منقول




الجيش وأحمد شفيق وتزوير فى الأنتخابات الرئاسية ودم الشهداء راح " مقال خطير لازم تقرأوه للأخر











أحد الأشخاص المقربين أرسل أليا هذا المقال المفزع والذى كتبه بخط يده من صديق له يعمل صيدلى قال له ماحدث فى هذا المقال
كنت قاعد في صيدليتي في أمان الله ودخل عليا صديقي أمين شرطة اسمه فلان الفلاني ولما لقاني مغرق صيدليتي صور أبو الفتوح وكمان كانت صورته على عربيتي قاللى والله يا دكتور انتم صعبانين عليا قوى قولتله ليه ؟ قاللى يعنى تاعبين نفسكم على الفاضى والموضوع محسوم لصالح واحد ومنتهى من زمان قولتله مين؟ قاللى ماعلينا على العموم اللي هتجيبه الصناديق هنصقفله كلنا قولتله ماعدا شفيق وعمرو موسى قاللى هتعمل إيه يعنى قلتله أنا أول واحد هكون في ميادين التحرير ده حتى الغاز المسيل للدموع وحشني قاللى اطمن يوم 17 أو 18 يونيو قرار إعلان النتيجة هيكون مصاحب ليه قرار حزر تجول في الجمهورية كلها لاى حد خارج من بيته والضرب في المليان طبعا أنا ضحكت وسخرت من امكانية حدوث ذلك ولان الضحكة استفزته قاللى انت مش مصدق طيب اقسملك بالله ان تم حشد ضعفين عدد الامن المركزى القديم لحد ما وصلوا دلوقتى 8 مليون وكمان طوروا انواع الاسلحة سخرت اكتر منه وقولتله الشعوب ما بتخلصش وزى ما قال عمر المختار قبل كده ننتصر أو نموت لكننا لا نستسلم قاللى ماهى المعركة المرة دى مش هتبقى الشرعية معاكم لانكم ببساطة ساعتها اللي هتبقوا ضد الديموقراطية ده غير ان الناس زهقت منكم على الاخر ولا انت فاكر يا دكتور ان احنا لما سيبنا الاخوان ينجحوا في الانتخابات التشريعية (خلى بالك بقه من الحتة دى) ولما سكتنا عن توجيههم للناس ومخالفاتهم لفترة الصمت الانتخابى واللى كان بيحصل قدام اللجان من استغلال للدين واللى كان كفيل بان مرشحين الاخوان كلهم يستبعدوا وكل ده متصور عندنا وسايبينه بمزاجنا علشان الاوامر كده علشان مايبقاش ليهم عين يتكلموا يوم انتخابات الرئاسة .

حبيت استفزه اكتر وقولتله اطمن احنا مستقتلين قدام صناديق الانتخابات ومش هنسمح بالتزوير وان شاء الله الفلول مش هينجحوا لقيته ضحك على الاخر وقالى ده نجح خلاص ومش بعيد من أول مرحلة كمان قولتله هو مين ده؟ قالى احمد شفيق قولتله استحالة على جثتى لو قولت عمرو موسى ممكن اصدقك انما الاهبل بتاع قتلت واتقتلت ده لا قاللى انت مش مصدقنى طيب وراح حاطط ايده في جيبه ومطلع محفزته وطلع منها بطاقته وقاللى اتفضل قولتله إيه قاللى اقرا خانة الوظيفة كده قريتها لاقيت مكتوب فيها حاصل على دبلوم فنى صناعى فقولتله مش فاهم قاللى مش الجيش والشرطة مالهومش تصويت قولتله ايوة قاللى تم تغيير الوظيفة لاكتر من 8 مليون جندى ام مركزى وفرد شرطة وامرهم بالتصويت لشفيق وانت لو حبيت تبحث عن اسمى كمان مش هتلاقى اى علاقة ليا بالشرطة في يوم من الايام قولتله انت بتتكلم جد قاللى ماهى البطاقة بين ايديك اهيه فضلت باصص للبطاقى وانا مذهول لحد ما اخدها منى وقاللى فوق يا دكتور المهم هاتلى الفوار بتاع البلغم للحج روحت جيبتله ومشى وانا مذهول وبفكر اللي أنا فيه ده حلم ولا علم.

اقسم بالله العظيم ان هذا حدث معى اليوم الاثنين ليلة الثلاثاء 22 مايو 2012 والله على ما اقول شهيد وانا لا ادرى نتيجة ما كتبته ولا ما قد يحدث لى الا ان دماء الشهداء تحاصرنى ولم استطع الصمت
واللهم انى قد بلغت اللهم فاشهد .
وانا لله وانا اليه راجعون


اول مره اقول مبروك علينا الاعدام
بحق وحقيقى
مش بهذااااااااااار