.gif)
واحد رذل عامل فيه فتوه
واحد شكله غلبان ويصعب عالكافر قاعد على قهوة ياصص لكوباية شاى قدامه ومتنح !
شافه واحد رذل عامل نفسه فتوة ! فقال أما اروح اتنطط عليه شوية
راح داخل عليه وشادد الكوبابة من قدامة وشربها على بق واحد وحطها قدامه فاضيه وقال له :
ماتنساش تدفع البقشيش!
الراجل راح منفجر فى العياط والنهنهة ! لدرجة إنه صعب على الفتوة , فخبط على كتفه وقال :
ياراجل ما تعملش فى نفسك كده , معقول راجل بشنبات يعيط علشان كوباية شاى بخمسين قرش ؟
أنا مش باعيط علشان الشاى , بس النهاردة أسوأ يوم فى حياتى !
صحيت الصبح متأخر و اخت الموتوسيكل بتاع اخويا علشان الحق أفتح المحل , بس برضه وصلت متأخر وصاحب المحل هزانى , مااستحملتش وريت عليه راح طاردنى !
جيت آخد الموتوسيكل علشان أروح لقيت إتسرق , رحت ابلغ أخويا , اتهمنى بسرقته !
و بعد ما ضربونى فى القسم علشان أعترف طلعونى بكفالة مش عارف حأسددها إزاى , وحتى لما قررت انتحر , جيت أشرب كوباية السم ,
جيت انت وخطفتها من إيدى !
رد مع اقتباس.gif)
المفضلات