يا رب تعجبكم
* واحد حكموا عليه بالإعدام فبيقولوله يا ترى إنت إيه شعورك قبل ما تتعدم
قال لهم : أرجو إن ده يبقى لى عبرة فى المستقبل !
* دكتور عيون راح فرح نقط العريس فى عينيه !
* مرة واحد ماشى فى الشارع بص لقى عشرة جنيه ع الأرض ، بص يمينه
و بص شماله و راح واخدها و حط مكانها خمستين !
* قاضى فى المحكمة قال: اللى هيعمل دوشة هأطلعه برة ،المتهم قال :هيه هيه
* مرة ظريف عاش فى الدور ، جه واحد أظرف منه عاش فى الدور اللى فوقيه !
* واحد حب يطور الهيليكوبتر ، شال المروحة و ركب تكييف !
* واحد كهربائى أبوه مات ، دفنه فى الحيطة !
* نجار كل ما مراته تغسل ، ينشر لها الهدوم !
* واحد أحول إشترى عصفورة حولة ، جه يحطها فى القفص :
من حوله حطها برة القفص ، و هى من حولها دخلت فى القفص !
* واحد إسمه زعلان إتجوز واحدة إسمها فرحانة خلفوا بنت اسمها :
يا فرحة ما تمت !
* إتنين قاعدين فى الأتوبيس واحد بيقول للتانى : أنا تعبان من المواصلات ،
التانى قال له : و أنا على من شبرا !
* واحد كان ماشى فى الشارع و معاه إزازة صبغة يوت ، وقعت منه و اتكسرت
راح معور نفسه عشان تمن الإزازة ما يروحش هدر !
واحد لقى مصباح علاء الدين ، دعكه طلع له المارد ، فبيقول له : شبيك لبيك
أطلب أى حاجة ، فقال له : عايزك تعمل كوبرى من هنا لأمريكا ، قال له : ده
طلب صعب قوى .. أطلب طلب سهل شوية . فقال له : أنا مراتى وحشة قوى عايزك
تخليها حلوة ، قال له : معاك صورتها ؟ قال له :أهى ، بص المارد فى الصورة
و قال له : ما قلتليش إنت عايز الكوبرى رايح بس ولا رايح جاى !!!
إيه الفرق بين شجرة الموز و الجزمة ؟
شجرة الموز ممكن يقف عليها لغاية 30 قرد
لكن الجزمة ما يقفش عليها غير قرد واحد بس !
المفضلات