عــفــوأ يــآآ كابتـن انـا انسانـه مـش مـزة

[KaTy 3G]

انا لى حقوق مثلك بالضبط ايها الشاب...طالما انى اراعى الاداب والعادات والتقاليد فليس من
حقك ان تعاكسنى
نعم...هذه بدايه قبل ان يقول احد ان البنت بلبسها تجبر الولد على ذلك...انا سأتكلم عن فئه
لاترتدى الكت ولا شورت ولا بنتاكور..(وحتى لو كنت كذلك فذلك ليس مبررا)
من حقى عندما اخرج انا وصديقاتى واحترم كل من حولى من حقى ان تحترمنى وتدعنى
لخصوصيتى..لماذا تلاحقنى عيناك ولماذا تسمعنى كلمات غزل؟؟؟؟ انا لم اطلب منك ذلك...ولم
افعل مايشجعك على ذلك...انا احترم نفسى اذا يجب ان تحترمنى..


سيقول الشباب البنات بتحب كده واحنا بنرفع روحهم المعنويه
وانت يعنى بتشيل على اكتافك الواجب الوطنى ده وهترفع روحنا المعنويه!!!!!!!


انا حلوه وعارفه انى حلوه..محدش طلب رأيك؟؟؟؟ مجتش جمب سياتك وقولتك ها انا حلوه!!! ليه تفرض نفسك على اذنى؟؟؟وليه تسمعنى هذه الكلمات البذيئه نعم...انا اعتبر كلمه (مزه) كلمه بذيئه كلمه تحط من قدرى وتختصر انسانه بثقافتها وعقلها واخلاقها وتعليمها ودينها فى مجرد(مزه)

عفوا انا انســـــــانه مــــــــــش مـــــــــزه




نعم فلتعلم ايها الشاب قبل ان تفكر ان تعاكس (ولن اتكلم من الناحيه الدينيه لانها معروفه للجميع)
اعلم انك بهذا لا تنول اعجاب الفتاه وانها تعتبرك طفل صغير او مراهق لايستطيع التعامل او التحاور مع الفتاه فكل مايراه انها (مزه ) لا يستطيع ان بقيم معها حوار وقد تكون تلك(المزه) تفوقه ثقافة وعلما...

وللامانه طلعت اليومين دول كلمه سخيفه ايضا بين البنات ..لما تحب توصف ولد تقول(مز) ياااااااحلاااااااوه!!!!!! وانا اصلا يوم محب واحد اقول عليه مز عادى كده وفرحانه ودا كده راجل فى عينى والولد بأه بيكون سعيد ومنشكح لما يعرف انه اتقال عليه (مز)..!!!! وبالله عليكم محدش يقولى على فكره البنات دلوقتى بتعاكس الولاد !!!! قولى نسبتهم كام!!ا أو هم مين وتربيتهم ايه...وكلنا عارفين ان البنات المحترمات عمرهم مهيعملوا كده..فانا مش بتكلم عن دوووول كلامى واضح...


انا بتكلم عن بنات محترمه لا عاكسوا حضرتك ولا طلبوا رأيك فى شكلهم..ليه تفرض نفسك عليهم!!! ليه تيجى جمبى وترمى الكلمه وتقول( يامزه ) وتجرى زى اللى عارف انه بيعمل حاجه غلط..

ايها الشاب انا انسانه متقــــولش مــــزه

الموضوع منقول بس لفكرته اللى لازم تتناقش ولازم كل واحد يعرفها

ومنـتـظـر الاراء

____________________________

[mohamedmizo]

____________________________

الله عليك يا كاتى انت فين يابنى من زمان

انا قولت خلاص الرجاله خلصت بس طلع لسه فى رجاله

احب انا اوى الشاب الجرىء

ههههههههههههههههههههههههههههههههه

لا بجد تسلم يا بوب الموضوع هايل

[KaTy 3G]

يا عم محمد انا لقيت كله حاطط على البنات قلت اقف جنبهم برضه

بس انت مقلتش ايه رايك فى الموضوع نفسه

[mohamedmizo]

حبيبى انت بتتكلم فى واقع وللاسف مش هيتغير وما تسالش ليه لانى انت اكيد عارف ليه دة دلوقتى الانسه اللى لبسه حجاب بتتعاكس وبيتقال عليها اد كده شوف انت بقى الانسات التانيه اللى بيخرجوا بشعرهم وبناطيل مسقطه وبديهات وتقولى انا انسه مش مزة حبيبى انا مش بقولك ان الشباب مش عليهم غلط بس البدايه من البنت مش من الولد ودة بيرجع للبيت انا والله مش عارف ازاى اهل اى بنت من دول بيسمحلهم يخرجوا بالمنظر دة بصراحه حاجة تكسف علشان كده انا بقلك مبقاش فى رجاله فى البلد

[sasa_sasa]

حبيبى انت بتتكلم فى واقع وللاسف مش هيتغير وما تسالش ليه لانى انت اكيد عارف ليه دة دلوقتى الانسه اللى لبسه حجاب بتتعاكس وبيتقال عليها اد كده شوف انت بقى الانسات التانيه اللى بيخرجوا بشعرهم وبناطيل مسقطه وبديهات وتقولى انا انسه مش مزة حبيبى انا مش بقولك ان الشباب مش عليهم غلط بس البدايه من البنت مش من الولد ودة بيرجع للبيت انا والله مش عارف ازاى اهل اى بنت من دول بيسمحلهم يخرجوا بالمنظر دة بصراحه حاجة تكسف علشان كده انا بقلك مبقاش فى رجاله فى البلد

تمام حبيبى كلامك سليم

[ahmedalmesra]

موضوع جميل تسلم ايدك

[HITMAN_GEM]

انا لى حقوق مثلك بالضبط ايها الشاب...طالما انى اراعى الاداب والعادات والتقاليد فليس من
حقك ان تعاكسنى
(مين اللي قال انك بكدا بتحترمني العادات والتقاليد والله اذا كنا بنتكلم عن العادات والتقاليد فاكيد هنقول ان البادي اللي لسه طالع موضه مش من العادات ولا التقاليد واكيد دا مش مبرر ولو جينا للعادات والتقاليد اظن اننا هنرجع نقول ان زمان العادات والتقاليد ان البنت متخرجش من البيت ودا من العادات والتقاليد زمان وبرضه مش مبرر)
نعم...هذه بدايه قبل ان يقول احد ان البنت بلبسها تجبر الولد على ذلك...انا سأتكلم عن فئه
لاترتدى الكت ولا شورت ولا بنتاكور..(وحتى لو كنت كذلك فذلك ليس مبررا)
(لا بقي البنت هيا اللي بتجبر الولد معني كدا لو جيتي قلتيلي ان البنت المنقبه حد بيعاكسها هقولك كدابه لو جيت قلتيلي ان البنت اللي لبسها محترم مش ضيق ولا ملزق كدا ومبيبينش مفاتنها حد بيعاكسها اقولك مستحيل)
من حقى عندما اخرج انا وصديقاتى واحترم كل من حولى من حقى ان تحترمنى وتدعنى
لخصوصيتى..لماذا تلاحقنى عيناك ولماذا تسمعنى كلمات غزل؟؟؟؟ انا لم اطلب منك ذلك...ولم
افعل مايشجعك على ذلك...انا احترم نفسى اذا يجب ان تحترمنى..
(مين اللي قالك انك كدا بتحترمني اللي حوليكي انت كدا بتخلي اللي حوليكي يبص عليكي والله لو انتي بتحترمي اللي حوليكي مكنتيش سمحتي لاي حد يبص عليكي ومحدش يقدر ينكر ان الشباب عينيهم زايغه طباهي السبب هيا دي سنة الحياه ان دايما الراجل يجري ورا اللذه والمتعه النفسيه فلما يلاقي واحده اي واحده ايا كانت مين ولابسه وعامله ومظبطه اكيد هيبصلها لا مش يبصلها وبس لا لازم يعاكس كمان)

سيقول الشباب البنات بتحب كده واحنا بنرفع روحهم المعنويه
وانت يعنى بتشيل على اكتافك الواجب الوطنى ده وهترفع روحنا المعنويه!!!!!!!

(مين قالك ان كدا ان الشاب بيرفع من روحك المعنويه هههههههههه والله بضحك من قلبي لان شايف ان كدا عقلك صغير لانك لو عارفه الشباب بيفكر ازاي يا انسه الشاب بيفكر ان البنت دي لابسه وعامله يبقي دي عايزه تتعاكس اه فعلا بيفكروا في كدا طب اقولك حاجه حلوه في بنات بتبقي وحشه قوي وتلاقي الواد بيعاكسها طب ليه لانها لابسه ضيق قوي وهوا شايف انها عايزه تتعاكس فبيعاكسها حتي و وحسه اه حتي لو وحشه وعلي فكره المعاكسه دي مش غزل لا لانه بيبقي اي كلام في اي كلام ضحك عالعقول يعني عشان يوهمك انك ماشيه صح)

انا حلوه وعارفه انى حلوه..محدش طلب رأيك؟؟؟؟ مجتش جمب سياتك وقولتك ها انا حلوه!!! ليه تفرض نفسك على اذنى؟؟؟وليه تسمعنى هذه الكلمات البذيئه نعم...انا اعتبر كلمه (مزه) كلمه بذيئه كلمه تحط من قدرى وتختصر انسانه بثقافتها وعقلها واخلاقها وتعليمها ودينها فى مجرد(مزه)

والله احنا كلنا اتعلمنا من اجدادنا وابائنا وديننا علمنا ان جمال المراه ليها ولجوزها مش لحد تاني بعدين لو انت عندك ثقافه وعقل كنتي قدرتي تميزي بين الموضه اللي متتماشاش مع وطنا العربي وديننا من المفترض انك تقدري تميزي بين الموضه اللي تناسب امتك الدخيله علينا من الغرب ومش معني كدا اننا بنقولك انك متمشيش عالموضه لا براحتك بسفي حدود المناسب للكل مش ليكي انتي بس)

عفوا انا انســـــــانه مــــــــــش مـــــــــزه

(علي فكره كلمة مزه دي مش كلمه عاديه لا دي وصف لو مش واخده بالك وبيتوصف بيه بنات معينين)




نعم فلتعلم ايها الشاب قبل ان تفكر ان تعاكس (ولن اتكلم من الناحيه الدينيه لانها معروفه للجميع)
(ياااه اخيرا قلتي كلمه صح فعلا المعاكسه حرام طب والبس الضيق مش حرام؟؟؟؟هههههههههههه)
اعلم انك بهذا لا تنول اعجاب الفتاه وانها تعتبرك طفل صغير او مراهق لايستطيع التعامل او التحاور مع الفتاه فكل مايراه انها (مزه ) لا يستطيع ان بقيم معها حوار وقد تكون تلك(المزه) تفوقه ثقافة وعلما...
(علي فكره عشان تبقي عارفه الشاب الللي بيعاكس دا حاجه من الاتنين يا اما مش محترم او مش متربي صح بمعني اصح او عنده نقص وللاسف وجد النقص دا فيكي وبيحاول يعوضه عن طريق المعاكسه)
وللامانه طلعت اليومين دول كلمه سخيفه ايضا بين البنات ..لما تحب توصف ولد تقول(مز) ياااااااحلاااااااوه!!!!!! وانا اصلا يوم محب واحد اقول عليه مز عادى كده وفرحانه ودا كده راجل فى عينى والولد بأه بيكون سعيد ومنشكح لما يعرف انه اتقال عليه (مز)..!!!! وبالله عليكم محدش يقولى على فكره البنات دلوقتى بتعاكس الولاد !!!! قولى نسبتهم كام!!ا أو هم مين وتربيتهم ايه...وكلنا عارفين ان البنات المحترمات عمرهم مهيعملوا كده..فانا مش بتكلم عن دوووول كلامى واضح...
(علي فكره اللي يقبل كدا علي نفسه مايبقاش راجل من الاخر يعني)

انا بتكلم عن بنات محترمه لا عاكسوا حضرتك ولا طلبوا رأيك فى شكلهم..ليه تفرض نفسك عليهم!!! ليه تيجى جمبى وترمى الكلمه وتقول( يامزه ) وتجرى زى اللى عارف انه بيعمل حاجه غلط..
(ما هوا زي ما هوا عارف انه بيعمل حاجه غلط طب ما تقولي لنفسكانتي كمان انك بتعملي حاجه غلط والله الكلام اللي يعجبك تمشي عليه واللي ميعجبكيش وكانه مش موجود)
ايها الشاب انا انسانه متقــــولش مــــزه

الموضوع منقول بس لفكرته اللى لازم تتناقش ولازم كل واحد يعرفها

ومنـتـظـر الاراء

شكرا ليك عل نقل الموضوع لكن اظن ان الموضوع منتهي من زمان وكل الخطوط الحمراء واضحه فيه ومعني كدا انك متحطش النار جنب البنزين وللعلم اخر الاحصائيات اثبتت ان معظم جرائم الاغتصاب سببها الموضه)
____________________________

[KaTy 3G]

ايه يا عم هيت مان انا مالى يا عم انا ولد زى زيكم

بس انا لقيت الموضوع ده فى منتدى بنت كاتباه و الولاد مقطعنها



و بعدين انا ولد الحمد لله مش بنت

و شكرا

بس على فكره انا ولا ليا دعوه بنار ولا كابريت ولا بترول حتى

و عيش اللحظه يا حاج

[GhArOmA]

مممممممممممممممممممم
ازاى مخدتش بالى من الموضوع دة
اخيرا لقينا حد بيقدر قيمة المراة
ولا انت بتعيش اللحظة زى مابتقول

رايي بقى بصراحة جدااااااااا
انا دايما بقول كلمة مزة وبحبها جدا وبقولها لكل صحابى البنات على سبيل التهريج
لكن ف نفس الوقت مسمحش انى اسمعها من اى حد متوجهالى
يعنى لازم يكون فيه حدود يعنى
لكن ف الحقيقة مظنش انه فيه بنت مبتحبش او متعودتش على الكلمة دى

[KaTy 3G]

مممممممممممممممممممم
ازاى مخدتش بالى من الموضوع دة
اخيرا لقينا حد بيقدر قيمة المراة
ولا انت بتعيش اللحظة زى مابتقول

رايي بقى بصراحة جدااااااااا
انا دايما بقول كلمة مزة وبحبها جدا وبقولها لكل صحابى البنات على سبيل التهريج
لكن ف نفس الوقت مسمحش انى اسمعها من اى حد متوجهالى
يعنى لازم يكون فيه حدود يعنى
لكن ف الحقيقة مظنش انه فيه بنت مبتحبش او متعودتش على الكلمة دى

طيب كلامك جميل ايه مفيش تقيم منك يعنى