لو سمحتو ا استشاره من اخ أفيدوني

[matheuo]

انا هفتح محل موبيلات وفي واحد صاحبي عايز يشاركني ومش قادر اقله لا لانه يعز علي
انا بشتغل في الصيانه يعني علي خفيف كمبيوتر وموبايل
المهم صاحبي معاه 10000مع العلم ان انا ان شاء الله هدخل فلوس كمان
بس بعد مش اقل من 4 شهور مثلا فايه وضع الشراكه دلوقت وبعد م ادخل فلوس علي حد خبرتكم ف السوق
هو عايز يشاركني اننا نكون شركاء ف كل حاجه يعني شركاء في مكسب البيع والشراء وشركاء ف مكسب الصيانه كله بالنص
وبرده هنزبط المحل بالنص لان المحل مش متشطب مع العلم ان هو مش هيوقف ف المحل خالص
لانه شغال شغل تاني خاص بيه ف بالله عليكم افيدوني
بالحق

[1983khaled]

لو هو هيدخل معاك بالفلوس كلها وانتا بالمجهود يبقي المكسب بالنص بعد ايجار المحل والنت والكهربا

[1983khaled]

لو انتا هدخل فلوس فيما بعد يبقي النظام هيتغير علي حسب الفلوس وهو كدة والله اعلم المفروض ياخد التلت في الحاله دي وانتا تلتين المكسب

[SNIPER EGYPT]

نصيحه خليكم اصحاب احسن

صاحبك لا تحاسبه ولا تناسبه

[matheuo]

لو هو هيدخل معاك بالفلوس كلها وانتا بالمجهود يبقي المكسب بالنص بعد ايجار المحل والنت والكهربا

يعني يا اخي تقصد هو يشطب المحل والفلوس بتاعة التجاره اللي هي 10000 وانا اشتغل بس مليش دعوه لا بتشطيب ولا غيره واخد النص بعد المصاريف
كده انا فاهم صح ولا ايه ؟

[1983khaled]

تمام عليك يا صاحبي

[1983khaled]

انتا بمجهودك وشغلك العملي فقط و راي الشخصي بلاش تدخل في ماديات معاه لما ربك يكرمك ابقي اعمل مصلحة مع نفسك خلال سنتين مثلا من الوقتي ولما تضبط حالك عيش حياتك او لو انتا معاك فلوس خد محل علي ادك وخلاص واستقر في مكان تربي زبون وواحدة واحدة ربك هيكرمك

[matheuo]

مليون شكر لكل من اهتم وافادني برايه ربنا يبارك فيكم

[matheuo]

السلام عليكم اخواني
ابشركم بدانا نشطب المحل واتفقنا علي ان صاحبي ياخد التلت وانا التلتين والتشطيب يتم بالنص وانا الشغل صيانه وبيع

[1983khaled]

ربنا يكرمكم ويوسع عليكم ... التزام بمواعيد العمل و ابدا في تحقيق اهدافك ...