موجــــــــــــــ بحـــــــــــــــــــــــــر ــــــــة

**GHOST** · 08-10-2008, 03:09 AM

بحب موجة بحر

مصاحبها من صغرى

يوم ما التقيت بالبحر

كان عمرها عمرى

الموجه دى شافت

لعبى ونا صغيَّر

قلبى البرىء واقف

ع الشط متحير

يحلم بحضن البحر

تلمح عيونه الصخر

يهرب قوام حلمه

وبسرعه يتغي

ماشيه السنين بتمر

والموجه واخدانى

تكبر ليالى العمر

وألاقيها عايشانى

وتفوت سنين أكتر

حلم الصبا يكبر

وف ملحها السكر

داب الزمان المر

الموجه دى شافت

أول مقابلة حب

من غير قلوع شالت

حلمين جمعهم قلب

ولقينا تالتنا

ومشينا سكتنا

الخطوه فى الخطوه

والجنب جنب الجنب

وف يوم حزين باكى

غدر الزمان بينا

واقف فى شبَّاكى

باصص على المينا

ع البعد شفت شراع

فارد قلوعه وداع

بيقول تالتكم باع

ورجعنا وحدينا

ورجعت والموجه

تحضنى من تانى

وفْ ملحها السكر

دوبت أحزانى .

مما اعجبني

**sasa_sasa** · 08-10-2008, 09:14 AM

ما اجملها كلمات
شكرا ليك حبيبى

**hidden dragon** · 08-10-2008, 10:32 PM

حبيب قلبى اسماعيل
كلام رائع
مشكووووووووور حبيبى

**mohamedmizo** · 08-10-2008, 10:37 PM

شكرا يا سمعة على الموضوع

**GHOST** · 11-10-2008, 02:16 AM

مشكورين شباب لمروركم الكريم

تحياتي

**محمدلطيف** · 11-10-2008, 11:31 AM

انا فرحت جدا لما عرفت ان فى الجيم منتدى للخواطر الشعرية كمان فرحت بالنص ده لأنه كاد ان يكون بالنضج المطلوب
لكن هل ممكن كاتب النص ينقله فى مكان بعيد عن كلمة خواطر يعنى يثبته فى مكان للشعر الخالص
بعيد عن الخواطر اللى بتتحكم فيها اهواء ربما تكون وقتية
اظن الاجابه بنعم
ما على الكاتب الا اثقال قريحتة
وترك النص لينمو جيدا بدخيلته حتى يفرض النص ذاته على الورق
سعدت بالمرور

**ابوفياض** · 11-10-2008, 01:38 PM

شكرااااااااااااااااااااا

**GHOST** · 16-10-2008, 01:11 AM

مشكورين لمروركم الكريم

تحياتي

**القلب الأبيض** · 16-10-2008, 06:30 PM

ما اجمل الكلام عن البحر
روعه الخاطره

سلمت يمناك على الطرح المميز

كمان فى خاطره عن البحر وهى للشاعر نزار قبانى بيقول فيها

هل تجيئين معي الى البحر ؟

هل تهربين معي من الزمن اليابس الى زمن الماء؟
فلماذا لا نخرج الى البحر؟
ان البحر لا يكرر نفسه
و لا يعيد كتابه قصائده القديمه البحر هو التغير هو الولاده
و انا اريدك ان تتغيري
و ان تغيريني

لنحتمي تحت عباءته الزرقاء...
هل ابوح لكي بسر صغير
انني اصير قبيحا عندما لا اكتب
و اصير قبيحا عندمل لا اعشق
فساعديني على استعاده المجدين
مجد الكتابه
ومجد العشق

فهل تجيئين معي الى البحر؟
لنحتمي تحت عبائته الزرقاء

الله