1 - الكيتوفان و الباي الكوفان و البروفين و اخواتهم شغالين عادي للصداع و السخونية ووجع الجسم يعني مش لازم تقولي عايز واحدة كيتوفان للصداع و واحد من ابو نص جنيه للسنان و بروفين للسخونية .. اي واحدة في التلاتة حتخلص الليلة دي
2- والله العظيم تلاتة الكتافاست مش بيفور .. ولما ما يفورش معاك ماترجعليش بالكيس فاضي و الكوباية مليانة مية و تحت بودرة وتقولي الدواء بتاعك مضروب و بايظ
3 - عليا الطلاق بالتلاتة برضه الكتافاست بيتدوب وبيتشرب عشان وجع السنان مش بيتمضض بيه ...
ازاي يادكتور ؟ اه وحياة تيتة في تربتها ... ربنا قادر على كل شئ تشرب الدواء و سنانك اللي تخف ... لا سحر ولا شعوذة
4 - بالنسبة للفوراديل و الميفلونيد مش بيتبلعوا .. واللعبة البلاستك اللي بتيجي معاهم مش حاطينها عشان تزمر بيها .. دي بخاخة عشان تحط فيها الكبسولة و تضغط و تشد .. سالخييييييييييييييييييييير
5 - الكالامييل حبيب الملايين ... عارف ان طعمه وحش و الواد مش بيحب طعمه ... طبعا طعمه زي الزفت على دماغك يا ولية يا هبلة ياللي بتشربيه للواد ... الكالاميل بيندهن على الجسم ...
اه والله اه والله اه والله
6 - لما تروح لدكتور ديلر و تترزع 200 لحلوح كشف و تيجي تتشطر عليا و تقولي اعملي خصم حتسمع رد لا يليق اني اذكره على الملأ ... لما انت مفتح اوي وشاطر روح للدكتور قوله اعملي خصم 10 % وخلي الكشف 180 وهدفع 80 و الباقي اول الشهر يا راجل يا تيت :@
7 - لما تجيلي و تشتكيلي من اعراض عندك واطلعلك دواء OTC و تقولي يا دك
تور بس ما يكونش البديل .. ده معناه حاجة من الاتنين .. يا اما حضرتك تيييت يا اما حضرتك تيييييييييييييت
8 - الشركة اللي بتصنع مجموعة البرد اللي في الكيس الصغير شالت منها كبسولة المضاد الحيوي .. ال product manger بتاع مجموعة البرد حضر مؤتمر برة ورجع قالنا شيلوا الكبسولة و احنا بنسمع الكلام
9 - السيفامول و فيتاسيد و اخواته من eff. tablet عارف انها كبيرة و بتوقف في زورك و بتزغزغك لما تبلعها ... عندي ليك حل فظيع لسه مكتشفه حالا و هروح بكرة اسجله بإسمي كبراءة اختراع ....
قبل ما تبلع القرص دوبه في مية ... جربها و هتعجبك.
10 - عيب اوي اما اطلعلك دواء ولما تمشي تعمل مفتح وتروح تقرأ النشرة و تيجي تسمعهالي ...
النشرات دي كنا بنبعتها لبعض جوابات غرامية ايام الكلية ، لما تيجي وتعمل مفتح عشان ترجع الدواء ... قول مش عايزه وانا هرجعهولك بس ما تعملش مفتح عليا في الدواء ( داخل حارة المكسحين بيعرج ).
11 - لما يبقى ابن خالك دكتور و رئيس قسم في جامعة هيلابيلا في امريكا ... و جوز عمك تخصص انف و باطنة و جلدية في كندا ابقى اسألهم قبل ما تجيلي مش
بعد ما تصرف الدواء تقولي انا كلمت قريبي و قالي بلاش الدواء
المفضلات