لليوم الثالث علي التوالي الكهرباء قطعت صباحا و مساءا و لو أن الكهرباء قطعت علي بيت الست الهانم زوجه وزير الكهرباء و الطاقه و باقي الوزراء المبجلين بالعدل بينا و الله لن أزعل و لكن الظاهر ان فلوسنا خشب و فلوس الهوانم ذهب , ناس نايمه لغايه ميحصل أزمه و يقولوا رشدوا الاستهلاك و كل اللمبات الي في المحل و البيت موفره بصراحه انا فاض بيا و شايف ان الناس تمتنع عن دفع الفواتير تماما لحين عوده الكهرباء بشكل منتظم و ثابت بدون فصل نهائي و ده ممكن لو أن شركه الكهرباء الي اتباعت و مخدناش فلوسها قامت بواجبها بخطوات عمليه
1 تغيير جميع لمبات اناره الشوارع بلمبات موفره و منع وضع اي لمبات عاديه او كشافات عاديه و علي فكره يوجد لمبات موفره كبيره مثل 60وات تعطي اضاءه 300وات
2 انشاء محطات طاقه جديده لتلبيه الطلب عليها و الزياده الاقل من الطبيعيه للسكان لان فيه اكثر من 10 مليون عانس
3 تغيير المحولات الصغيرة القدرة بمحولات أكبر لانها تعمل بأكثر من 120% و أحيانا 150% من طاقتها مما يسبب ارتفاع درجه حرارتها فتفصل من الحراره الزائده و يقل عمرها الافتراضي بالطبع
4 الاسراع بقدر المستطاع في عمل محطات توليد كهرباء سواء شمسيه او رياح و ما شاء الله الاتنان موجودين
5 السعي للبدء و تنفيز مشروع منخفض القطاره لانه سيساهم باذن الله في سد العجز نهائيا بالنسبه لموضوع الكهرباء دا غير فوائده العظيمه الاخري
و الخبراء في مجال الكهرباء ما شاء الله متوفرين و الحلول كثيره و متنوعه المهم النيه و العمل مش نستني لما الحكومه الجديده ان شاء الله تيجي و نقوم عاملين فيها رجاله و نقولهم الكهرباء بتقطع ليه انتم مبتعملوش حاجه و أنا بتكلم بجد لاني وجدت ناس عاديه كتير بتقول اومال فين الريس مرسي مبيعملش حاجه ليه ؟!!!!!!! بعد كده لما واحد تليفونه هيعطل هيروح للريس و نشوف لنا شغلانه تانيه هههههههههههههههههه
المفضلات