.gif)
تفليش التليفونات الصيني ببوكس الجاف أو التورنيدو. وهم أم حقيقة؟
أتسألت كتير أوي السؤال دا
ينفع أفلش أو أفرمط تليفون صيني ببوكس الجاف أو التورنيدو؟
طبيعي الرد بيبقى لا مينفعش
طبعاً بيتقال إزاي مينفعش وانا سمعت عن مواضيع عناوينها تنزيل سوفت للصيني باستخدام التورنيدو أو الجاف
طبعاً إلي سأل سأل على أساس أن هل بوكس التورنيدو والجاف بيدعم التليفونات الصيني زي ما بيدعم النوكياً؟
طبعاً الأجابة لا مش بيدعم
لكن كل المواضيع إلي مكتوبة مكتوبة على أساس أستخدام البوكس (كاكوم) فقط لا غير واستخدام برنامج السبايدر الكراك في العملية
وأنا بعتبر أن أستخدام التورنيدو والجاف كا كوم زي موضوع ودنك منين يا جحا
يعني مالهاش أي لازمة
يعني أي كابل كوم أقدر أستخدمة زية زي قصة التورنيدو والجاف
لكن في الصيني العبرة مش في الكابل لان الكابل سهل جداً أجيبة العبرة في الـ rx و الـ tx و الـ gnd الخاصة بكل تليفون
يعني مش معقولة هجيب كابل كوم بثلاث أطراف واقعد أدور على الـ rx و الـ tx و الـ gnd الخاصة بالتليفون وألحم فيهم وكلام كبير كدة
يعني مثلاً لو جالي تليفون أني كول هجيب السوكت بتاعة دا منين ولا هفتح وأدور على البنات بتاعتة
يعني موضوع البوكس دا كلام كدة لكن عملياً مش عملي لان بديلة رخيص كتير وبرضك مش عملي
يعني إلي هيعملة عايزلة ساعتين في كل تليفون ولازم يكون مستواة متقدم
عشان كدة نقدر نقول
أفضل حاجة للصيني أنه يبقى عندك بوكس عشان البنات
بالتوفيق
أيمن الحضراوي
رد مع اقتباس
.gif)
المفضلات