ممنوع دخول مؤيدي مرسي او شفيق

[&& اشكوزا &&]

نأييد مرسى عشان يعيدو الانتخبات

وما دخل تأييد مرسي باعادة الانتخابات؟

[&& اشكوزا &&]

الحل من نظرى انى هعلم غلط على الى اتنين وهكتب حمدين صباحى

فعلا فيه ناس بتقترح كدة
لكن دة اسمه احتجاج شعبي غير معترف بيه رسميا

[&& اشكوزا &&]

طيب احنا ليه سيبنا البلد توصل للدرجه ديه ؟؟؟
ديه غلطتنا اننا سيبناهم يوصلونا لكده
وده اللي هما عاوزينه ومخططينله
وكوووول ديه خطه مرسومه من ساعه مقولنا يا ثوره
وربنا يعدلها من عنده

فعلا احنا اللي عملنا في نفسنا كدة

[&& اشكوزا &&]

اول مرة احس اني دخلت موضوع بجد وممكن اوصل منه لنتيجة ف الاخر
انا متابع معاك الموضوع يابو جاد
يمكن رايي يستقر لحاجة
لاني بجد انا وصلت للدرجة اللي هي
هو فيه ايه
هو مين مع مين
ولا مين ابن مين
عن جد ربنا يستر بينا
للاني مش فاهم حاجة
مرسي لا ومش مقتنع بيه
وهانشيل حزب وطني ونرجع حزب تاني
حرية وعدالة
وف نفس الوقت انا حطيت ف دماغي حاجة
اني هاديلو صوتي
خصوصا بعد ماواحد اقنعني وقالي
انت واخوك عاملين مشكله جامده مع بعض والبيت ولع بيكم
هاتسنجد بأخوك ولا هاتكلم حد تاني
فاقتنعت لكن بعد الخطاب بتاعه الرائع امبارح
علي جثتي وجثه شامبو
طيب شقيف وفلول ومعروف
وكنت هاديلو صوتي بعد ماقولت ان المرسي لا
يبقي لسه شفيق
طيب هو فلول اه
بس بالبلدي ايدينا علي قد قفاه
يعني 4 سنين ظبط نفسه فيهم وده مش هايبقي بمزاجه
كان بها والبلد هاتستقر برده
لكن لو طلع اي كلام
هانشيل امه
عادي يعني
ومش وراه اي جماعة تقف ضدنا
بس بردك بعد اللي حصل امبارح
دورتها ف دماغي كده
قولت الراجل دا لو مسك
هاينفخنا كلنا
ومش بعيد يتجوز سوزان علي راي واحد بعد ماحسني يموت ف السجن
ويتبني المسكينين علاء وجمال
وتأول السلطة لجمال بالتبني ويبقي ياريتك يابو زيد ماغازيت
طيب اعمل ايه
ابطل صوتي
ولا ما روحش خالص واكبر دماغي
منا لو ماروحتش صوتي ممكن يتزور زي ماعلام قال
طيب هابطله
ودا مش يبقي غلط اومال فين الأمانة
طيب اعمل ايه
لو حد وصل للمرحلة دي ولقي نتيجة غير البدله الصفرا اللي انا محضرها وحاجز حناح باسمي في مسشفي المجانين
ودا عن قريب يعني
ياريت يلحقني بدل مايجي هبل

بعد الشر عنك ياصاحبي
لكن ليعلم الجميع ان الشعب المصري لن يخشي ولا الفلول ولا الاخوان
لكن من العقل ان نفكر ونصل الي حل
واذا كان قدرنا ان ننتخب دوبلير للرئاسة (واحد لمبارك والتاني للمرشد) لازم نفكر ازاي تبقي جزمتنا فوق رؤوس الكل لان الشعب يقدر

[&& اشكوزا &&]

اعتقد انه من الصعب جدا الاختيار بين المصيبه و المصيبه السوده؟؟؟؟؟؟؟


طيب نختار مين ؟؟؟؟

و لو قاطعنا بصرف النظر عن ان المقاطعه تنازل عن الحق لاني ممكن اتنازل عن حق في حاله ان التنازل ده هيكون نتيجته للصالح العام

نعمل ايه دلوقتي .....!!!

طبعا المقاطعة هي احد الحلول المطروحة وهو حل جيد ولكن لابد من طريقة
والطريقة التي اقصدهل هي
اعـــــــــــــــــــــــــــــــــــــادة الانتخابـــــــــــــــــــــــــــــــــــــــــــات

[&& اشكوزا &&]

انا من وجه نظري شايف ان اللعبة مقفولة من الناحيتين واحنا محتاجين معجزة يازلزال عشان اللعبة تتلخبط وتقع ونلعب دور جديد بس نكون مصحصحين وعارفين حقوقنا ونعرف كمان نصوت وممكن نلطم كمان بس صح

يبقي لازم نفكر ازاي الزلزال دة ممكن يحصل

[&& اشكوزا &&]

انا حاروح افسد صوتى
على الاقل علشان مرسى يعرف ان هناك فئه كبيره ممكن تعمل فيه زى ما حصل لمبارك

فيه حقائق غائبة ياصديقي محدش واخد باله منها
ا- 5مليون اختاروا الاخوان و20 مليون لم يختاروهم
2- 5 مليون اختاروا شفيق و20 مليون لم يختاروه

الاخوان خسروا كثيرا من مؤيديهم من البرلمان الي الان

[&& اشكوزا &&]

انا مش هروح و ده قرار نهائي

لكن بأمانه انا منحاز للاخوان لانهم أقل ضرر

و أي حد بعرفه هيصوت لشفيق بنصحه

لكن انا ايدي مش هتقدر تعلم لا علي مرسي ولا علي شفيق

ربنا ياخدهم الاتنين و ياخد كل من اراد ببلدي سوءا

انا عاتب عليك علي كلمة اقل ضررا
فالطاعون والكوليرا لهم نفس المسمي (وبــــــــــــــــــــــــــــــــــــاء)

[محمد السيد.]

موضوع ممتاز ابوجاد

انا مبقتش فاهم اعمل ايه اروح ولا مروحش

ولا نستنى لما يعملو مجلس رئاسي

[Mohamed ashour]

بعد الشر عنك ياصاحبي
لكن ليعلم الجميع ان الشعب المصري لن يخشي ولا الفلول ولا الاخوان
لكن من العقل ان نفكر ونصل الي حل
واذا كان قدرنا ان ننتخب دوبلير للرئاسة (واحد لمبارك والتاني للمرشد) لازم نفكر ازاي تبقي جزمتنا فوق رؤوس الكل لان الشعب يقدر

بص يا كبيير
انا معاك ان الشعب قال كلمته
وعلي فكرة ربنا يكون ف عون
اللي هايمسك البلد دي
لان الشعب فاق
والناس كلها الوقتي بقت بتتكلم ف السياسة
ودا اللي مضيعنا ومخلينا فعلا مشتتين
ومش عارفين مين مع مين
بس انا كده ماوصلتش بردك لقرار
او بمعني اصح لسه مااقتنعتش
انا اعمل ايه الوقتي