هو طبقك المفضل.؟
طبقي المفضل الفته باللحمه الضاني
(اصلا انا مفجوع)
هههههههههههههههههههههه

*مشروبك المفضل.؟

اي عصاير طبيعيه انا لا اشرب اي نوع عصاير محفوظهد

هل تحافظ على صلاة التروايح والقيام ؟
بصراحه التراويح حسب المعده لو مليانه بيبقي صلاه
العشا بالعافيه
شي تركته ولم تعد تفعله في رمضان ؟



الاعتكاف في اواخر الشهر الكريم

عند تثبيت شهر رمضان واعلان ان يوم غد اول ايام رمضان ماذا يكون احساسك؟

احساس بالراحه والبركه والخير الذي يعم ممن كل اتجاه

*اشخاص تتمني ان تتناول معهم افطار رمضان.

اصدقائي في الجيم فلاش كلهم بلا استثناء
بس اخص بالذكر
ابوميدو وحسام وابو لوجي وابو كنزي وصالح وزيزو
وابو حسام (عارف نفسه) لا بصراحه مش مكمل
اسماء كلكم والله نفسي افطر معاكم وخليها لوقتها عزومه عندي في البلد
ان شاء الله
شخص افتقدته هذه السنه في رمضان ؟
والدي العزيز (ابراهيم خيرالله ابراهيم)
ارجو ان تدعو له جميعا بالرحمه

من اول شخص باركت له قدوم رمضان ؟
بالطبع كان اعضاء الجيم فلاش والله
ثم اهل منزلي

مالجديد لديك في رمضان هذا العام ؟

تكييف الفريون يا معلم اوووووووووه
الصحراوي علمني الادب والله
ههههههههههههههههه

ما هي اضافتك لمائدة الافطار بالمنزل.
العصاير اللي هما بيحبوها


ماذا تفضل (الافطار بالمنزل او مع الاصدقاء).

مش بتفرق قوي في ايام كتير كنت بافطر في المحل
بس اكيد بكمل في البيت

تمت دعوتك الي مائدة الجيم فلاش الرمضانية ماذ ستحضر معك.
للجيم فلاش اجيب سيرفر كبيييييييييييييييييييييييير فيه كل حاجه من الابره
للصاروخ في عالم المحمول
ولاعضاء الجيم احلي صينيه كنافه بالسمن البلدي (الاصلي مش بتاع الاعلانات)



ما هي عادات وتقاليد اهل المنطقة في رمضان والاكلات المفضله..
التجمع العائلي في الوجبات
كله يصلي في الجامع
الزيينات والتجمع امام المنزل للتسليه وانتظار السحور
والاطفال كلهم يلعبو في الشارع

اما الاكل فممكن تلاقي كل حاجه علي صينيه واحده

* بماذا تبداء فطورك؟
البلح باللبن



اتي اليك اعز صديق في رمضان ماذا تقدم له عند الافطار؟قول ايه مش حاعمله



* احساسك والعيد
بحس اني اخيرا ممكن اخد يومين تلاته من غير صداع المحلات


* متضايق من حدي في المنتدي اعمل ليك معاه احلي واجب؟
شخص مخنوق منه...............
ده مسنوووووووووووووود.........قوي قوي
ههههههههههههههههههههههههههههههههههههه



وبرضه حبيبي ونفسي افطر معاه

شخص بالمنتدي تتمني ان تراه

(راؤؤل)


*نصيحة رمضانيه لرواد الموضوع
كلووووووووووو كتيييييييييييير
ومتشربوشششششششششش كتيير

واظبوا علي الصلاه والصيام فانها ايام لا تعوض


اللهم بارك لنا في هذا الشهر الكريم جميعا وبارك لنا في مصر واكرمها بالامن
والامان وفك كرب اهلنا واخوتنا في سوريا واليمن وليبيا والعراق وفلسطين
واكرمنا كل اهل الووطن العربي من مسلمين ومسيحين بالسلام والامن
والعدل


اما عن التدبيس فعندي اختيارين
معلش لو الاول كان ضيف يبقي التاني

الاختيار الاول

Mohammed_Awwad

.:عضو مرشح لاشراف في قسم BST DONGLE :.

الاختيار الثاني


Adel Soft

مرشح للاشراف فى قسم البوكسات المكسورة الحماية

[SALIHMOB]

شخص بالمنتدي تتمني ان تراه

(راؤؤل)

هو متين راوؤل بقي بالاحمر يا جدعان
غير اللون قبل ما اغير لونك

said.kheirallah

اما عن التدبيس فعندي اختيارين
معلش لو الاول كان ضيف يبقي التاني

الاختيار الاول

Mohammed_Awwad


.:عضو مرشح لاشراف في قسم BST DONGLE :.

الاختيار الثاني


Adel Soft

مرشح للاشراف فى قسم البوكسات المكسورة الحماية

اتفضلو يا جدعان انا عاوزكم الاثنين

[3llam]

كل عام واانتم بخير
فيك الخير والله يا اخ صالح
موضوع خمس نجوم مثل كل عام
*****

[SALIHMOB]

كل عام واانتم بخير
فيك الخير والله يا اخ صالح
موضوع خمس نجوم مثل كل عام
*****

خمس نجوم بس يا مفتري

خمس نجوم في خمس سنين

رمضان كريم يا غالي

[Adel Soft]

ماشي يا سعيد حبيبي تدبيسه بس عادي انا فاطر مش هازعل
رمضان كريم


استعداداتك (ماذا فعلت كي تقابل هذا الشهر الكريم)؟
حضرت السرير والمصحف


أين أفطرت أول يوم في رمضان ؟
المهم افطر في البيت مع حبيبتي ندى بنتي
لكل شخص طبق مفضل لديه ما هو طبقك المفضل.؟
الفراخ بحس اني هايطلعلي ريش ربنا يسترها

*مشروبك المفضل.؟

الشاي

هل تحافظ على صلاة التروايح والقيام ؟
ربنا يعينا عليها ويقوينا
شي تركته ولم تعد تفعله في رمضان ؟



فانوس رمضان

عند تثبيت شهر رمضان واعلان ان يوم غد اول ايام رمضان ماذا يكون احساسك؟

باكل كتير هههههههههههههههه

*اشخاص تتمني ان تتناول معهم افطار رمضان.

كل اهل الجيم فلاش
شخص افتقدته هذه السنه في رمضان ؟
صديقي العزيز صلاح عبد الونيس الله يرحمه شريكي في المحل القديم
من اول شخص باركت له قدوم رمضان ؟
كل الجيم وأهلي
مالجديد لديك في رمضان هذا العام ؟

بنتي ندى ربنا يخليها
ما هي اضافتك لمائدة الافطار بالمنزل.
المروحه


ماذا تفضل (الافطار بالمنزل او مع الاصدقاء).

اي حاجه المهم افطر هههههههه
تمت دعوتك الي مائدة الجيم فلاش الرمضانية ماذ ستحضر معك.
هاجيب البوكسات معايا عشان افعلها هههههههههههههههههههههههههه واللاب


ما هي عادات وتقاليد اهل المنطقة في رمضان والاكلات المفضله..
افضل شيء عندى الرز والشوربه واللمه وبنتي بتلعب في الاكل وبس يابنت تقولي لأ الكلمة الوحيده اللي اتعلمتها نأه

* بماذا تبداء فطورك؟
بالتمر ودعوه لبنتي



اتي اليك اعز صديق في رمضان ماذا تقدم له عند الافطار؟

المصحف نقرا فيه مع بعض ونصلي المغرب والفطار ملحوء عليه ههههههههههه


* احساسك والعيد
احلي عيد مع حبيبتي بنتي ندى ربنا يخليهالي


* متضايق من حدي في المنتدي اعمل ليك معاه احلي واجب؟
ربنا مايجيب مضايقه مع اي حد احنا في رمضان رمضان كريم
شخص بالمنتدي تتمني ان تراه

HosaaM HasheM

وطبعا كل اعضاء المنتدى خاصة said.kheirallah عشان هو دبسني ادبسه في اي حاجه ساقعه


*نصيحة رمضانيه لرواد الموضوع

ناموا في البيت عشان منتخانئش مع الزباين

واقتباس من اخي said.kheirallah

واظبوا علي الصلاه والصيام فانها ايام لا تعوض


اللهم بارك لنا في هذا الشهر الكريم جميعا وبارك لنا في مصر واكرمها بالامن
والامان وفك كرب اهلنا واخوتنا في سوريا واليمن وليبيا والعراق وفلسطين
واكرمنا كل اهل الووطن العربي من مسلمين ومسيحين بالسلام والامن
والعدل


اما عن التدبيس فهو اللي انا عايز اقابله



HosaaM HasheM



.:مشرف مساعد قسم الايزي جيتاج:.

كت المعلم كان متواجد من شويه


وعايزين


Mohammed_Awwad


.:عضو مرشح لاشراف في قسم BST DONGLE :.

[SALIHMOB]

ربنا يخليلك بنتك ندي يا رب

حسام ما ينفع يتدبس شوف حد غيرو

مشكور يا غالي

[LYON]

في انتظار....
الا بعده

[Mohammed_Awwad]

ماااااااااااشي يا سعيد
تدبيسه تدبيسه

بس الأول كل سنه وانت طيب وكل الأعضاء والمشرفين بخير وسلام

---------------------

*أين أفطرت أول يوم في رمضان ؟

اكيييييييييييييييييد في البيت . ومافيش أحلى من البيت والأولاد (عبدالله 12 سنه - محمود 9 سنين - روجين 2 سنه)

الطبق المفضل : الصلطه اهم عندي من الأكل نفسه وطبعا مافيش حد بيعرف ياكل اصلا في رمضان . انا بقعد اشرف في ميه وعصائر لغايه ما اشبع
والمشروب المفضل أكييييييييييييد العرقسوس (مع انو غلط عليه) بس هو شر لابد منه

*هل تحافظ على صلاة التروايح والقيام ؟
بصراحه مش مداوم على صلاة التراويح ولكن الحمد لله مداوم على الخمس فروض

*عند تثبيت شهر رمضان واعلان ان يوم غد اول ايام رمضان ماذا يكون احساسك؟.

اكيد الأحاسيس والروحانيات بتكون مرتفعه جدا بمجرد انك تعرف ان رمضان بكره

*اشخاص تتمني ان تتناول معهم افطار رمضان.
said.kheirallah
علشان هو اللي دبسني التدبيسه دي
ههههههههههههه

* شخص افتقدته هذه السنه في رمضان ؟
هو شخص افتقده مش بس السنه دي بس من اربع سنوات
هو (الحاج إيهاب العربي) شريكي رحمة الله عليه


* مالجديد لديك في رمضان هذا العام ؟

بصراحه مافيش اي جديد ( بس الجديد بيكون عند الأولاد وهي بتكبر قدام عنيك وهم بيعملوا الزينه بتاعت رمضان والذي منو )

* ماذا تفضل (الافطار بالمنزل او مع الاصدقاء).

أكيد في المنزل


* تمت دعوتك الي مائدة الجيم فلاش الرمضانية ماذ ستحضر معك.

طبعا سوف احضر ( لأن بجد الصحبه ومعرفة الاشخاص حاجه جميله جدا ) زي المجموعة اللي قابلتهم في عيد ميلاد الجيم . بجد اتشرفت بمعرفتهم


* سحور تحب يكون ثقيل او خفيف ؟ وماهو سحورك المفضل؟

أهو دي بقى أهم حاجه ( لأن هي دي الوجبه الرئيسيه بالنسبه لي ) مش شرط تكون تقيله
واساسي فيها الذبادي بس يكون معمول في البيت

* ماذا تتمني في شهر رمضان المعظم.
اتمنى من الله التوبة المغفره (اللهم بلغنا رمضان


* اتي اليك اعز صديق في رمضان ماذا تقدم له عند الافطار؟

هأكلو أكل سمك من اللي ياكل صوابعو وراها

* احساسك والعيد

أكيد الإحساس بالعيد بالنسبه لي مبقاش زي الأول وبيتضائل كل سنه عن التانيه . بس الواحد بيكون سعيد بفرحة الأولاد بالعيد


* متضايق من حدي في المنتدي اعمل ليك معاه احلي واجب؟

بصراحه مافيش حد (الحمد لله ماشوفتش حد مش كويس في الممنتدى)

شخص بالمنتدي تتمني ان تراه
صديقي القديم من 2007 وماشوفتوش خالص

• ahmedana أو أبو عمر

مواقف طريفه مرت بك في المنتدي؟

لما حد يكون عامل موضوع عن مشكله هو وصل لحلها . وادخل أقوله اعمل كذا وكذا . وهو اصلا بيشرح حل المشكله بس انا اللي مكنتش فاهم
ههههههههههههه

*نصيحة رمضانيه لرواد الموضوع وللمنتدي

راعي ضميرك سواء في رمضان أو غير رمضان


*كلمة اخيرة في حق هذا الشهر العظيم

اللهم بلغنا رمضان وأياكم

* تدبس مين بعدك

ابن خالتي واخويه الكبير

• baziedb

والثاني

NUOR_GSM SYRIA