وقفت امامها حادثتها حادثتنى سألتها
مرايتى يا مرايتى فى حد اجمل منى ؟؟
تقولى لا ولن يكون
اقول لها طيب نانسى عجرم
تقولى دى تقفيل مستشفيات
اقولها طيب هيفاء تقولى مش طبيعى
طيب يا مرايتى وابتسم وافرح على كده
تانى يوم اجى اعدى بالصدفه المح حد فى المرايه ارجع اتأكد
اسألها تانى مين دى تقولى انتى
اقولها انا كان شكلى غير كده امبارح
تفضل تعرفنى عليها خلاص اصدق واقول دى انا
اجى اعدى مره تالتة الاقى حد جديد
يانهار مش فايت مين دى تقولى انتى
عارفين ساعات بشوف نفسى حلوه اوى كأنى اميره خارجه من قصه خياليه وساعات بشوفنى وحشه جدا واقول ازاى الناس قادره تبص فى وشى
وعلى كده بقى انا مش قادره اعرف انا شكلى ايه
بجد لحد دلوقتى مش عارفه كل مره اشوفنى فى المرايه الاقى شكل جديد وكل مره اتصور صوره تطلع مختلفه عن الصوره اللى قبلها وبجد هاموت واعرف انا شكلى ايه والناس شيفانى ازاى
مش عارفه انا لوحدى كده ولا كل الناس كده هل كل حد فيكوا عارف شكله ايه ولا برضه ما حدش عارف ؟
المفضلات