حكاية بلدياتنا مع البنت الاستايل

**GhArOmA** · 04-12-2008, 12:42 AM

علبة كريم بامبرز ب 25 جنيه

ههههههههههههههههههههههههه
لا دى جامدة جدا بجد
اكيد هتبقى تحفة ف شرم

**HerR.Mahdy** · 04-12-2008, 01:11 PM

المشاركة الأصلية كتبت بواسطة غرام

ههههههههههههههههههههههههه
لا دى جامدة جدا بجد
اكيد هتبقى تحفة ف شرم

هتشوفى دلوقتى
داحمد هيشرفنا فى شرم الشيخ
هههههههههههههههههههههه

**HerR.Mahdy** · 04-12-2008, 06:40 PM

يلا بسررررررررررررررررررررررررررعه

الحلقة التامنة

.
.
.
.
.
.
.
.
.
.
.
وبعد ما احمد خلص امتحانات هو ونور وقرر انه يطلع الرحلة وكان ميعاد الرحلة اتحدد

نور : هو احمد اتأخر كده ليه

ريم : انتي مالك مش على بعضك ليه

نور : وانتي مالك

ريم : مش عارفة مهتمة بواحد زي ده ازاي

نور : ملكيش دعوة بقى

ريم : صحيح عملتي ايه في العريس اللي اتقدملك

نور : رفضته طبعا..انا لسة مش عاوزة ارتبط دلوقتي

ولسة الاتوبيس هيتحرك كان احمد وصل ونور تنفست الصعداء

احمد : ايه يا جماعة انتوا كنتوا مستنيين حاجة ولا ايه

ريم : ابدا كننا مستنيين القطر

احمد : هو احنا هنسافر في الاتوبيس ولا الجطر

ريم : يااااربي

نور : ههههههههههههههههههههههههه جامدة دي يا احمد

احمد :اي خدمة يا نور ابقي تعالي كل يوم

نور : اجي فين

احمد : لا لا متاخديش في بالك

والكل ركب الاتوبيس وفجأة احمد بيطلع من شنطته طبلة كبيرة

وشغال ضرب عليها لحد ما وجع دماغ الناس كلها والكل زهق منه

احمد : ايه يا رحلة فقر مالكم ساكتين ليه محدش بيرجص ليه هطبل وهرجص في نفس الوقت ولا ايه

نور : ابدا يا احمد بس الطبلة صوتها عالي اووووي

احمد : مانا عارف ان صوتها عالي...مكنتش اعرف انها هتضايقكوا كده

نور : عامة انا مش مضايقة انا مبسوطة بيها

وفجأة احمد بيطلع من شنطته زمارة كبيرة بتاعة الفرق الشعبية

وفضل يوجع دماغ الشباب كلهم بأصوات الالات الموسيقية الغبية دي

وفضل على كده لحد ما وصلوا

احمد : يا بووووي يا جدعان المنطجة هنا جامدة جوي جوي

نور : انت اول مرة تيجي هنا

احمد : لأ جيت قبل كده ايام الحرب

نور : حرب ايه يا احمد ..هو انت حضرت حروب

احمد : هو احنا هنروح امتى يا نور

نور : يعني لسة اسبوع...انت زهقت ولا ايه

احمد : لا لا خالص بس انا مجبتش اكل كفاية

نور : احمد اكل ايه بس هنا الاكل اوبين بوفيه

احمد : يعني ايه

نور : يعني تاكل اللي انت عايزه

احمد : يالهوي ياني يا جدعااااان

نور : انا هطلع اغير بقى

احمد : اوعي تجولي هتلبسي لبس البحر

نور : هههههههههههههههههه ايه يا احمد ده بس

احمد : صدجيني معرفكيش تاني

نور : انت هتنزل البسين بأيه ...معاك مايوه

احمد : لأ انا ابويا جايبلي ترنج من السعودية هنزل بيه

نور : مينفعش يا احمد

احمد : بجولك من السعودية ..جامد جدا جدا

نور :طيب يلا نفطر بقى عشان جعانة

احمد : انتي على طول جعانة كده

نور : ههههههههههههههههه انا بحب الاكل اوي

احمد : انا اخر حاجة افكر فيها الاكل

نور : يعني مش هتفطر

احمد : في مش وخيار وعيش بلدي

نور كانت عاوزة تقوله ده عند ماما الكلام ده

احمد : كل ده اكل يا نااااااااااس ...هيخلص امتى ده بس

نور : كل على اد ما تقدر يا احمد

احمد : عليا الطلاج انا هاكل واكل لحد ما افرجع كده

نور :انا طالعة اغير ونازلة

احمد : تغيري ايه بس يا شيخة بصي على نفسك في المراية وشوفي الولية الجااامدة دي

يابووووووووووووووي انا لازم اروح اتعرف عليها دي لابسة كلسوووون جاامد جوي جوي

أشوووووووفكم الحلقة الجاية

**امين حسن** · 29-12-2010, 10:50 PM

انا عايز الحلقة بسرعة بليزززززززززززززز

**هانى عسل** · 01-01-2011, 05:58 PM

ايه الروعـــــــــــــــــة ده
كمل يبوب كمل

**هانى عسل** · 01-01-2011, 06:25 PM

يلا غيره بسرررررررررررررررعة

**aladin02002** · 07-01-2011, 07:18 AM

قصة فى منتهى الجمال

والله إنت كاتب متميز

أكمل على بركة الله

وخلينا نعيش مع أحمد ونور

بس يا ريت بع إذنك تجمع الحلقات فى ملف وورد

وكل حلقة تضيفها فى الملف مجمعة مع الحلقات السابقة

ولو ممكن أستسمح حضرتك فى طباعة الحلقات علشان أقرأها مجمعة

ده طبعا بعد إذنك

شكرا أخى الحبيب