أعـــــــــــــــذرينـــــــــي
أعذريني الدمعه ديا حتبقي اخر دمعه ليا
تاني لو قربت منك يبقي ليك الحق عليا
اعذريني محال اعاود تاني ريدتك وامشي ليها
ولا ارحل في عيونك والطفولة الضاجة فيها
ليه اريدك وانت اصلك ريدتي ما حسيتي بيها
بالبعاد ما تعذبيني اعذريني اعذريني
انا ما قدرت مرة واحدة بالغلط اغلط عليك
وانت عمرك كلو ظالمه والدليل غفراني ليك
عارفو قلبك ما معاي برضي شاغل قلبي بيك
وبالحنان ما تعشمينيأعذريني اعذريني
من زمان وانا راجي منك كلمة بيها تفرحيني
وانت ما فرحتي قلبي كنت ديمة بتجرحيني
قسمة الزول ما بتفوتو والبجيني معاك يجيني
لو بكت منك عيوني سامحيها واعذريني اعذريني
رد مع اقتباس
.gif)
المفضلات