أنا والنجوم وهواااك ... بكل الحب هنتكلم عن الحب .. متجدد

[omnia_kazem]

طبعا كلنا عارفين البرنامج الاذاعى الشهير جدا
انا والنجوم وهواك

بصراحة شفتهم عملوها فى منتدى

وعجبتنى جدا

قلت ايه المانع انها تبقى موضوع كامل بيتكلم عن الحب وكل مشاكله هنناقش كل المواضيع المتعلقة بالحب

كل اسبوع هنتكلم ونتناقش فى موضوع جديد

وهنفضفض مع بعض

واللى عنده اى مشكلة عاطفيه يطرحها هنا معانا ونناقشة فيها ونحاول نحلها واللى عنده كمان اى مقترحات لمواضيع عاوزنا نتكلم فيها الحلقات اللى جاية يقلهالنا


((((((والموضوع ده اهداااء خااااص جداااا ل... zabado*gsm )))
انا عرفت انو بيحب البرنامج ده اوى

ويارب الموضوع ينال اعجابكم
نبتدى بأول حلقة

واول موضوع

v
v
v
v

v

حلقه النهارده حلقه مميزة جدا ومحتاجه نقاش كبير ومحتاجين نسمع اراء

بعض فيه ونعرف ان كان حقيقه ولا وهم ان كان ممكن نمحيه من قلبنا وعقلنا

ولا لأ

ممكن نعيش عليه ولا لأ

حلقة النهاردة عن

....

الحب الأول

تشعر أنك ولدت من جديد
تشعر انك طفل فى ليلة العيد
تشعر انك لأول مرة ترتدى ثوبا جديد
أنه الحب الاول
اول ابتسامة نابعة من القلب
اول لمسة يقشعر لها بدنك
اول كلمة ( بحبك )تقلب كيانك كله
تشعر انك

...

تكتشف الحياة لأول مرة
تشعر بالاشياء لأول مرة
تشعر بنفسك لأول مرة
تعيش لأول مرة

لماذااااا؟؟؟

لأنه الحب الأول

الحب الأول

أنه أول ما شعر به القلب أول من ضعفت له النفس أول من طرق باب القلب ففتحت له الابواب بصدر رحب الحب الاول الشعور الجميل البرىء

اللى كان لسه ميعرفش أى حاجه وحشه لا نفاق ولا لعب بالمشاعر

الحب بأخلاص بوفاء بنيه صافيه لمجرد أنك حبيت الشخص ده وخلاص بعيوبه بمميزاته بكل حاجه فيه

الحب الاول
أنه أول طارق على باب القلب ، قبله كنا لا نعرف عنه أى شئ ، لا نعرف شكله ولا نعرف شئ عن زيارته لنا أثناء الليل أو عند غروب الشمس .. هو الأجمل والأعنف أنه " الحب الأول " الذى عندما نسمع هذه الكلمة أو نقرأها تهتز قلوبنا ونسبح فى خيال واسع الى تلك الأيام الجميلة حيث المشاعر النبيلة التى لم تلوثها الأيام
نتذكر عندما كنا نسهر الليل فى كتابة خطاب غرامى ثم تلقى به فى طريق من تحب فتأخذه بعد أن تلتفت يميناً ويساراً ، أو عندما نعترض طريقه كى تلتقى العين بالعين ونتبادل الأبتسامات بعفوية بمشاعر صادقة قلما تجدها
أنه الحب الوحيد الذى نلجأ اليه فى أوقات اليأس والحزن
ولكن هل هو وهم أم حقيقة يقول أبو تمام
نقل فؤادك حيث شئت من الهوى ** ما الحب الا للحبيب الأول
كم منزل فى الأرض يألفه الفتى ** وحنينه أبداً لأول منزل
كلنا يعرف هذه الأبيات لكن ما مدى صحتها البعض يراها وهماً والعض يراها حقيقة
ناقش إحسان عبد القدوس هذا الأمر فقال " فى حياة كل منا وهم جميل يسمى: الحب الأول . لاتصدق .. فإن حبك الأول هو حبك الأخير





يا قلبى هى مره بنتلاقى فى العمر مره ومهما نحب تانى مبننساش حبيبى الاولانى صعب فى يوم يرجعلى تانى بس مهما يكون نسينى مبنساش...


(حبيبى الاولانى )فعلا اول حب فى حياتنا عمرنا ما بننساه ممكن نحب بعده ممكن نعيش بعده بس ننساه مش ممكن يمكن الأغنيه دى واللى انا اخترتها انى اكتبها بتمسنى اوى
اكيد كل واحد منا ليه فى حياته حب اول فى ناس لسه مستمر وربنا يكتبلهم الاستمرار يارب مدى الحياه وفى ناس انتهى وعايشين عليه وفى ناس منسهوش بس حبه بعده

يعتقد البعض أن ذكرى الحب الأول لن تمحوها الأيام ولا السنين. والبعض ينظر إليه على أنه مجرد وهم طفولى، ومشاعر مراهقة طبيعية يمر بها الإنسان. البعض يعيش على الذكرى ويتمنى لو عادت به الأيام، والبعض يحاول أن ينسى تلك الذكريات ويعتبرها ماض انتهى ولن يعود.
عايزة اعرف كل عضو هنا رأيه فى الحب الأول ولو يقدر يذكر لنا أول حب فى حياته أول ما دق القلب
وممكن نحب تانى وتالت ولا الحب مره واحده فى العمر

انا رأى ان الحب الأول مش وهم لا ده حقيقه وكلنا شعرنا بيه يمكن لما نشوف اول شخص حبناه بنحس بيه وبيدق قلبنا
بس كمان الحياه عمرها ما هتقف عنده وأن ممكن يكون أول حب لكن مش الحب الحقيقى
لأن لو انتهى ميبقاش حب حقيقى وانا من وجهت نظرى ان الحب الحقيقى هو الحب الأخير اللى بكمل معاه حياته وهعيش معاه عمرى واللى هقدره ويقدرنى واللى هيكون عندى اطفال منه
ممكن ناس تعارضنى وممكن ناس توافقنى


هل صحيح أننا لا يمكن أن ننسى الحب الأول وأننا سنتذكره طول العمر أم سيختفى رويداً رويداً مع مرور الوقت؟
وهل نظل الى الشوق والحنين للحب الأول ، أم هل هو وهم من وحى خيالنا؟
وهل الحب الأول يؤثر فينا وفى انطباعتنا هل تشعر بالحنين له ؟
وأى حد عنده كلام نفسه يفضفض فضفض هنا اتكلم هنا هنسمعك وهنساعدك وهنحط ايدينا فى ايديك
مستنية مشاركتكم فى المناقشة

[GHOST]

تسلمي امنيه علي الموضوع الرائع

من رائي الحب الاول اكيد كل منا بيعيشه بكل احساسه ومشاعره لانها اول تجربه يمر بها

بس عمر الانسان ما بيقف عند حبه الاول ... الحياه تجارب لازم نعيشها ونجرب ونحاول عمرنا

ما هنقف علي وهم الحب الاول .. اينعم ممكن الواحد يفتكر الحب الاول لانه ما بيتنسي بس

لازم نعيش حياتنا ... الحياه عمرها ما بتقف علي تجارب الحب الاول او كون الانسان حب بصدق

واخلاص هو بيبقي ليه مذاق جميل جدا جدا .. بس الظروف والتجارب في حياتنا بتخلينا نكمل

انا حبيت بصدق واخلاص وما زلت اعيش علي ذكري حبي لها ولكن .............


موضوع جميل امنيه .... لكي ارق تحياتي

[omnia_kazem]

تسلم يا قمر

واهلا بيك اول مشارك فى حلقتنا

وطبعا محدش يقدر يقول انو الحياة هتقف عند الحب ده
بس هو مش بيتنسى دايما بيبقى معلق فى ذهننا

ليه بقى واشمعنى الحب ده بالذات
هو ده اللى عاوزين نعرفه منكم

مستنياكم

[GHOST]

الحب الاول عمره ما يتنسي لانه اول حالة حب يمر بها الانسان واول تجربه عاطفيه بتكون

زي الطفل الرضيع الذي يحتاج لحنان امه ... كذلك الانسان منا عندما يتعلق بحبه الاول الذي

اعطاه الحب والحنان الدائم .... ثم ينقطع عنه بسبب ظروف الحياه الاليمه ويعيش يتذكر الحب

والحنان والعطاء الدائم الذي عاشوا فيه وقضوا احلي اوقاتهم وكل مكان ذهبوا فيه عندما يتذكر

الانسان كل هذا او بمجرد انه ذهب لنفس المكان الذي جلسوا فيه ويتذكر هذا ما حدث بينهم

او ينظر من حوله ويدري بان ما احبها بجانبه ولكن لا يستطيع ان يتكلم او يفعل شئ يلفت

نظرها له هذا هو الحب الاول الذي لا ينساه اي منا مهما كانت الظروف ولكن حياتنا تجبرنا

علي ذلك

[MiNa*GSM]

شكرا اختى امنيه على الموضوع الجميل وعلى الهدية

بالنسبه لوجهة نظرى بالنسبه للحب الاول : بالنسبة لاى احد هو عامل زى الاب او الام بالنسبة لاول موليد بيخد كل حاجه الحب والحنان والاهتمام والخوف الدائم علي الموليد لانه بيكون فرحة كبيرة ليهم .... كذلك الحب الاول بالنسبة للولد او للبنت بيبقى فى الاهتمام والحنان والخوف الدائم على الطرف الاخر

[Tarek On]

تسلم ايدك يا أمنية موضوع جميل وتنسيق اجمل
وليا عودة اخرى ...

انتظري عودتي هاهاهاهاهاهاها

[NOUR*GSM SYRIA]

الحب الطاهر الشريف يبقى مابقي الحب ، والحب ذو الغرض ينقضي بانقضائه
إن المرأة لا تهزأ من الحب ، ولا تسخر من الوفاء الا بعد أن , يخيب الرجل آمالها
المرأةالتي تفقد حبيبها : امرأة احبت
والمرأة التي تحتفظ بحبيبها امرأة اتقنت فن الحب
عندما تنام كل العيون ، تظل عيون الحب وحدها ساهرة
الشباب يدوم ساعة ، والجمال عمره كعمر الزهور
أما الحب فذلك هو الجوهرة التي تومض الى الأبد
الحب لا يعرف كلمة " لا "
كثيراً ما تنتهي الصداقة بالحب ، ولكن لايمكن للحب أن،ينتهي , بصداقة
وجد الحب لسعادة القليلين ، ولشقاء الكثيرين
ربماكان من الخير أن تحب بعقل وروية ، ولكن من الممتع حقاًأن تحب بجنون
الحب شعلة نار تدخل النفوس فتشعلها ، ويظهر لمعانها من , خلال العيون
ليس للدهر سلطان على الحب
عتاب المحبين كمطر الصيف ، يمضي سريعاً ، ويترك الدنيا أكثر نضارةً وجمالاً
الحب الذي ينتهي ليس حباً حقيقياً
احببته حتى انتحرت حروف عشقى على اعتاب البوح
علامةالحب : أن تقبل على حبيبك عند اقباله عليك ، وادباره عنك
يحب , الرجل عن طريق عينيه ، اما المرأة عن طريق اذنيها
موضوع جميل من اخت قد طرقت ابواب مشاعرنا وحركت كيان مشاعرنا
من منا لم يذق طعم الحب
احاسيس رسمت من خلال موضوعنا فلكل منا هفوة حب قد رسمت له

لكل منا قصت عشقه التي مرت به فليكن موضوع عنا ط

زكرى لتلك الايام التي عشناها اكانت وردة حمراء اما كانت شوكت تنزع قلوبنا

[أبو ملك]

موضوع فى منتهى الابداع
الف شكر

[GhArOmA]

ايوة كدة
لعلعى يا امنية يا منير
ههههههههههههههههههههه


المهم بقى نتكلم ف الموضوع
بصى ياقمر
الحب الاول من اسمى انواع الحب لانه بيبقى حب كل حاجة فيه اول مرة
اول مرة الاحساس بمشاعر حلوة
اول مرة لمسة ايد باحساس
اول مرة كلمة بحب بمعنى الحب مش كلمة عادية او اخوية
اول مرة نظرة عين مختلفة
كل حواسك بتبقى منتبهه لاول مرة لكل حاجة

لكن فيه ناس كتير بتتوهم الحب الاول دة واما يجى الحب الحقيقى تكتشف انها ولا عمرها عاشت حب من اساسه
ناس ممكن تعيش تجربة واتنين وعشرة لكن دة كله اهدار لمشاعرها
وهى ف الحقيقة ولا عمرها قابلت الحب الاول ولا حبت بجد قبل كدة
لكنها اوهام وبس
وتفضل طول العمر تدور على الحب الحقيقى
وساعتها هو دة اللى مش ممكن يتنسى
لكن اى حاجة تانيه غير كدة اكيد هتتنسى وتتمحى كمان

[KaTy 3G]

اه جيتى على الجرح و دستى عليه

الحب الاول اللى مش بيتنسى استحاله

انا عرفت بعد الحب الاول بنات كتير و منهم اللى انا كنت اول حب فى حياتهم

بس للاسف معرفتش احب ولا واحده

و موضوع متميز يا امنيه و لو عايزانى اجيب لك حلقات اسامه منير حلقه بحلقه انا تحا امرك

على فكره انا اعرف اسامه معرفه شخصيه جداااااااااااا