أحم أحم ... في حد بيلعب بروحه هنا وأنا مليش خبر
يا علي يا حبيبي تلغي إيه بس ... ده العيد القومي بتاعنا يا راجل وأساس الدولة الحمصية
وأنا حاسس إنك عاوز تنتسب للدولة الحمصية ؟؟؟ طيب معلش نقدر نقبلك معانا بس بشرط
تحقق الشروط أدناها ... ولوا ماحدش عارف إيه يعني حمصي بقولكم هيا محافظة سورية
ويشتهر أهلها بالذكاء الفائق وخفة الدم وده بشهادة المحافظات المجاورة طبعا
هههههههههههههههههههههههه
انسه غرام
يوم الاربعاء عند الحماصلة
هو يوم الهبل
اكيد الحمصي راح ينتحر اذا راح منه يوم الهبل
مع احترامي لكل اهل حمص الطيبين
بالتوفيق
وتعليقا لكلام حبيبي أحمد الحماصني مش هبل لالالا صحح معلوماتك هم مجازيب وفهمك كفاية ياعم
ونهاية المطاف إليكم أهم شروط الإنتساب للدولة الحمصية....
بعض الشروط لكي تصبح حمصي
أول شي لازم تعرف أنو الجنسية الحمصية هبة من الله سبحانه
((ورفعنا بعضهم فوق بعض درجات))
_لازم تكون مقتنع أنو حمص مستقلة و لازم تكون كرماوي لأنو الكرامة
انتماء منفصل.
_أن تكون مستعدا لأن تعيد يوم الأربعاء ,يعني تصيف ع الأخير
تمشي بعكس السير مثلا ,تلعب بالطابة بالشارع
تسبح عالشاطئ,مع انو ما في شاطئ عنا بحمص ,بس بدك تدبر راسك,
يعني: تخرج عن كل الضوابط و الأعراف المألوفة ,فكل ما هو مألوف
يجب تغييره يوم الأربعاء
_لازم تكون من العالم اللي بحبو أكلة المجدرة .مع البصل طبعا.
فاذا ما كنت هيك روح دور على غيرنا
_لازم تكون مطيع كتير لزوجتك,لأنو الحماصنة مرضيين كتير,
يعني بدك تخفف شوي من رجولتك...يعني ما يكون الك كلمة بالبيت.
_بدك تكون ظريف كتير مع الموظفين,لأنو عنا الموظفين بحمص
حساسين كتير و بيزعلو أوام,يعني بدك تراجعهم بذوق و هدوء
بدون ما تجرح مشاعرهم,و لا تنسى المعلوم!!اي أي المعلوم
لأنو بلاه ما في شي بيمشي
_لازم يكون عندك فراسة و سرعة بديهة,وتعرف الشوفير اللي
ماشي قدامك لوين رايح و كيف بدو يلف أو بدو يضرب فرام و لا لاء!!
لأنو عنا بحمص ما حدا بيعطي اشارة و كلو بيطحش على كلو!!
و على فكرة لازم تذكروا كمان أنو يشغلك العداد لأنو وين ما رحت رح ياخد
منك 50ليرة
لذلك فزكرو منشان يشغل العداد
_لازم تكون رئتك ملوثة بنسبة 99,999%لأنو اذا كنت متعود على الهواء النظيف
و العليل,ما راح يمشي حالك عنا ,بتمرض بعدين بأمراض مزمنة .لأنو عنا كل أنواع
التلوث..و الحمد لله,الا اذا حبيت تسكن غرب حمص,على ضهر القصير مثلا ,
أو بالقرب من مرمريتا,فيمكن يمشي حالك وبيجوز تموت هنيك لأنو الحماصنة بس
طلعو من حمص بموتو,وطلع السبب أنو عم يشمو برات حمص هوا نضيف.
_لازم تحكي ع العريض ,أما شو يعني عالعريض ,فلازم تسأل مهران يوسف
تبع برنامج سؤال ع الماشي , واذا حزرت انت و عشرة كمان فراح يقسم
الجائزة بيناتكم, و غالبا راح يحجبها عنكم.
_و لا تنسى الأركيلة ..لازم يكون عندك نفس ماكن يعني شفيط نمرة ون.
_ممكن تحصل على مرتبة الشرف اذا قتلت تنين حموية
_أكيد بدك تحفظ شعار الحماصنة..و هوي
الحماصني الصقور الحرة ..نظرتهم حادة ومرة..واللي بيحبهم مرة
بيحبوه ألف مرة ومرة...
_و أخيرا و ليس آخرا: اذا وجدت هذه الشروط منطبقة عليك أو
بامكانك الوفاء بها
فلحق حالك هالأربعاء لأنو كل أربعاء الشروط بتتغير....!!
المفضلات