.gif)
...::-::... مـــســـــــرح ســـيـاسـة ...::-::...
مـــســـــــــــــــرح ســـيـاســـــــــــة
شارع الهرم عّلم غوازى
ترقص على طبلة إيقاع
و الـسياسى الإنتهازى
قلد عوالم فى الطباع
هز وسطه بإحتراف
كلام معجون بالخداع
رقص السياسة إنحراف
لحن غنوة للضياع
يظهر مابين الناس أليف
حكمة من شكل الضباع
وساعات بالشكل السخيف
عارض زنوبه ع المشاع
ويصدق السكران بجهله
كباريه يجمع ألوف
الخيبة توزع كــاسات
من شراب التوهة خوف
غلابة و صبحو الضحايا
لديب متنكر خروف
وال إتحرق من الورق
لسا متشال فى الكشوف
والغبى شاف الحقيقة
وضلها ........
وقال ظروووووف
ظروف من فعل البقر
دايرة على سارى الوطن
قلم التاريخ إحتقر
عقول تشتهى العفن
كتب الزمان عبر
سنين طويلة من المحن
والغريب بين البشر
إدمان لسرطان فتن
الوضع الراهن مغبر
والكلام دايما أبييييح
ولا شاعر قادر يعبر
يلعنوه لو كان صريح
والأزان يفضل يكبر
والمؤزن صوت جريح
يتقال ع الرجال عيال
و السفيه يصبح فصيح
حق الوطن بين البغايا
متخفى فى نقاب الشرف
ناس تفارق الثرايا
و تتسجن سجن الترف
والرد على صرخ المظالم
رقص صاخب إحترف
يلهى العدالة بشهوته
والطعن الملعون إعترف
النزاهة عايزة قاضى
يعرف طريق إنحرف
والأغانى نسيج معانى
لكل مفهوم إنحلال
مسرح يضم ألف زانى
والأغرب هو السؤال
كرباج العقاب فى إيده
جلاد وحاكم كل حال
مسرح عوالم يا وطن
إزاى هيشوف بالحلال ؟
والاجابة الحق مرة
الحل فيه الزوال
رد مع اقتباس
رد: ...::-::... مـــســـــــرح ســـيـاسـة ...::-::...
المفضلات