موضوع انهارده مختلف شويه
عن باقى مواضيعى
انهارده هنعرض خطوات لحل مشكلة اضاءة الشاشه
فى الاجهزه الصينى
معانا انهارده جهاز
c2
وده هوه اللى هنعمل عليه شغلنا
طيب ايه هيا المشكلة بالظبط اللى هتشرحها يا عم هنرى
مشكلتنا انهارده
جهاز جايلك فاصل اضاءة شاشه فقط والزراير شغاله
او انت غيرت شاشه وفاصله اضاءه
طيب جهاز زى ده نبتدى منين ولا نروح ونيجى منين ياعم
هقولك دلوقتى خطوات تمشى عليها وفى الاخر الفيديو مشروح بالصوت والصوره لحل المشكله
الخطوات كالاتى : ورينا ياعم هنرى هتعمل ايه
1 _ التأكد من نظافة الجهاز جيدا وعدم وجود رواسب مياه فى الجهاز
ملحوظه ( رواسب المياه لا تقتصر على مكان الشاشه ورجولها فقط انما جميع اجزاء الجهاز )
2 _ رفع الشاشه من على البورده والتأكد من سلامة رجول الشاشه على البورده
3 _ التأكد من سلامة رجول الشاشه الخاصه بالاضاءه وهى اول رجول على اليمين او اليسار على حسب الشاشه
4 _ التأكد من سلامة شريط الاضاءه كما موضح بالفيديو وهو فك الشريط من لحاماته على الشاشه وتوضيل رجول الباور صبلاى الموجب والسالب على رجول الاضاءه الموجب والسالب اذا اضاءت فهى سليمه وان لم تضىء ( مش محتاجه فكاكه ) افهم بقى انت
5 _ التأكد من سلامة مسارات الاضاءه من مكان لحام الشريط الى رجول اللحام للشاشه بالافو على وضع البظر وهى مرسومه على ضهر الشاشه كما موضح بالفيديو
6 _ فى حالة تلف مسارات الشاشه نفسها وشريط الاضاءه يعمل اذا يلزم تغيير الشاشه وذلك لوجود قطع فى المسارات فى شريط الشاشه نفسها
7 _ فى حالة سلامة الشاشه والشريط ومساراتها على البورده يتم اتباع الفيديو المشروح لحل المشكله
8 _ اخر عيب محتمل لنفس العيب هو تأثر البروسيسور بخبطه او سقوط على الارض او الماء وحله التسخين الخفيف على البروسيسور
كده نكون عرفنا ايه الخطوات المتبعه لحل المشكله
الان مع الفيديو لشرح العمليه بالتفصيل
لمشاهدة الفيديو
اى استفسار انا موجود
بالتوفيق للجميع ان شاء الله
المفضلات