من هنا وهناك الجزء الاول

**mohamed allam** · 02-05-2012, 01:09 PM

بسم الله الرحمن الرحيم

نبتدى منين الحكايه

كان فى ثوره قام بيها شعب كانت يوم 25 يناير
وقالو عن الثوار انهم بياكلو كنتاكى وبياخدو دولاات و200 جنيه للفرد
وقامت الحاجه عفاف شعيب برساله استغاثه للشعب المصرى
وكان نصها
حرام عليكوا احفادى عايزين ياكلو بيتزا والمحلات قافله

والنهارده المعتصمين اما وزاره الدفاع
ينهال عليهم البلطجيه وياترى البلطجيه بياكلو ايه

من هنا وهناك الجزء الاول

ومعانا صوره تانيه لأول شهيد بطلقة رصاص حى فى الرأس من إعتصام وزارة الدفاع العباسية

معلش مش احط صورته سترا لحرمته

من هنا وهناك الجزء الاول

اللهم اغفر له وارحمه واسكنه فسيح جناتك

خلاص بقى الفيلم محرووق وهى هى القصه فض اى اعتصام بالبلطجيه
امتى حتفوقو

نيجى نشوف مجلس الشعب والحكومه والمجلس العسكرى والشعب

المجلس العسكري:
انا على الحياد .. لو محتاجين حاجة قولولي.

برلمان الثورة:
عملنا تقارير وقوانين .. طبقي ونفذي يا حكومة.

حكومة الجنزوري:
هاهاهاهها :P :P :P قال انفذ قااال استنه هبأه اعملك بيان ولو عندك مشكلة كلم بابا المجلس العسكري

برلمان الثورة:
طيب كدا هنسحب الثقة من الحكومة وهنعمل حكومة وطنية تنفذ ولا تصطنع المشاكل لإحراجنا امام الشعب اللي اختارنا.

المجلس العسكري
:
ما تقدرش .. دستوريا .. ومش هنغير الحكومة وانسى الموضوع ده

الشعب:

ركسعلا مكح طقسي طقسي ..تووومب انا ناعدجاي هييييا هيف وه

واحب اقول للمجلس اقوم من الحياد لحسن تكسره

وقبل الاخير

سوريا تصرخ اين المسلمين
وفلسطين ترد ههههههههههههههه

مش عارف ليه عندى احساس قوى ان الرئيس اللى جاى
حيبقى تبع النظام السابق

واخيرا
الجيش بتاعنا المجلس مش بتاعنا

لك الله يابلدى

الى اللقاء مع الجزء التانى
من هنا وهناك

**ابوكنزى** · 02-05-2012, 02:14 PM

الحل الوحيد اجراء الانتخابات فى ميعادها
و مفيش اختيارات

**mohamed allam** · 02-05-2012, 02:17 PM

المشاركة الأصلية كتبت بواسطة ابوكنزى

الحل الوحيد اجراء الانتخابات فى ميعادها
و مفيش اختيارات

قال على رأى المثل يامستنى المجلس العسكرى يسيب السلطه
يامستنى ميسى يلعب مع طنطا

**محمد السيد.** · 02-05-2012, 02:51 PM

المشاركة الأصلية كتبت بواسطة m allam

قال على رأى المثل يامستنى المجلس العسكرى يسيب السلطه
يامستنى ميسى يلعب مع طنطا

هههههههه

على رأى المثل
اقبل القدره على فمها
يدلق الفول منها

**sasa_sasa** · 02-05-2012, 02:45 PM

من الواضح منذ زمن ان المجلس العسكرى لن يترك السلطه بسهوله او اذا تركها فلن يتركها الا لشخص يكون ولائه للمجلس العسكرى ليضمن عدم المحاسبه او شخص يستطيع ان يعقد معه صفقات

اتمنى ان يتم تسليم السلطه فى ميعادها وبطريقه ديموقراطيه نزيهه

والا فلا حل سوى انقلاب عسكرى من ضباط شرفاء من الجيش على المجلس العسكرى ويكون هدف الانقلاب تسليم السلطه للشعب عن طريق انتخابات حرة نزيهه وليس انقلاب كثورة 52 واستلائهم على السلطه

**mohamed allam** · 02-05-2012, 03:07 PM

الشهيد بإذن الله / محــــــــمـــود حـــــــامد
آخر ما كتبه :
==
ممكن تكون اخر حاجه اكتبها انا منزلتش اليوم لانى عندى امتحانات بعد كام يوم كده لاكن مش مهم الدراسه ربنا مش هيسألنى على الشهاده ولاكن هيسألنى انا ليه سكت على واحد ظالم قتل اخواتى وسيبت اخواتى ليه بيموتو وانا قاعد فى البيت (احب اقول لكل اصدقائى انى رايح ادافع عن اخوانى ومش رايح اعمل اى تخريب لاى حاجه وانا لو مت عاوز كل الناس تدعيلى بالرحمه والمغفره وعاوزكم تقولو لا اله الا الله محمد رسول الله كل يوم ان مت وان عشت سأظل احارب مع اخوتى فى سبيل الله )
(اشهد ان لا اله الا الله وان محمد رسول الله )
محمود حامد

وبعدين فى الشباب اللى ذى الورد دى

من هنا وهناك الجزء الاول