أرى البعض مبهور بالمبانى الشاهقة وناطحات السحاب بالدول الأخرى دون مسميات

.. ونفسى أوصلكم رسالة ..

بجد مصر من أجمل بقاع الأرض وإحنا اللى مش مقدرين قيمتها
الجميل فقط فى هذه الدول رغم جمودها الشديد والشعور بالغربه بها رغم كل مظاهر الجمال بها هو النظام والنظافة وإلتزام أهلها بالقوانين
والعمل .. العمل .. العمل ..

خلايا من النحل تعمل وتنتج

أعلم أن المعوقات كثيرة جدا وليس هناك عائد يحفز على العمل
لو كل واحد مننا بس يراعى ضميرة ويعمل بتعاليم دينا ويعلم أن الدين المعاملة وليس فقط الصلاة والصيام
لو كل مننا يقدر يعمل حاجة يعملها
واللى مش قادر أو مش عايز يعمل يصمت وبلاش يحبط الناس اللى حواليه
لو كل مدرس فى مدرسة وناظر ومدير أو حتى العامل البسيط قرر إنه يبدأ مع نفسه ومع مصر صفحة جديدة ويغير فى سلوكياته ويراعى ربنا
لو احنا مجموعه من الباحثين أو مجموعه من الخريجين مش لاقيين وظيفة ونقرر نجمع من بعض ونعمل مشروع صغير
لو كل أب وأم يكون قدوه لأطفالهم
لو قرر كل واحد مننا يعلم اللى حواليه أو يترجم مقاله
أو يشارك فى عمل تطوعى
لو كل واحد مننا قرر يعمل حاجة صغيرة وزى ما قررنا كلنا نثور ضد الظلم كلنا نثور فى وقت واحد ضد الجهل والعشوائية والهرجلة
لو كلنا نعرف إن حياتنا قصيرة أوى وإن مش معقوله يكون كل هدفنا ناكل ونشرب وننام ونتسلى وإن أكيد لنا دور فى الدنيا أكتر من كدا
والله لو كلنا أدركنا كلنا الكلام دا هنتغير و إن شاء الله مصر هترجع جنه


دى كلمة سريعه من القلب ونفسى توصل لقلب وعقل كل واحد فيكم


تحياتى