اكيد كل واحد فينا عنده اكله معينه مبيعرفش ياكلها برا البيت
ودا ليه اسباب كتير
طريقه عمل الاكله او مين اللى بيعملها او بتاكلها ازاى
وهو دا اللى انا عايزة اتكلم عليه . اكيد عند كل واحد اكله معينه مبيعرفش ياكلها برا البيت بسبب طريقه اكلها
او بمعنى تانى انه عنده طقوس خاصه بيمارسها خلال الاكل

وهضرب مثل على نفسى
الاكله الوحيده اللى من رابع المستحيلات انى اكلها برا البيت هى المانجه
ايوه المانجه . لانى اصلا لما باجى اكلها فى البيت بقفل عليا اوضتى ومحدش بيشوفنى او باكلها وانا وحدى ف المنزل
كل اللى بيشوفوه وانا خارجة من الاوضه واثار الجريمه مغرقانى . طبعا مش لازم يبقى فى شهود
لانى اللى بعمله دا جريمه يعاقب عليها القانون وفعل غير ادمى بالمره
بس هعمل ايه فعلا بضعف قدامها جدااااااااااااااا عشان كده عمر محب حد يشوفنى وانا باكلها
ومحدش هايشوفنى لان لو حد شافنى اكيد هيغير وجهة نظره فيا
وكمان الرمان والملوخية والمحشى مش ممكن اكلهم برة البيت بتبقى بهدلة

واكيد منكم كتير اللى زييى كده . فى اللى بيحب الكوارع واللى بيحب المحشى والملوخية والبطيخ وهكذاااا

انت بقى مبتعرفش تاكل ايه برا البيت ؟
__________________