دماغ للايجار (قانون جديد)

[&& اشكوزا &&]

بسم الله الرحمن الرحيم
من الاخر كدة وعلي بلاطة
انا قفلت معايا وتربست علي الاخر
وانا دماغي دي من النوع الاشكوزاوي وده نوع انشف من الحديد
المهم اني قررت قرار نهائي اني اعرض دماغي للايجار قانون جديد
وبالنسبة لقيمة الايجار مش هنختلف
وبرضه بالنسبة للمدة مش هنختلف
لكن برضه انا ليا شروط لازم تتكتب في عقد الايجار

الشروط

1- ان يتعهد المستأجر بالحفاظ علي محتويات العين المؤجرة ويكون مسئول مسئولية كاملة في حالة
ضياع او تلف ايا من هذه المحتويات (فيما عدا مايختص بالحب ياريت يمسحها خالص)
+++++++++++
2- ألا يكون المستأجر من المهتمين بالامور السياسية أو الوطنية (ماشربش من نيلها)
+++++++++++
3- ألا يكون المستأجر من قراء جريدة الدستور أو المصري اليوم أو البديل أو الاسبوع وان يكون
من المتابعين الجيدين لمجلة الشبكة ونادين وأخبار النجوم
+++++++++
4- ان يكون المستأجر من المتابعين لروتانا كليب وميلودي ومزيكا وعمره ما اتفرج علي قناة الجزيزة
+++++++++++
5- ألا يكون المستأجر زملكاوي عشان مش ناقصة وجع دماغ
+++++++++
6- ان يكون المستأجر من المستمتعين بعز الحكومة وسرور مجلس الشعب واغنيته المفضلة هي (اخترناك)
+++++++++++
7- ان يكون المستأجر محصن جيدا ضد الحب والمشاعر والاحاسيس والاهات والنحنحة والعياط وسهر الليالي (من الاخر
ان يكون جبلة) عشان الدماغ تعبان اصلا من المواضيع دي
++++++++++++++++++
8- ان يكون المستأجر صاحب مزاج عالي
+++++++++++++
9- الا يكون قد سبق للمستأجر العمل في مجال صيانة الموبايل وغير مستعد للعمل فيه (من الاخر عواطلي)
++++++++++++++++++
10- الا يكون المستأجر متزوجا او سبق له الزواج أو ناوي علي الزواج في المستقبل
+++++++++++++++++

فمن يجد في نفسه هذه الشروط يبعت رسالة خاصة لاشكوزا علي الجيم فلاش
وشكرا

علي فكرة الكلام دة من اثر أكلة رنجة جامدة جدا مع كثير من البصل