لن اختار منهم (الغرور - الضعف)

[ابوكنزى]

طبعا كلنا او معظمنا شاهد المناظرة التى كانت بالامس
بين السيد عمرو موسى و الدكتور ابو الفتوح
و للاسف الشديد حصل مالا كنت اتوقعه
مناظرة اظهرت الضعف السياسى للدكتورابو الفتوح
و الغرور للسيد عمرو موسى
دة غير الاسلوب الغير متوقع بين الاتنين
لدرجه انه بعد المناظرة مفيش حد فيهم سلم على التانى
انا كنت حاسس انى بتفرج على خناقه مش مناظرة
اعترف للجميع انى اخطات عندما اعلنت عن تأييدى للدكتور ابو الفتوح
و الاعتراف بالخطأ مش عيب
لكن العيب انى افضل على رايى لمجرد انى مينفعش ارجع فى كلامى
بصراحة بعد المناظرة و اللى شفته فيها
الاتنين لا يصلحوا
طبعا من وجهه نظرى
اتمنى من كل قلبى اننا كلنا نختار واحد يقدر يقوم بالبلد
و يوحد صفوفها
و كلنا كشعب نساندة و نقف معه
عشان كده انا مش هدى صوته غير للى يستحقه
و ربنا يولى من يصلح

[ABOUSALMA007]

الدكتور ابو الفتوح كان يتكلم بادب واحترام وكان يقول انا اسف عندما تكلم عن الفلول هدا الرجل على ما اضن به خير اما الخبيت موسى فكلامه متل التعلب الماكر كلامه كله مكر وخديعة وانا شخصيا لارتاح لموسى التعلب

[محمد السيد.]

طبعا ياابوكنزى انت سبقتنى للموضوع ده
انا كنت محضر موضوع عن المناظره بتاعت امبارح
بس انا شايف ان الناظره بينت حقيقت عمرو موسي
وانه شخص متغطرس ومغرور
اما عن كلامك عن ابوالفتوح فدا رأيك الشخصى وانا احترمه

ولكن اسمح لى ما ظهر من ابوالفتوح بالامس ما هو الا سماحت نفس
وتواضع شخص
لا ضعف ولا استكانه
اما الهجوم الذى حدث من المتغطرس عمرو موسى
ما ينم الا عن ضعف موقف

السؤال اللى حيرني بقى
لما المقدم بيسأل
هل تعتبر اسرئيل عدو؟
ابوالفتوح اجاب بنعم
اما عمرو موسى تهرب من السؤال
ولكن ابوالفتوح اعاد عليه السؤال فى فترة التراشق
فأجب بكل بساطه
معظم الشعب بيعتبرها عدو
يعني عمرو موسي لا يعتبر ان اسرائيل عدو
ولكن كيان يمارس العدوانيه
هههههههههه

اضحكنى يارئيسي القادم

انا عايز مصرى واحد يطلع يقول ان اسرائيل مش عدو
وانا ساعته هعلنى انى اتنازل عن جنسيتى المصريه
وهسعى انى اخد الجنسيه الاسرائيليه

اسف للاطاله
وللحديث بقي
وشكرا

[أحمد السيوفي]

مين قالك انهم مسلموش علي بعض انا شفت اللقاء للاخر وسلموا علي بعض احنا في الاخر كلنا مصريين وطبعاً لازم عمرو موسي يكون اكثر سياسة من ابو الفتوح لان دي شغلته من اكتر من 40 سنة وبصراحة شديدة انا شايف ان المواضيع دي مش المفروض تكون هنا في المنتدي لسببين أولهما انك بالموضوع ده ممكن تأثر برأيك اللي انت مقتنع بيه ومش هتغيره لانك مش شايف غيره علي شخص تاني مش عارف يختار مين ثانياً اكيد هتحصل مشادات بين الناس هنا واحنا منتدي موبيلات لا أكثر
اعذروني اذا كنت متعصب شوية بس اللي بنشوفه الايام دي ونسمعه كتير جدااااا ومش عايزين انقسامات تحصل في اي مكان

[ABO SHAHD~]

طبعا كلنا او معظمنا شاهد المناظرة التى كانت بالامس
بين السيد عمرو موسى و الدكتور ابو الفتوح
و للاسف الشديد حصل مالا كنت اتوقعه
مناظرة اظهرت الضعف السياسى للدكتورابو الفتوح
و الغرور للسيد عمرو موسى
دة غير الاسلوب الغير متوقع بين الاتنين
لدرجه انه بعد المناظرة مفيش حد فيهم سلم على التانى
انا كنت حاسس انى بتفرج على خناقه مش مناظرة
اعترف للجميع انى اخطات عندما اعلنت عن تأييدى للدكتور ابو الفتوح
و الاعتراف بالخطأ مش عيب
لكن العيب انى افضل على رايى لمجرد انى مينفعش ارجع فى كلامى
بصراحة بعد المناظرة و اللى شفته فيها
الاتنين لا يصلحوا
طبعا من وجهه نظرى
اتمنى من كل قلبى اننا كلنا نختار واحد يقدر يقوم بالبلد
و يوحد صفوفها
و كلنا كشعب نساندة و نقف معه
عشان كده انا مش هدى صوته غير للى يستحقه
و ربنا يولى من يصلح

مين قال لحضرتك انهم مش سلمو علي بعض
ياجماعه ال نقدر نقوله ربنا يولي من يصلح وبلاش مثل هذه المواضيع التي تغمم النفوس من بعضها

[ABO SHAHD~]

الدكتور ابو الفتوح كان يتكلم بادب واحترام وكان يقول انا اسف عندما تكلم عن الفلول هدا الرجل على ما اضن به خير اما الخبيت موسى فكلامه متل التعلب الماكر كلامه كله مكر وخديعة وانا شخصيا لارتاح لموسى التعلب

ان كنت حضرتك مويد للدكتور ابو الفتوح
فيه غيرك مويد لل بتقول عليه ثعلب
ياريت بلاش هذه المشاركات

[ابوكنزى]

تقافه الاختلاف
اولا انا بحترم كل واحد رد فى الموضوع
و كمان بحترم رأيه الشخصى حتى لو بختلف معه
انا فعلا شفت الماظرة للاخر
لكنى مشفتش انهم سلموا على بعض
و لو كان دة حصل و انا مشفتهوش
اعتزر عنه بشده
و ارجو تقديم حسن النيه فى الموضوع
المهم دلوقتى يا شباب
لازم كلا واحد يقبل الاخر
يقبل كلامه و رأيه
و لك كل الحريه انك توافق او ترفض
لكن منحولش النقاش لخناقه
واحد شايف عمرو موسى تعلب
خلاص هو حر
انا شايفه مغرور
كل واحد حر
واحد تانى شايفه يصلح و رجل ممتاز
خلاص هو كمان حر
لازم نحترم بعض
و نحترم الرأى الاخر
و فعلا
ربنا يولى من يصلح

[mohamed allam]

من السقطات الملحوظه على عمرو موسي

1 الهجوم المستمر على الخصم وتخويف الناس من الخصم مستخفا بعقول الناس

2 بياع كلام حعمل وحعمل
3 ابو الفتوح من خلال سيرته الذاتيه له باع سياسى طويل عمرو موسى اعتلى المناصب فى ظل النظام الفاسد

4 ابو الفتوح ضحى من اجل اصلاح المجتمع موسى ضحى من اجل كرسيه
5 الاجابه على سؤال بسؤال وانتو لاحظتو من المناظره والغرور اللى كان فيه
6 اخدتو بالكو من سؤال ابو الفتوح لموسى
هل اسرائيل دولة عدوة ... هرب عمرو موسي وابي ان يسمى اسرائيل عدو ...
عارفين لية ؟ لانة فاكر ان ممكن اسرائيل تضغط على امريكا وتخلى المجلس العسكرى يزور الانتخابات لصالحة ..
تمام زى ما اللوبي الصهيونى بيضغط في امريكا . ويخلى الانتخابات لصالح المرشح الرئاسي اللى هيعمل لمصلحتة - وخصوصا اننا سمعنا ان عمرو موسي هو المفضل لدى الغرب

نعرض مشاكلناوقضيتنا هنا فى العام لنرى وجهات نظر المختلفه
فالمنتدى هنا مثل مصر تجمع جميع فئات الشعب من مؤهلات دراسيه
منا من على درايه بلعبه السياسه القذره
ومنا من ينساق الى افكار واتجاهات الاعلام الفاسد





ولكل منا وجهه نظر
وعلى فكره انا لسه مدعمتش حد
وليا طلب من اخوانى الاعضاء انت مرشح لفلان
وعضو اخر مرشح لفلان
ياريت نحترم وجه نظر بعض


واخيرا ربنا يولى الاصلح

[هشام الرميحي]

لا موسي ولا ابو الفتوح

حمدين صباحي

واحد مننا و مش بيعترف باسرائيل من الاساس

[&& اشكوزا &&]

القرار في يد الشعب وهذا يكفي